Sa Inu Okibọkọ Irek Rọ Inu Me Uko

Jisọs isa inu okimọnọ irek ijeen̄ ebi ene mkpọ me mgbọ ikupbe me inyọn̄ ijọn̄ yi. (Luk 13:1-5) Owu si omokọt isa inu okimọnọ irek me agan̄ kinyi iriki ulọk ebi ene me lek ata etip Ama Ubọọn̄. Osichak otu me lek uyọt-mkpọ, mfufiat, ufialek okirọ me ido, inwọnwọ unye ugwun̄, mè iyaka ire mbet inu okup ikecha, do idodo eyi oboriki ene ulọk. Ofolek ge me lek ufialek chi, omokọt ido ibe: “Ire okeek ibe ke mota nje?” mè iyaka ire “Me nkeek kwun̄, eke oborọ inyi ita?” Mè gọọk ene ya kpa ere Baibul eyi okakaan̄ mgbaan̄ me lek usem ya. Ire ene ya ijeen̄ ulọk, jeen̄ ogọt fidio ge mè iyaka ire nyi ogọt ikpa ge me emen Okop Mkpọ Ikwaan̄ kiji. Kè eji ‘ekerọ otutuuk inu mije ata etip ya’ ike eji ekisa irere ebi ene ejit me agan̄ eji elukbe.—1 Kọr 9:22, 23.

Kpasi ibot usem ke okeek ibe ebi ene ebekaan̄ ulọk me lek me agan̄ olukbe?