Week Iriọọn̄-Inu Obokisa Iluk Ugwem Usen Geelek me JW.ORG

Awaji inyi eji otutuuk inu echi mokọtbe itap ubọk inyi eji ekọt eme ufialek geelek eji ekikwek isi me lek me ota mgbọ yi. (2 Tim 3:1, 16, 17) Ire, usini mgbọ, eji meweek ntap-ubọk inyi eji ekọt emun̄ onineen̄ Baibul echi obotap ubọk inyi eji me ọkpọkpọ irek. Kubọk inu njeen̄, ire owu ire uga mè iyaka ire ute ogwu okiweek nteme ofolek ubọk obosa ikpukpo gwun̄ kwun̄? Ire ikekiyọt owu me lek isisiki ibot inyi Jioba kubọk ogwu ijija? Ire owu ire ogwu okifieek ejit bak lek nlom kwun̄ mè iyaka nwa kwun̄ okwube ni? Omomun̄ inu esan̄abe isibi me jw.org echi obosa nkeek kwun̄ isi lek ọkpọkpọ ere Baibul obotap ubọk inyi owu me irek chi mè iyaka ire ofifi ofifi irek.—Urọk 2:3-6.

Keme ere egebe BIBLE TEACHINGS. (Kpọ ogugo 1.) Me inu echi egebe me irak, gobo eyi okaan̄be ulọk me lek. Mè iyaka ire, keme ere egebe LIBRARY > ARTICLE SERIES mè gobo eyi oweekbe. (Kpọ ogugo 2.) Omokọt imun̄ inu yaage me JW Library^®.a Omokọt inwọọn̄ ikpọkpọ inu chi me ere chi echakbe otu me lek. Ofifi mkpọ obokọt irọ ire igege ọkpọkpọ ibot usem mè iweek me ere ekiweek mkpọ me jw.org.

Ge ibot usem chi me ere ekiweek mkpọ me jw.org mè tap iman̄ me lek inu egebe ofolek echi oboma ifufuk.

• Ikpukpukpo nsabọn

• Uga ufieejit ebi ijija ekikaan̄

• Ichechep nwa mè iyaka ire olom me mkpa