Watchtower INTERNET MÜLEYECHI LIFRU
Watchtower
INTERNET MÜLEYECHI LIFRU
mapudungun
ü
  • ñ
  • Ñ
  • ü
  • Ü
  • BIBLIA
  • FILLQUE PUBLICACION
  • FILLQUE TRAHUN
  • Deuteronomio 30
  • Hue Mapu ñi Biblia

Ngelai video tüfachi troquiñ meu.

Müna huesa, pepi pengelngelai ti video.

Deuteronomio ñi nütramcael

      • Huiñotual Chau Jehová mu (1-10)

      • Chau Jehová ñi huercün dungu müte cüdaungelai (11-14)

      • Dullial ti mongen cam ti lan dungu (15-20)

Deuteronomio 30:1

Quimal dungu

  • *

    Ca lof mu: “Conümpayafimi, tuculpayafimi”.

Deuteronomio 30:2

Quimal dungu

  • *

    Hebreo quehun feipi néfesh. Diccionario mu ngüneduamnge “mongen”.

Deuteronomio 30:6

Quimal dungu

  • *

    Hebreo quehun feipilei: “Circuncidayafi”.

  • *

    Hebreo quehun feipi néfesh. Diccionario mu ngüneduamnge “mongen”.

Deuteronomio 30:9

Quimal dungu

  • *

    Ca lof mu: “Familia”.

Deuteronomio 30:10

Quimal dungu

  • *

    Hebreo quehun feipi néfesh. Diccionario mu ngüneduamnge “mongen”.

Deuteronomio 30:11

Quimal dungu

  • *

    Hebreo quehun feipilei: “Camapulelai”.

Deuteronomio 30:12

Quimal dungu

  • *

    Ca lof mu: “Nagümelaiñmu”.

Deuteronomio 30:17

Quimal dungu

  • *

    Ca lof mu: “Hudatripale”.

  • *

    Ca lof mu: “Lloyünagafuimün, ponornagafuimün”.

Deuteronomio 30:19

Fillque índice

  • Quellu ñi ngüneduamal

    Ti Werken (kom pu che ngealu),

    num. 2 2018, pag. 14-15

Deuteronomio 30:20

Quimal dungu

  • *

    Ca lof mu: “Cuyalltufiel”.

Fillque índice

  • Quellu ñi ngüneduamal

    Ti Werken (kom pu che ngealu),

    num. 2 2018, pag. 14-15

Caquelu Biblia

Pütafnge quiñe versiculo ñi pengeal caquelu Biblia mu.
  • Hue Mapu ñi Biblia
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
Hue Mapu ñi Biblia
Deuteronomio 30:1-20

Deuteronomio

30 Elueyu ñi dullial tami cümelcangeal cam malisiangeal, fei com tüfachi dungu huechutripayai eimi mu ca acordayafimi* fillque troquiñche mu tami puhuleteu tami Chau Dios Jehová. 2 Fei eimi ca tami pu fotüm huiñotuaimün tami Chau Dios Jehová mu ca allcütuafimi ñi dungun com tami piuque ca com tami mongen mu* chumngechi feipimequeyu fachantü. 3 Tüfa rupale, tami Chau Dios Jehová cüpaltuaimu cheu tami presuyengeel, cutranpiuqueyeaimu ca huiño trahultuaimu chem troquiñche mu rume tami puhuleteu tami Chau Dios Jehová. 4 Tami troquiñche puhuafui chi cheu ñi afpun ta mapu, huelu üye mu tami Chau Dios Jehová trahultuaimu ca huiño cüpaltuaimu. 5 Tami Chau Dios Jehová yeaimu ti mapu mu ñi nüfiel tami pu chau, fei mülepuaimi üye mu. Quisu ñi duam mu cüme feleaimi ca doi alün-ngerpuaimi tami pu chau mu. 6 Tami Chau Dios Jehová liftuñmayaimu* tami piuque ca tami pu cüpanche ñi piuque. Fei piuqueyeafimi tami Chau Dios Jehová com tami piuque mu ca com tami mongen mu,* femngechi mongeleaimi. 7 Fei tami Chau Dios Jehová huercülelafi com feitichi malisian dungu tami pu caiñe, tami pu üdequeteu ca tami pu inantucueteu.

8 Fei huiñotuaimi, allcütuafimi Chau Jehová ñi dungun ca inayafimi com tañi huercün dungu iñche tami feipimequefiel fachantü. 9 Tami Chau Dios Jehová rume cümelcayafi com tami femquen, quisu ñi duam mu alün-ngerpuai tami pu yall,* tami pu culliñ ca chem ñi hulün tami mapu. Chau Jehová ayüfui ñi cüme feleal tami cuifiqueche yem, fei ca ayüai tami cüme feleal. 10 Feichi mu allcütuafimi tami Chau Dios Jehová ñi dungun ca inayafimi tañi huercün dungu ca ley dungu huiriconcülelu tüfachi lifru mu nielu ti ley. Ca huiñotuaimi tami Chau Dios Jehová mu com tami piuque ca com tami mongen mu.*

11 Tüfachi huercün dungu tami feipimequefiel fachantü müte cüdaungelai eimi mu ca ditufali.* 12 Tüfachi huercün dungu mülelai huenu mu tami ramtual: ‘¿Inei pürayai huenu mu, fei nacümelaiñmu* taiñ allcütuafiel ca inayafiel?’. 13 Ca mülelai nometu lafquen tami ramtual: ‘¿Inei am noai lafquen mu, fei cüpalelaiñmu taiñ allcütuafiel ca inayafiel?’. 14 Chau Dios ñi dungun rume püllelei eimi mu, tami hun ca tami piuque meu mülei, femngechi tami inayafiel.

15 Fachantü eluayu tami dullial: ti mongen ca ti cümeque dungu cam ti lan ca ti huesaque dungu. 16 Allcütufilmi tami Chau Dios Jehová ñi huercün dungu iñche tami feipimequefiel fachantü, piuqueyeafimi tami Chau Dios Jehová, miyahuaimi tañi rüpü mu ca inanieafimi tañi dulliel, tañi huercün dungu ca ley dungu. Femngechi mongeleaimi ca alün-ngerpuaimi. Tami Chau Dios Jehová cümelcayaimu tami nüfielchi mapu.

17 Huelu tamün piuque püntütripale* Chau Dios mu ca allcütuhuenofilmün, eluhuafuimün chi tamün huelulcangeal ca pochongnagafuimün* caquelu dios mu tamün serfiafiel. 18 Fachantü feipihuaiñ, femülmün, rüfcünu layaimün. Alüñma mülelayaimün feichi mapu mu tamün nüafiel nolmün hula Jordán leufü mu. 19 Tati pu mülelu huenu mu ca ti mapu meu adquintunieneu ñi femün: eluhuiyiñ tamün dullial mongen dungu cam lan dungu, tamün cümelcangeal cam tamün malisiangeal. Tamün mongeleal ca tamün pu cüpanche, dulliafimün ti mongen. 20 Cafei piuqueyeafimün tamün Chau Dios Jehová, allcütuafimün ñi dungun ca nüucüleaimün quisu mu. Quisu elueimünmu mongen, ca tañi duam mu alüñma müleaimün ti mapu mu Chau Jehová ñi feipicünufiel* tamün cuifiqueche yem Abrahán, Isaac ca Jacob”.

Fillque chillca mapudungun mu (1993-2025)
Tripayaimi
Conaimi
  • mapudungun
  • Huercülelngeal
  • Chumcünuafimi ti pagina
  • Copyright © 2025 Watch Tower Bible and Tract Society of Pennsylvania
  • Términos y Condiciones de Uso
  • Política de privacidad
  • Configuraciones de privacidad
  • JW.ORG
  • Conaimi
Huercülelngeal