INU UNYE OTU EWE OKUP ME USEM AWAJI

Jioba Ineen̄ Ebi Eyi Kan̄

[Fit fidio Ikpakpa Isibi Inu Ofolek Ikpa Otu Ifuk.]

Ebi Ijeren echeche lek kiban̄ isibi irek otoko ita (Ifuk 1:52, 53; w94 12/1 9 ¶4)

Otu ifuk ebi Ijeren igwugwuun̄ uwu ọfọ kiban̄ mekọt iwa iso efie ene ita mè iyaka ire iwa iraka (Ifuk 2:32, 33; it-1 397 ¶4)

Jioba iweek ibe ebi eyi kan̄ eketọbọ ebum enyi ọmọ kubọk ebi eneen̄be. Ire ikeya ke ikup me mgbọ ebi Ijeren, ikeya si ke ikup isa inyi eji me chereyi.—1 Kọr 14:33, 40.

Ubọk ere m̀gba-ǹgwele ukan̄ ebi Ijeren okupbe ire okup me ijọn̄ mè ibene chieen̄ ikpọ. Akpatan̄ mbuban okup me etete. Ebi ikukup iriaak me lek akpatan̄ mbuban ya ichit ire ebi ototun̄ ukan̄ ebi otoko kè Libai: Erọn me agan̄ mbum-ura, ebi owot iman kè Koyat me agan̄ osiki, ebi owot iman kè Gasiọn me agan̄ ichep-ura, melek ebi owot iman kè Merari me agan̄ inyọn̄. Ebi otoko akọp mè iba kechilọ eluluk ida ibọkọ. Ebi otoko kè Isaka, Juda melek Jebulọn eluk me agan̄ mbum-ura. Ebi otoko kè Gadi, Ruben melek Simiọn eluk me agan̄ osiki. Ebi otoko kè Benjamin, Iferem, melek Manasi eluk me agan̄ ichep-ura. Ebi otoko kè Nafitali, Dan, melek Ase eluk me agan̄ inyọn̄.

DO LEK KWUN̄, ‘Kpa ubọk ke mbasa ijeen̄ ibe ke nsa otutuuk ejit n̄a ikibieen̄ ntitiin̄ kè Jioba inye?’