?Mete Nan Iesu Betsi Kidi Tegeni Apma?

Iesu tematu kidi nehu tama wutihi masan. Jon 3:⁠16

Ren katsil li malen goah Iesu temat, datgin hawin ni, rat wan le kabitsin bi ra butihi seresere nehu nokon Iesu te bulong te, muu tetpo bulong. Iova te leli Iesu te mas bamul.

Limalen, Iesu teska ben non apostolo ni.

Nae, Iova te leli Iesu te mas bamul i atsi tabitekte ah rowon matkol sik, ah man bam mat metak te ga. Apostolo non Iesu ni, rat gita goah te sak le bini.

Takaa te leli Iesu te mas bamul bi medengani nehu man saale le non kapman. Daniel 7:​13, 14

Iesu teskani non masan, nema gele halan atsi ni dini kampma ah buhbata ni. (Matiu 20:28) Atrean non Iesu nong, ba bi halan goah Takaa nehu ne maskani masan mini kidi, ah mas radaan.

Iova te dogani Iesu nehu nema i Subu ah man saale li uruu. Atsi ni goah ran di ben Iesu bi ram saale, ba ni 144,000. Le tow ah atsi ni nong ram mas li uruu, ba ramde tekol nokon Takaa mulgan ah ram mat. Limalen, Takaa me leli ram mas bamul u masan at le bini. Iesu bi atsi ni ah naba naa 144,000 ba ran di le kapman non Takaa le bini. Kapman nong ba man saale li tan ah, bi non saalean ba te woswos nante.​—Revelesen 14:​1-3.

Kapman non Takaa man leli uruu man nepma i ut le ko tegapkabis. Kuran kapkau tenok, kon bam wutih te atsi ga ah mo soriariak li saalean. Kon bam wutih te atsi ga ah matwon bi atsi goah maa megatsi. Atsi ni ran mas le seperan, rongnan nokoo man gabis tokol.​—Ol Sam 145:⁠16.