HAP 3
?Masan Le Ko Tegapkabis Te Dapmak Apma?
Iova teskani leut teses mumu ah rat gapkabis mini Adamo nuru Iva. Jenesis 1:28
Iova te leli waawonan atsi hawin, Iva, bi matkae ban ben Adamo nemai atleiman.—Jenesis 2:21, 22.
Iova te leli nuru ah kapmaan baleh tei te bulong nokoru bi le noru winhian.
Atsi nuru nong ba rat ru mas na le ko ah Iden. Le ko nong ba tegabis ah te gabis tokol. Le ko nong ba sileng ni rat rop bi butsu ka ni rat miu ah waa rat di, bi bihil hal sesnan rat di.
Iova te doptop mini nuru; te sesra nuru. Ihko rabat ru rongo dalen, ba rabat ru mas i mas radaan li uruu le ko tegapkabis.
Takaa te digoro butsu ka baleh ah ran ba ru gan te wan an. Jenesis 2:16, 17
Iova te sesra butsuka baleh le ko nong mini Adamo nuru Iva, bi bep mini nuru nehu le too ah ran ru gani wan butsu ka nong ba ran ru mat.
Angelo baleh modopma naa mosoriariak mini Takaa. Angelo tegapma nong ba naeah Domonio.
Be Domonio nong mo dopdop mini Iva li bogon teltel. Bep mini Iva nehu nema gani. Wan butsu ka a, ba man ba mat tega, ani man dapmak Takaa. Wehu ran nong ba tei keketan sera ge.—Jenesis 3:1-5.