INU UNYE OTU EWE OKUP ME USEM AWAJI

“Ejit N̄a Ibokukup Me Lek Uwu Yi Mgbọ Geelek”

Jioba igobo uwu mbuban isa inyi lek kan̄ (2 Mfuf 7:11, 12)

Ejit Jioba ibokukup me lek uwu ya mgbọ geelek, eyi okijeen̄ ibe ke Jioba ibokakaan̄ ulọk me lek mkpọ obokibọkọ irek me uwu ya (2 Mfuf 7:16; w02 11/15 5 ¶1)

Ire, ire ebi Ijeren kpesa “otutuuk ejit kiban̄” igọọk Jioba, ọmọ motele ibe ejijijaka uwu mbuban ya (2 Mfuf 6:14; 7:19-21; it-2 1077-1078)

Ogugo: Ntọbọ-ebum. 1. Gwun̄ ute enerieen̄ ge ikibeek uriaak. 2. Gwun̄ ute enenwaan̄ ge ikifọọk ikọ me nkween̄mkpọ ntitiin̄. 3. Olom mè nwa ikigbaan̄ isi ikwaan̄ me uko. 4. Gwun̄ ute enerieen̄ ge ikisun̄ Uwu Ntitiin̄ me utana. 5. Gwun̄ enerieen̄ ge ikisun̄ nkween̄mkpọ ototun̄ ukan̄ melek nwa kan̄ mè nsabọn iba kiban̄. 6. Gwun̄ ute enenwaan̄ ge ikifuk Baibul. 7. Gwun̄ ute enenwaan̄ ge ikitap ikpoko me emen okop.

Mgbọ esabe uwu mbuban inyi Awaji, ebi Ijeren mira ikikeek ibe ke ejit kiban̄ ibokukup me lek uwu mbuban ya mgbọ geelek. Ire, ike mgbọ okije, ema kpeyaka ikaan̄ uyok uyok ejit me lek ntọbọ-ebum Jioba.

DO LEK KWUN̄ IBE, ‘Ike owa ke nkisa ijeen̄ ibe ke ejit n̄a ikukup me lek ntọbọ-ebum n̄a?’