Sa Ikpa Nwọọn̄ Ugwem Re Mgbọ Geelek! Look Ata Etip

Ibele eji ejit enenen ikakaan̄ aya ikpa echi ebekisa igọọk ebi ene ikween̄ Baibul! Eji ekibeek ibe Jioba igbana efuuk kiji ufuna eji ekọt erọ owuwa ebi ene ebi udun̄ kè Karais. (Mat 28:18-20; 1 Kọr 3:6-9) Ike owa ke eji ebesa ayaya ikpa chi irọ inu?

Eyi irere ibe ke ikpa Nwọọn̄ Ugwem Re Mgbọ Geelek!, nkween̄mkpọ Baibul ekigbaan̄ ikpa, ire eyi okakaan̄ aya ubọk ijeen̄ inu, gọọk onineen̄ yi enyibe me mgbọ geelek osikineen̄ lek mè ikisun̄ nkween̄mkpọ Baibul.a

• Fuk ere ebekween̄ sibi, mè igbaan̄ ikpa idodo cha

• Fuk ere Baibul echi ebe “fuk”, mè tap ubọk rọ ufuna ogwu okigọọk ikween̄ mkpọ igobo itet ubọk isabe igbaan̄ me lek mkpọ enyi ekikween̄

• Fit fidio kan̄ mè isa idodo enyibe igbaan̄ ikpa

• Sa ufuna enyi ekọt ekween̄ inu nkween̄ ge esan̄a me mgbọ ge

Osisibi uko, dasi nyi ikpa eyi broshọ kisi osa oriọọn̄ olilọk ene ya. (Kpọ me okop “Ubọk Ebesa Broshọ Nwọọn̄ Ugwem Re Mgbọ Geelek! Itap me oyet me Adasi Ogwen.”) Ire ke enyi mikween̄ broshọ ya isan̄a, ogwu okigọọk ikween̄ oweweek ijeje inyi isi, nyi ogọt ikpa ya me mgbọ ya me bene me lek inu nkween̄ 04. Ire ke ora ikigọọk ene ikween̄ ikpa Teach Us mè iyaka ire eyi Remain in God’s Love, yaka sa ene ya si me ikpa Nwọọn̄ Ugwem Re Mgbọ Geelek! mè riọọn̄ okike ere obobene ikween̄ me emen.

IKPỌ FIDIO ONU ME LEK NKWEEN̄MKPỌ BAIBUL, MÈ IFỌỌK IDODO CHI:

• Keke ke ebi okigọọk ikween̄ mkpọ ebekween̄ me emen ayaya ikpa yi?

• Keke orọ obobak lek ifit fidio yi ijeen̄ ogwu ayaya okigọọk ikween̄ Baibul?

• Keke ore inu obokitap efuuk me owot ogwu okigọọk ikween̄ Baibul ibe ito me isi mè ikọt irọ itut?—Kpọ chart “Inu Ebekween̄ mè Inu Obokọt Irọ Okup Inyi Okpọkọ ge ge.”