INU UNYE OTU EWE OKUP ME USEM AWAJI

Sa Iriọọn̄-Inu Gobo Ogwu Obobat Mè Iyaka Ire Ido

Solomọn ido ebibaan̄ ebi kpekiriaak ata Awaji me lek nwa, eya ikajeen̄ iriọọn-inu (1 Ubọọn̄ 11:1, 2; w18.07 18 ¶7)

Ebi nwa kè Solomọn mirọ ibe isan̄a ejit kan̄ me lek Jioba (1 Ubọọn̄ 11:3-6; w19.01 15 ¶6)

Jioba inaan̄ ejit inyi Solomọn enenen (1 Ubọọn̄ 11:9, 10; w18.07 19 ¶9)

Ogugo: Gwun̄ ute enenwaan̄ okup agaga ikikaan̄ nkween̄mkpọ Baibul eyi lek kan̄ mè ikikeek mkpọ ofolek gwun̄ ute enerieen̄ ge okup agaga si. 1. Gwun̄ ute enerieen̄ ya ikifọọk ikọ me ntitiin̄. 2. Gwun̄ ute enerieen̄ ya ikilook ata etip me ere uwa-ene. 3. Gwun̄ ute enerieen̄ ya ikigọọk irọ ikwaan̄ me lek Uwu Ntitiin̄.

Usem Awaji ibe mè ogwu eyi Karais ogwu okup agaga ibat mè iyaka ire ido “ogwu òchechieek me lek kè Karais” gaalek. (1 Kọr 7:39) Ire, ikakpọkpọk ire bak lek ene okaan̄be ntap-me-mun̄ ke ene ya ogbe isasa irọ olom mè iyaka ire nwa. Ire ene ya motap ubọk inyi owu okọt okup onye okotọbọ ebum onyi Jioba ni? Ire ene ya ijeen̄ ibe ke ọmọ ikaan̄ udọk udọk ima me lek Jioba? Sabum obochieek idodo mè iyaka ire ibat ene, riọọn̄ ubọk riọọn̄ ene ya jaan̄.