Sin Nen Santuaf—Saʼes Anlail?

Na Adam nok bi Hawa ka nen fa Uisneno talantia sin maet. Kejadian 3:6, 23

Bi Hawa in nen santuaf le nane talantia in nah haufua nane, ma in nesin anfe neu na Adam.

Sin moʼet le nane sanat. Onane Usif Yehuwa anliʼu sin naʼko etu Eden.

Natuin sanat nane, na Adam ma bi Hawa ma in sufa kaʼuf, sin monit ansusal. Sin amsat namnais ma anmaet. Leka sin maet, sin anfain neu afu ma namneuk.

On afu sin kan muiʼfa smanaf. Kejadian 3:19

Hit maet le i natuin hit sanut-mofut naʼko na Adam ma bi Hawa. Tabu hit maet; hit ka tit, ka tnen ma kat meup fa saʼsaʼ.—Pengkhotbah 9:5, 10.

Usif Yehuwa kan loim fa he hit maet. Al tabu kleʼo In of namonib nafani atoni amates. Kaul hit nen Uisneno, hit of atmoin nabal-bal.