Nehemías

2 Fei ti rey feipieneu: “Ngañcolelu troquieyu. ¿Chem rupai? Eimi cütrancülelaimi, fei hueñancüpiuqueleimi troquieyu”. Feimu rume pellquen. 3 Fei feipifiñ ti rey: “¡Mongelepe ti rey! ¿Chumngelu am hueñancülelayafun? Feichi huaria cai cheu tañi rüngalconcülen tañi cuifique che yem, com teifücalei ca com tañi puerta lüpümcangei”. 5 Fei feipifiñ ti rey: “Pilmi, eimi tami reyngen, ca ayülmi chumngechi chengen ta iñche, huercüen ñi amual Judá mu, ti huaria cheu ñi rüngalconcülen tañi cuifique che yem, fei ñi cüme elcünutuafiel”. 17 Af meu iñche feipifiñ engün: “Eimün pefimün nga chem fütra huesa dungu rupamequeiñ, chumngechi Jerusalén teifücangei ca tañi conhue lüpümngei cütral mu. Cüpamün, huiño deumameafiyiñ Jerusalén ñi cura malal, femngechi tañi rupahuenoal tüfachi üllüfün huesa dungu”. 18 Feimu nütramcafiñ engün chumngechi quellueneu iñche ñi Ngünechen tañi cüme cuhu ca chem ñi dungueteu ti lonco ülmen ta iñche. Fei, feipingün: “Huitrayaiñ ca deumatuaiñ ti cura malal”. Feimu yafüluhuingün ñi femal ti cüme cüdau. 20 Huelu iñche huiñoldungufiñ: “Taiñ huenu Chau Ngünechen adnieaiñmu ñi cüme tripayal. Ca iñchiñ, taiñ cüdahuelquefiel, deumayaiñ ti cura malal. Huelu eimün ngen-ngelaimün chem meu no rume Jerusalén mu, ca chumconpalaimün rume”.