Tap Ubọk Nyi Ebi Okigọọk Ikween̄ Baibul Ufuna Ekọt Etim Egak Ugwem Ikatanage

Ire gaalek ebi itatana me eru ebekọt ikaan̄ ata mgbaan̄je melek Jioba. (1 Pita 1:14-16) Ebi ikikween̄ Baibul esikọt itele ugwem echi ikatanage, ema mekaan̄ oruru me ototun̄ ukan̄ kiban̄ mè unye akpalek, kpebeyaka ikifiat ikpoko welewelewele si.

Riọọn̄ ubọk kpa inu onineen̄ ata ubọk irọ inu kè Jioba orebe, inu orọrọ inyibe, melek oruru ebekaan̄ mè ire misa itap me ikwaan̄. Week ubọk obosa itap ubọk inyi ebi okigọọk ikween̄ Baibul ufuna enwene ubọk ikeek inu kiban̄, mè ubọk irọ inu kiban̄ si inwene. (Efes 4:22-24) Rọ inyi ema echieek ejaan̄ ibe ke Jioba motap ubọk irọ ufuna ema ekọt etele ijo eru kiban̄. (Filip 4:13) Jeen̄ ema ibe ekeriaak uriaak enyi Jioba me mgbọ geelek olilọk irọrọ ijo inu isinin̄ ema ejit. Tap ubọk rọ ufuna ema eriọọn̄ mè enan̄a me irek echi oboweek ibe ema erọ ijo inu. Tap ema efuuk me owot ibe eketap lek me lek orirọ echi onwọnwọn kisi ema ekọt etele ijo ugwem cha. Eji isimun̄ ubọk Jioba orọbe inyi ebi eji ekigọọk ikween̄ Baibul ekerọ unwene, ikekinyi eji unwọọn̄ enenen.

IKPỌ FIDIO DRAMA TAP UBỌK NYI EBI OKIGỌỌK IKWEEN̄ BAIBUL UFUNA EKỌT ETIM EGAK UGWEM IKATANAGE, MÈ IFỌỌK IDODO CHI:

• 

  Ike owa ke ebi ugane ntitiin̄ melek Matọn̄ esa ijeen̄ utoon̄-ejit me lek Utoon̄?

• 

  Ike owa si ke Matọn̄ okpọk isa itap ubọk inyi Utoon̄?

• 

  Ike owa ke Utoon̄ osa iweek ntap-ubọk kè Jioba?