Watchtower INTERNET MÜLEYECHI LIFRU
Watchtower
INTERNET MÜLEYECHI LIFRU
mapudungun
ü
  • ñ
  • Ñ
  • ü
  • Ü
  • BIBLIA
  • FILLQUE PUBLICACION
  • FILLQUE TRAHUN
  • 2 Crónicas 33
  • Hue Mapu ñi Biblia

Ngelai video tüfachi troquiñ meu.

Müna huesa, pepi pengelngelai ti video.

2 Crónicas ñi nütramcael

      • Manasés, Judá ñi lonco ülmen (1-9)

      • Manasés nor raquiduamtui tañi femün mu (10-17)

      • Lai Manasés (18-20)

      • Amón, Judá ñi lonco ülmen (21-25)

2 Crónicas 33:2

Quimal dungu

  • *

    Ca lof mu: “Quechanentufiel”.

2 Crónicas 33:3

Quimal dungu

  • *

    Ca lof mu: “Ünco mamüll”. Diccionario mu ngüneduamnge “orcon mamüll ñi poyengequeel”.

  • *

    Ca lof mu: “Lloyünagi, ponornagi”.

2 Crónicas 33:5

Quimal dungu

  • *

    Ca lof mu: “Patio mu”.

2 Crónicas 33:6

Quimal dungu

  • *

    Ca lof mu: “Nag mapu mu”. Hebreo quehun feipilei: “Hinón ñi Fotüm pingechi laf mapu mu”.

  • *

    Cam: “Rulpafi”.

  • *

    Ca lof mu: “Lladcülcayafiel”.

2 Crónicas 33:7

Quimal dungu

  • *

    Ca lof mu: “Imagen”.

Fillque índice

  • Quellu ñi ngüneduamal

    Ti Werken (ñi chillkatungeal),

    10/2021, pag. 4

2 Crónicas 33:11

Quimal dungu

  • *

    Ca lof mu: “Quehuafe, aucafe”.

  • *

    Ca lof mu: “Cülpihue, garfio mu”.

2 Crónicas 33:14

Quimal dungu

  • *

    Ca lof mu: “Muralla”.

  • *

    Ca lof mu: “Hueltañmafi”.

2 Crónicas 33:16

Quimal dungu

  • *

    Ca lof mu: “Füchotun, mañumtun”.

2 Crónicas 33:19

Quimal dungu

  • *

    Ca lof mu: “Yafcan”.

  • *

    Diccionario mu ngüneduamnge “orcon mamüll ñi poyengequeel”.

2 Crónicas 33:20

Quimal dungu

  • *

    Hebreo quehun feipilei: “Ürcütui tañi cuifiqueche engün”.

Caquelu Biblia

Pütafnge quiñe versiculo ñi pengeal caquelu Biblia mu.
  • Hue Mapu ñi Biblia
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
Hue Mapu ñi Biblia
2 Crónicas 33:1-25

2 Crónicas

33 Manasés 12 tripantu niefui lonco ülmen-ngerpulu, fei 55 tripantu ngüneniei Jerusalén mu.

2 Huesa femi Chau Jehová ñi adquiñ mu. Inafi tati ünufal dungu ñi femün pu ca cüpanche, feichi pu che Chau Jehová ñi huemünentufiel* pu Israel che ñi adquiñ mu. 3 Huiño deumatufi fillque ngillatuhue tañi chau Ezequías ñi teifücafiel. Deumalelfi altar tati pu Baal ca deumai fillque orcon mamüll ñi poyengequeel.* Cafei ti antü, cüyen ca pu huangülen ñi adquiñ mu pochongnagi* ca eluhui ñi poyeafiel. 4 Manasés ca deumai altar Chau Jehová ñi ruca mu. Tüfa mu Chau Jehová deu feipi: “Jerusalén mu rumel püramyengeai iñche tañi üi”. 5 Cafei ti 2 lepün mu* mülelu Chau Jehová ñi ruca, Manasés deumalelfi altar tati antü, cüyen ca pu huangülen. 6 Cafei Hinón laf mapu mu* lüpümfi* quisu tañi pu fotüm cütral mu. Coni calcu dungu ca pelontun dungu mu. Üitufi che ramtuquefilu pu la ca pu pelontuchequelu. Rumeñma huesa femi Chau Jehová ñi adquiñ mu tañi illculcayafiel.*

7 Cafei deumai ti adentun* ca tucufi Chau Dios ñi ruca mu. Feichi ruca mu Chau Ngünechen ñi feipifiel ta David ca tañi fotüm Salomón: “Tüfachi ruca ca Jerusalén mu püramyengeai tañi üi rumel meu. Dullifiñ tüfachi mülehue com Israel ñi troquiñche mu. 8 Iñche feipicünufiñ pu Israel che ñi cuifiqueche tañi eluafiel mapu, feimu entulayafiñ pu Israel che feichi mapu mu. Huelu tüfa engün mülei ñi cüme inayal com tañi huercüfiel, com ñi feipin Moisés ñi ley, iñche tañi feipin ca ti ley dungu tamün feipifiel Moisés”. 9 Manasés amulei ñi hueluraquiduamelafiel pu Judá che ca pu Jerusalén che ñi doi huesaque dungu femal pu troquiñche mu. Chau Jehová deu apümcafui feichi pu troquiñche pu Israel che ñi adquiñ mu.

10 Jehová dunguquefui ta Manasés ca tañi pu che, huelu tüfa engün inalai ñi feipin. 11 Feimu Chau Jehová tañi pin mu quehuapaeyu engün pu loncolechi hueichafe* cüdahuelfilu Asiria ñi lonco ülmen. Fei nülcühue mu* nüfingün ta Manasés, trarifingün 2 cobre cadena mu ca yefingün Babilonia mu. 12 Rume cutrancaumequelu, llellipufi tañi Chau Ngünechen Jehová, fei rume illamcahui Chau Dios ñi adquiñ mu, tañi cuifiqueche ñi Chau Ngünechen. 13 Amulei ñi llellipuniefiel, fei Chau Dios cutranpiuqueyeyu tañi ngillatun mu. Allcütufi tañi ngillatun ca huiñoleltufi ñi ngünenieal Jerusalén mu. Fei Manasés quimürpui Jehová rüf Chau Ngünechen ngei.

14 Rupalu tüfa, Manasés deumai quiñe fütra cura malal* huecuntu David ñi Huaria mu, Guihon ñi conhue antü püle laf mapu mu. Rume alüpürai ti fütra cura malal ca puhui ti Challhua Conhue püle. Tiye mu ti fütra cura malal hualloñmafi* ti huaria, fei puhui Ofel mu. Cafei üitufi loncolechi hueichafe com huaria nielu fütra cura malal Judá mu. 15 Cafei entufi pu ca cüpanche ñi pu dios ca ti adentun mülelu Chau Jehová ñi ruca mu. Ca femngechi entufi com altar deumangelu mahuida mu, cheu ñi mülen Chau Jehová ñi ruca ca Jerusalén mu. Huercüi ñi ütrüfentungeal huecun huaria mu. 16 Cafei cüme elcünutufi Chau Jehová ñi altar. Tüfa mu eluhui ñi hulal chalintucun* quiñentrür ingequelu ca chalintucun ñi mañumafiel Chau Dios. Fei Manasés feipifi pu Judá che ñi serfiafiel ta Jehová, Israel ñi Chau Ngünechen. 17 Pu che elufingün chalintucun tañi Chau Ngünechen Jehová müten, huelu petu femquefuingün fillque ngillatuhue mu.

18 Caquelu dungu ñi rupan Manasés, tañi llellipufiel Chau Dios ca chem tañi feipieteu pu huentru pequelu afmatun dungu ca dungulu Jehová tañi üi mu, Israel ñi Chau Ngünechen, com huirintuculei ti lifru mu nütramcalu ñi rupan Israel ñi pu lonco ülmen. 19 Cafei tañi llellipun ca chumngechi elungei tañi ngillatuel, com tañi culpan* ca tañi feyentunon, tati mülehue cheu ñi deuman fillque ngillatuhue, orcon mamüll ñi poyengequeel* ca fillque adentun petu tañi illamcaunon, com huirintucuingün tañi pu huentru pequelu afmatun dungu. 20 Fei hula Manasés lai* ca rüngaltucungei pülle tañi ruca mu. Ca tañi fotüm Amón hue lonco ülmen-ngetui.

21 Amón 22 tripantu niefui lonco ülmen-ngerpulu ca 2 tripantu ngüneniei Jerusalén mu. 22 Fei huesa femi Chau Jehová ñi adquiñ mu, chumngechi femi tañi chau Manasés. Amón chalintuculelquefi com ti adentun ñi deumael tañi chau Manasés ca poyequefi. 23 Huelu illamcaulai Chau Jehová ñi adquiñ mu, chumngechi femi tañi chau Manasés, huelu mai Amón amulei tañi doi culpan. 24 Af meu, tañi pu cüdaufe quiñehuingün ñi caiñetuaeteu ca langümeyu quisu tañi ruca mu. 25 Huelu pu che mülelu feichi mapu mu langümfi com pu quiñeulu ca caiñetufilu ti lonco ülmen Amón, fei üitufingün tañi fotüm Josías ñi hue lonco ülmen-ngeal.

Fillque chillca mapudungun mu (1993-2025)
Tripayaimi
Conaimi
  • mapudungun
  • Huercülelngeal
  • Chumcünuafimi ti pagina
  • Copyright © 2025 Watch Tower Bible and Tract Society of Pennsylvania
  • Términos y Condiciones de Uso
  • Política de privacidad
  • Configuraciones de privacidad
  • JW.ORG
  • Conaimi
Huercülelngeal