ILULUK UGWEM KUBỌK EBI EYI KARAIS
Ebi Asasa—Itumu Nkeek Kinyi Isibi Isa Inyi Nga Kinyi Mè Nte Kinyi
Keke orọ obotọn̄ọ lek itumu nkeek kwun̄ isibi inyi nga kwun̄ mè nte kwun̄? (Urọk 23:26) Mije Jioba itap ema me ubọk ibe ekekpọ owu chieen̄ me lek mè ekeban owu. (Itọn̄ 127:3, 4) Moyọt ema ikọkọt ikitap ubọk inyi owu mè ire okilet ufialek kwun̄ me lek kiban̄. Ikeya si, okpokọt ikween̄ mkpọ inan̄a me lek iriọọn̄-inu ema ekaan̄be inan̄a me lek inu echi ema ejebe itibi. Ire ilọ ni ibe omokọt itet usini nlelet usem ikaan̄ me lek kwun̄? Ikalọ—mè ire ikare inu eyi oborọ ufuna ebi nga kwun̄ mè nte kwun̄ echieek inu eyi ikarege atikọ.—Urọk 3:32.
Ike owa ke obosa itumu usem inyi nga kwun̄ mè nte kwun̄? Kpọ mgbọ eyi obonwọn isa inyi owu melek kiban̄. Ire eya ikafet owu me lek, omokọt ige ikpa inyi ene ge me lek kiban̄ mè ikpa nkeek kwun̄ me emen ikpa ya. Mgbọ ire ema ibekpa mbet usem eyi okaweek ibe ekpa ye? Riọọn̄ ibe ke ema michubọk iweek itatap ubọk isa inyi owu. Riọọn̄ ibe ke nga kwun̄ mè nte kwun̄ ire ata unene isa inyi owu, ema kpere ebi ochicha kwun̄. Ire otap efuuk mè ikigọọk nga kwun̄ mè nte kwun̄ ikikpa usem, omokaan̄ ata oruru inan̄a me lek me otutuuk usen ugwem kwun̄—ugwem ikakaan̄ge itata!—Urọk 4:10-12.
IKPỌ FIDIO MGBỌ NKUPBE IJIJA—IKE OWA KE MBASA ITUMU USEM INYI NGA N̄A MÈ NTE N̄A? MÈ IFỌỌK IDODO CHI:
Keke ke Esther melek Partik enigobo itet ofo me lek kiban̄?
Keke ke obokọt ikween̄ inan̄a me lek akpat ukot kè Jisọs?
Ike owa ke nga kwun̄ mè nte kwun̄ esa ijeen̄ ibe ke ema mima owu enenen?
Nga kwun̄ mè nte kwun̄ ekiweek nnwọn kwun̄
Onineen̄ Baibul echi owa ore eyi obokọt itap ubọk inyi owu ufuna okpa usem melek nga kwun̄ mè nte kwun̄?