Inu Ekween̄be Inan̄a Me Ugwem Kè Samien

Samien igbegbe utoon̄-ejit isa inyi Jioba me otutuuk ugwem kan̄. Me mgbọ ire sọn̄ gwun̄, ikachieek ifafiat kubọk bọn kè Ilai, Ofini mè Fineyas efiatbe. (1 Sam 2:22-26) Samien okpọkpọ ikimin isibi, Jioba si okukup me lek kan̄. (1 Sam 3:19) Ikerere mgbọ inin̄be ugane, ikukup inye ikigbe utoon̄-ejit inyi Jioba, ubọk geelek ibe ke nsabọn kan̄ kpegbe utoon̄-ejit.—1 Sam 8:1-5.

Keke ke eji ebekọt ikween̄ inan̄a me lek kè Samien? Ire owu ire ogwu ijija, riọọn̄ ibe ke Jioba iriọọn̄ ufialek okebichichini mè iriọọn̄ si ubọk ikikup owu me lek. Mokọt irọ ibe okaan̄ unye-ejit. (Asaya 41:10, 13) Ire owu okaan̄ gwun̄ ire gwun̄ ya ikachieek itọtọbọ ebum inyi Jioba, riọọn̄ jaan̄ ibe ke Samien ikatet nsabọn kan̄ ebi imimiin̄ inin̄ ene me unye-ubọ ibe ekeluk egọọk onineen̄ kè Jioba. Ọmọ itele irek ya me ubọk Jioba, mè ikup inye ikigbe utoon̄-ejit inyi Jioba Nte kan̄ ogwu okup me emen inyọn̄.

IKPỌ FIDIO KWEEN̄ MKPỌ NAN̄A ME LEK KIBAN̄—SAMIEN, MÈ IFỌỌK IDODO CHI:

• 

  Ike owa ke Samien osa ijeen̄ unye-ejit me mgbọ irebe sọn̄ gwun̄?

• 

  Ike owa ke Danny osa ijeen̄ unye-ejit?

• 

  Ike owa ke Samien osa ijeen̄ ata akpat ukot me me mgbọ ininbe ugane?

• 

  Ike owa ke nga Danny melek ogwu ute esa ijeen̄ ata akpat ukot?