Proverbios

2 Iñche tañi fotüm, llohulmi iñche tañi feipin ca piuquentuculmi iñche tañi huercün dungu, 2 cüme allcütunielmi tati quimün ca com piuque mu eluhulmi tami quim ngüneduamal. 3 Cafei, nehuentu dungun meu llellipulmi quimün, ca püramülmi tami dungun tami quim ngüneduamal; 4 quintuniefilmi tüfa plata reque, ca quintuniefilmi ellcalechi falinque fillem reque, 5 fei quimaimi chumngechi tami yamnieafiel ta Jehová, ca peafimi ti quimün Chau Ngünechen mu cüpalu. 6 Jehová am hulquelu quimün; tañi hun meu cüpai adümuhun ca quim ngüneduamün. 7 Quisu eluafi cüme quimün tati pu norngelu; quisu quiñe escudo reque felei tati pu miyauquelu ñi nor piuquengen mu. 8 Fei inaduamniequefi tati pu nor che ñi rüpü ca cuñiutucuquefi ñi mongen tati pu püntütripaquenolu fei meu. 9 Fei quimaimi chem ñi cümen, ñi norngen ca chumngechi dullintuchenoal. Ca quimaimi chumngechi tami cüme miyahual. 10 Tati quimün conle tami piuque meu, ca ti adümuhun ayüumaelmu, 11 adümngechi raquiduam cuñiutucunieaimu, ca quim ngüneduamün montulnieaimu, 12 fei montulaeimu huesa rüpü mu, feichi huentru mu dunguquelu huesaque dungu, 13 feichi pu che mu famentufilu ti nor rüpü, fei tañi miyahual huesaque rüpü mu, 14 feichi pu che mu ayüumaqueteu femal huesaque dungu, feichi pu ayüuquelu mülen mu fentren huesaque dungu, 15 feichi pu che mu miyaulu norngenochi rüpü mu ca pu maneluhun-ngenolu mu. 16 Tati quimün montulaimu feitachi ñihua domo mu, ca tati ayüfalchi dungu mu ñi feipiqueel ti domo pod mongen yenielu. 21 Tati norngechi che müten müleai mapu mu, pu nor mongen yenielu mülenagai fei mu. 22 Huelu tati pu huesaque che apümngeaingün mapu meu, ca pu ngünencachefe ngeduentungeaingün mapu mu.