?Nom wihnian tegueni apma nokon dalen Takaa?

APMA AH DALEKTE TEGOKON BEP

“Dalekte sera ah midi le dalekte tegokon, ba tei wihnian non Takaa.”—2 Timoti 3:16, Beba Tegokon Le Bislama.

?WIHNIAN AH WETSI KIK TEGUENI APMA?

Man wetsi kik nokon walounan datnin dalen wihnian ni.—Ol Proveb 2:1-5.

Man wetsi nokon goah kon hural mini dalen Takaa le ren sera.—Ol Sam 119:105.

Tan wihni mwetakgha nan apma ah dalekte tegokon bep.—Rom 15:4.

?TAN WIHNI MWETAK GHA NAN APMA AH DALEKTE TEGOKON BEP?

Mwetak gha, na ou wihnian ni ah:

• Dalen ni rabi baleh ghe. Tei atsi 40 ah rat teoulou dalen Takaa, bi ti teli dam 1,600 na goah rate teoulou datnin ni, rat mas le sika le toh wat wat nede. Masen ah te dapmak nong, ba dalen Takaa ni sera rabi baleh bi ramatwo wihnian baleh ghe.

• Bep leut mwetak gha nokon tsuhtsukuran. Ihko ah rat teoulou tsuhtsukuran non atsi, ras nae ba matwo leut te gabis ghe ah atsi ah ti teleli. Ani dalen Takaa wat nede. Atsi ni rat teoulou dalen Takaa, ratoul sera apma ah rat leli, masen ah tegabis io tegapma. Bi rateoulou lelian tegapma non goah rat mas out baleh.—2 Kronikel 36:15, 16; Ol Sam 51:1-4.

• Dalen Takaa ah tewep mate ba mweguaret ras. Dalen Takaa ah tewep dam 200 mate, nehou out ah Babilon man bamoudi gha. Bi tewep seresere masi han atsi ah man winim Babilon.—Aesea 45:1-3.

  Datnin leut go midi ah Dalen Takaa tewep nehou biribiri leut sera ba man garet. Ba leut ni nong rat garet sera. Leut sera nong ba ram sesra mwetak gha nan dalen Takaa.—2 Pita 1:21.