HAP 6
?Top Nan Bara Sileng Ah Tesak Mesesra Gidi i Apma?
Takaa te gasmani atsi tegapma ni, ani te wamasa Noa mini nutsun ni. Jenesis 7:11, 12, 23
Bara us muus, ren 40 bi bung 40, bi sileng mesak li uruu bulobulong. Atsi tegapma ni sera, ram mat.
Angelo ni ah rat soriariak mini Takaa ram ropligi nokoo ah tegeni atsi metak, bi ram mapma i angelo tegapma ni.
Atsi ni ah rat di le bara aga ba rat mas. Limalen, Noa, atleiman, bi nutsuru ni, ram debet bi ram mat. Masen ah rat mat, ba Takaa man leli ran masbamul, bi ran mas i masan ah mulgan tebu.
Too ah tamas nanong lelen, ba Takaa man lelbamte atsi tegapma ni bi bamasa atsi woswosan ni. Matiu 24:37-39
Domonio bi angelo tekapma ni ba ram di gama negaebelak i atsi ni.
Atsi halsesnan le taroda marani ah ra dapmak atsi ni le taron Noa, rabariak goah Iova nema saale i ni. Belwel tokol, ba Iova me lelbamte atsi sera ah rat gapma.—2 Pita 2:5, 6.
Atsi ni go ra dapmak Noa, ram rongo dalen Takaa bi ramleli apma ah bep. Atsi ni nong ba, ni naeah ram gahani dalen Iova.