Mateo
1 Tüfachi lifru pengelquei Jesucristo* ñi tuhun. Feita David ca Abrahán ñi cüpanche.
2 Abrahán, feita Isaac ñi chau;*
Isaac, feita Jacob ñi chau;
Judá ca tañi pu peñi, feita Jacob ñi pu fotüm;
3 Judá feita Pérez ca Zérah ñi chau, tañi ñuque Tamar pingei;
Pérez, feita Hezrón ñi chau;
Hezrón, feita Ram ñi chau;
4 Ram, feita Aminadab ñi chau;
Aminadab, feita Nahsón ñi chau;
Nahsón, feita Salmón ñi chau;
5 Salmón, feita Boaz ñi chau, Rahab pingei tañi ñuque;
Boaz, feita Obed ñi chau, Rut pingei tañi ñuque;
Obed, feita Jesé ñi chau;
6 Jesé, fei tati lonco ülmen David tañi chau;
David, feita Salomón ñi chau, Urías ñi domo feita Salomón ñi ñuque;
7 Salomón, feita Rehoboam ñi chau;
Rehoboam, feita Abías ñi chau;
Abías, feita Asá ñi chau;
8 Asá, feita Jehosafat ñi chau;
Jehosafat, feita Jehoram ñi chau;
Jehoram, feita Uzías ñi chau;
9 Uzías, feita Jotán ñi chau;
Jotán, feita Acaz ñi chau;
Acaz, feita Ezequías ñi chau;
10 Ezequías, feita Manasés ñi chau;
Manasés, feita Amón ñi chau;
Amón, feita Josías ñi chau.
11 Petu ñi yengenon pu Israel che Babilonia huaria mu, Josías fotümyefi ta Jeconías ca caquelu tañi pu fotüm.
12 Mülepulu engün ta Babilonia, Jeconías fotümyefi ta Sealtiel;
fei Sealtiel fotümyefi ta Zorobabel.
13 Zorobabel, feita Abiud ñi chau;
Abiud, feita Eliaquim ñi chau;
Eliaquim, feita Azor ñi chau;
14 Azor, feita Sadoc ñi chau;
Sadoc, feita Aquim ñi chau;
Aquim, feita Eliud ñi chau;
15 Eliud, feita Eleazar ñi chau;
Eleazar, feita Mattán ñi chau;
Mattán, feita Jacob ñi chau;
16 Jacob, feita José ñi chau. José, feita María ñi füta. María choyüfi ta Jesús, tati Cristo pingelu.
17 Tüfa ta com ñi tuhunche: Abrahán ñi antü puulu ta David ñi antü, mari meli tuhunche rupai. Cafei David ñi antü puulu feichi antü ñi yengetun pu Israel che ta Babilonia, mari meli tuhunche rupai. Ca feichi antü yengelu pu Israel che ta Babilonia puulu ta Cristo meu, mari meli tuhunche rupai.
18 Femngechi choyüngei ta Jesucristo: tañi ñuque María mülefui ñi niehual José engu. Huelu petu ñi fütangenon, María niepüñeñcülerquei Chau Ngünechen ñi nehuen meu. 19 Tañi ayün huentru* José nor chengei, feimu pilai ñi yehuelcayafiel ta María rangiñ pu che mu. Fei José raquiduami ñi hudayafiel ta María, huelu ñi quimnoal pu che. 20 Huelu deu raquiduamlu tüfa, Chau Jehová* ñi cüme püllü peufaluhui quiñe peuma mu, fei feipifi: “José, David ñi fotüm, ngelai tami llicayal, yeafimi ruca mu tami domo María. Chau Ngünechen ñi nehuen mu niepüñeñcülei. 21 Fei püñeñle María, Jesús* pintucuafimi. Fei tüfa montulafi pu che tañi culpan mu”.* 22 Rüfcünu llemai, com tüfa rupai ñi femtripayal Jehová* ñi feipicünuel. Cuifi adcünufi tañi huerquen, fei feipicünui: 23 “¡Ahuem cai! Tati üllcha* niepüñeñai, choyüai quiñe püñeñ, Emmanuel pingealu”, tüfachi üi feipilei “Chau Dios iñchiñ mu mülei”.
24 Trepelu* José, femi chem ñi feipieteu Chau Jehová* ñi cüme püllü, fei yefi ñi domo quisu tañi ruca mu. 25 Huelu cudumuulai tañi domo engu, choyüngelu hula ti pichiche. Fei Jesús pintuculelfi ñi üi.