?Tan Leli Nehu Nae Ba Tan Rongo Dalen Takaa?

Takaa modoptop na mini kidi le Baebol. 2 Timoti 3:⁠16

Takaa ni metakga, telgi dalen ba le winhian non atsi bi atsi ni nong ramaulu ba le beba tegokon. Beba nong ba naeah Baebol. Wehuran tegokon midi le beba nong ah Takaa modoni nehu taneililgi.

Takaa malilgi lumhi apma ah maneskani kabisan mini kidi, igo ni naeah bi Butsun mataesa. Ihko kon rorongtak li dalen, ba kon bi atsi ililgiutan.​—Ol Proveb 1:⁠5.

Takaa modoni nehu atsi sera li uruu ran wulki dalen le Baebol. Baebol mi di nanong li dalekte teses.

Ihko kon doni nehu koma rongo dalen Takaa, ba kon wulki dalen bi kon mas ne rong dihi apma ah Baebol bep.

Atsi teses mumu li uruu ah ram rongo dalen Takaa. Matiu 28:⁠19

Atsi ni ah ramgahani dalen Iova ran wetsi kik nehu koma rongdihi dalen Takaa le Baebol.

Li uruu ba ram sesra dalekte metakga nokon Takaa.

Iligiutan nong ba kon ba gel tega. Bi gama kon huru ililgiutan nong le walin sasabisian non atsi ni ah ram gahani dalen Iova.