NÚMEROS

1 Conlu tati epungechi tripantu pu Israel che ñi tripan Egipto mapu meu, ti hunen antü tati epungechi cüyen meu, Sinaí huellin mapu meu* Chau Jehová dungufi ta Moisés tati trahunhue tolto ruca meu.* Feipi: 2 “Eimi ca Aarón raquiafimu com pu Israel che.* Huirintucuaimu caque quiñeque huentru ñi üi, ñi familia ca tañi tuhunche. 3 Tati fillque troquiñche mu, eimi ca Aarón huirintucuñmayafimu ñi üi com pu nielu 20 tripantu cam doi, tüfa engün conafui Israel ñi troquiñ hueichafe mu.*

4 Caque quiñeque troquiñche mu dulliafimu quiñe huentru tamu quelluaeteu. Feichi huentru loncoleai tañi troquiñche mu. 5 Tüfa tañi üi ti pu huentru tamu quelluaeteu: Rubén ñi troquiñche mu dulliafimu Elizur, Sedeur ñi fotüm. 6 Simeón ñi troquiñche mu dulliafimu Selumiel, Zurisadái ñi fotüm. 7 Judá ñi troquiñche mu dulliafimu Nahsón, Aminadab ñi fotüm. 8 Isacar ñi troquiñche mu dulliafimu Netanel, Zuar ñi fotüm. 9 Zabulón ñi troquiñche mu dulliafimu Eliab, Helón ñi fotüm. 10 Efraín ñi troquiñche mu dulliafimu Elisamá, Amihud ñi fotüm. Manasés ñi troquiñche mu dulliafimu Gamaliel, Pedahzur ñi fotüm. Efraín ca Manasés, José ñi epu fotüm. 11 Benjamín ñi troquiñche mu dulliafimu Abidán, Guideoní ñi fotüm. 12 Dan ñi troquiñche mu dulliafimu Ahiézer, Amisadái ñi fotüm. 13 Aser ñi troquiñche mu dulliafimu Paguiel, Ocrán ñi fotüm. 14 Gad ñi troquiñche mu dulliafimu Eliasaf, Deuel ñi fotüm. 15 Neftalí ñi troquiñche mu dulliafimu Ahirá, Enán ñi fotüm. 16 Tüfa ta pu dullingelu pu Israel che mu. Tüfa engün loncolei tañi chau ñi troquiñche mu, caque quiñeque loncolei huarancaque che* Israel mu”.

17 Fei Moisés ca Aarón yefingu tüfachi pu huentru ñi dullieteu Chau Dios. 18 Ti hunen antü tati epungechi cüyen mu trapümngei com tati pu che. Caque quiñeque huentru 20 tripantu nielu cam doi, huirintucuñmangei tañi üi, tañi familia ca tañi tuhunche. 19 Femingün chumngechi Chau Jehová ñi feipicünufiel ta Moisés. Sinaí huellin mapu meu Moisés huirintucucünui com tüfa.

20 Huirintucuñmangei ñi üi, ñi familia ca tañi tuhunche Rubén ñi pu cüpanche, Israel ñi hunen fotüm. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 21 Rubén tañi pu che mu raquingei 46.500 huentru.

22 Simeón ñi pu cüpanche huirintucuñmangei ñi üi, ñi familia ca tañi tuhunche. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 23 Simeón tañi pu che mu raquingei 59.300 huentru.

24 Gad ñi pu cüpanche huirintucuñmangei ñi üi, ñi familia ca tañi tuhunche. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 25 Gad tañi pu che mu raquingei 45.650 huentru.

26 Judá ñi pu cüpanche huirintucuñmangei ñi üi, ñi familia ca tañi tuhunche. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 27 Judá tañi pu che mu raquingei 74.600 huentru.

28 Isacar ñi pu cüpanche huirintucuñmangei ñi üi, ñi familia ca tañi tuhunche. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 29 Isacar tañi pu che mu raquingei 54.400 huentru.

30 Zabulón ñi pu cüpanche huirintucuñmangei ñi üi, ñi familia ca tañi tuhunche. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 31 Zabulón tañi pu che mu raquingei 57.400 huentru.

32 Huirintucuñmangei ñi üi, ñi familia ca tañi tuhunche Efraín ñi pu cüpanche, José tañi fotüm. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 33 Efraín tañi pu che mu raquingei 40.500 huentru.

34 Manasés ñi pu cüpanche huirintucuñmangei ñi üi, ñi familia ca tañi tuhunche. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 35 Manasés tañi pu che mu raquingei 32.200 huentru.

36 Benjamín ñi pu cüpanche huirintucuñmangei ñi üi, ñi familia ca tañi tuhunche. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 37 Benjamín tañi pu che mu raquingei 35.400 huentru.

38 Dan ñi pu cüpanche huirintucuñmangei ñi üi, ñi familia ca tañi tuhunche. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 39 Dan tañi pu che mu raquingei 62.700 huentru.

40 Aser ñi pu cüpanche huirintucuñmangei ñi üi, ñi familia ca tañi tuhunche. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 41 Aser tañi pu che mu raquingei 41.500 huentru.

42 Neftalí ñi pu cüpanche huirintucuñmangei ñi üi, ñi familia ca tañi tuhunche. Raquingei caque quiñeque huentru 20 tripantu nielu cam doi, tüfa engün conafui Israel ñi troquiñ hueichafe mu. 43 Neftalí tañi pu che mu raquingei 53.400 huentru.

44 Tüfa ñi huirintucuel Moisés ca Aarón, quellueyu mari epu loncolelu, caque quiñeque engün coneltulei quiñe troquiñche Israel mu. 45 Com pu Israel che nielu 20 tripantu cam doi, huirintucuñmangei tañi tuhunche, tüfa engün conafui Israel ñi troquiñ hueichafe mu. 46 Com tüfa raquingei, 603.550 huentru.

47 Huelu pu Leví che raquingelaingün quiñentrür caquelu troquiñche engün. 48 Chau Jehová feipifi ta Moisés: 49 “Leví tañi pu che müten huirintuculayafimi, raquilayafimi quiñentrür caquelu pu Israel che engün. 50 Ti ngillatuhue tolto ruca mu mülei ti epu laf cura nielu iñche tañi eldungu. Tüfachi ngillatuhue tolto ruca, tañi fillque chemcün* ca com ñi mülen feiti mu elfalcünulelafimi pu Leví che. Cañpüle yeafingün ti ngillatuhue tolto ruca ca tañi chemcün, cüdahuaingün üye mu ca anücünuaingün quisuque ñi tolto ruca ñi hualloñmayafiel ti ngillatuhue tolto ruca. 51 Cañpüle yengele ti ngillatuhue tolto ruca, pu Leví che cuñiutucun mu mülei ñi teifüafiel. Fei pu Leví che müten mülei ñi huiño huitracünuafiel ti ngillatuhue tolto ruca. Huelu caque che elungerquenolu ñi femal* fülconpule,* mülei tañi layal.

52 Com pu Israel che troquiñcünuhuaingün, cüla troquiñche trampümngeai, caquelu troquiñche ca femngechi trapümngeai. Fei caque quiñeque huentru huitrapüramai tañi tolto ruca cheu tañi feipingeel. 53 Pu Leví che anücünuai ñi tolto ruca ñi hualloñmayafiel ti ngillatuhue tolto ruca, femngechi illcutungelayai* pu Israel che. Pu Leví che elfalcünungeingün ñi cuñiutucuafiel ti ngillatuhue tolto ruca”.

54 Pu Israel che femingün com ñi feipifiel Chau Jehová ta Moisés. Femngechi femingün.

2 Chau Jehová dungufi ta Moisés ca Aarón. Feipifi: 2 “Pu Israel che anücünuai ñi tolto ruca* cheu ñi feipingeel tañi mülepual quisu ñi troquiñche caquelu epu troquiñche engu. Caque quiñeque huentru elcünuai tañi tolto ruca inafül feitichi chemcün* pengelquelu tañi tuhunche. Tañi tolto ruca engün adquintunieafi ti ngillatuhue tolto ruca, hualloñmanieafingün.

3 Tripahue antü püle, cüla troquiñche anücünuafingün ñi tolto ruca cheu tañi feipingeel engün. Judá ñi troquiñche loncoleai. Nahsón, Aminadab ñi fotüm, loncoleai Judá tañi pu che mu. 4 Tañi troquiñ hueichafe mu* raquingei 74.600 huentru. 5 Inafül müleai Isacar tañi troquiñche. Netanel, Zuar ñi fotüm, loncoleai Isacar tañi pu che mu. 6 Tañi troquiñ hueichafe mu raquingei 54.400 huentru. 7 Ca inafül Judá ñi troquiñche mu müleai Zabulón ñi troquiñche. Eliab, Helón ñi fotüm loncoleai Zabulón tañi pu che mu. 8 Tañi troquiñ hueichafe mu raquingei 57.400 huentru.

9 Judá ñi pu troquiñche mu raquingei 186.400 hueichafe. Tüfa engün hunelu mu nentuafingün tañi tolto ruca.

10 Huaihuen püle,* cüla troquiñche anücünuafi ñi tolto ruca cheu tañi feipingeel. Rubén ñi troquiñche loncoleai. Elizur, Sedeur ñi fotüm, loncoleai Rubén tañi pu che mu. 11 Tañi troquiñ hueichafe mu raquingei 46.500 huentru. 12 Inafül müleai Simeón ñi troquiñche. Selumiel, Zurisadái ñi fotüm, loncoleai Simeón tañi pu che mu. 13 Tañi troquiñ hueichafe mu raquingei 59.300 huentru. 14 Ca inafül Rubén ñi troquiñche mu, müleai Gad ñi troquiñche. Eliasaf, Reuel ñi fotüm, loncoleai Gad tañi pu che mu. 15 Tañi troquiñ hueichafe mu raquingei 45.650 huentru.

16 Rubén ñi pu troquiñche mu raquingei 151.450 hueichafe. Tüfa engün inangechi nentuafingün tañi tolto ruca.

17 Cañpüle yengele ti ngillatuhue tolto ruca, pu Leví che rangiñ mu amuleai caquelu troquiñche mu.

Chumngechi adcünungequei ñi toltoucüleal,* femngechi amuleaingün. Caque quiñeque troquiñche amuleai tañi caquelu epu troquiñche engu.

18 Conhue antü püle, cüla troquiñche anücünuafi tañi tolto ruca cheu tañi feipingeel. Efraín ñi troquiñche loncoleai. Elisamá, Amihud ñi fotüm, loncoleai Efraín tañi pu che mu. 19 Tañi troquiñ hueichafe mu raquingei 40.500 huentru. 20 Inafül müleai Manasés ñi troquiñche. Gamaliel, Pedahzur ñi fotüm, loncoleai Manasés tañi pu che mu. 21 Tañi troquiñ hueichafe mu raquingei 32.200 huentru. 22 Ca inafül Efraín ñi troquiñche mu müleai Benjamín ñi troquiñche. Abidán, Guideoní ñi fotüm, loncoleai Benjamín tañi pu che mu. 23 Tañi troquiñ hueichafe mu raquingei 35.400 huentru.

24 Efraín ñi pu troquiñche mu raquingei 108.100 hueichafe. Tüfa engün inangechi nentuafingün tañi tolto ruca.

25 Picun püle,* cüla troquiñche anücünuafi tañi tolto ruca cheu tañi feipingeel. Dan ñi troquiñche loncoleai. Ahiézer, Amisadái ñi fotüm, loncoleai Dan tañi pu che mu. 26 Tañi troquiñ hueichafe mu raquingei 62.700 huentru. 27 Inafül müleai Aser ñi troquiñche. Paguiel, Ocrán ñi fotüm, loncoleai Aser tañi pu che mu. 28 Tañi troquiñ hueichafe mu raquingei 41.500 huentru. 29 Ca inafül Dan ñi troquiñche mu müleai Neftalí ñi troquiñche. Ahirá, Enán ñi fotüm, loncoleai Neftalí tañi pu che mu. 30 Tañi troquiñ hueichafe mu raquingei 53.400 huentru.

31 Dan tañi pu troquiñche mu raquingei 157.600 hueichafe. Tüfachi cüla troquiñche inalechi mu nentuafingün tañi tolto ruca”.

32 Com tüfachi Israel che huirintucuñmangei tañi tuhunche. Raquingei 603.550 huentru, tüfa engün conafui troquiñ hueichafe mu. 33 Huelu pu Leví che raquingelaingün quiñentrür caquelu pu Israel che engün, chumngechi ñi feipifiel Chau Jehová ta Moisés. 34 Pu Israel che femingün com ñi feipifiel Chau Jehová ta Moisés. Cüla troquiñche trapümngei, caquelu troquiñche ca femngechi trapümngequei. Femngechi anücünuquefingün ca entuquefingün tañi tolto ruca engün, caque quiñeque tañi familia mu ca caque quiñeque tañi tuhunche mu.

3 Tüfa Aarón ca Moisés tañi pu cüpanche feichi antü Chau Jehová dungufilu ta Moisés Sinaí huincul mu. 2 Tüfa Aarón tañi pu fotüm: tañi hunen fotüm Nadab, cafei Abihú, Eleazar ca Itamar. 3 Tüfa tañi üi Aarón ñi pu fotüm, fei engün dullingei ca elfalcünungei ñi sacerdotengeal. 4 Sinaí ñi huellin mapu meu,* Nadab ca Abihú chalintuculelfingu ta Chau Jehová, huelu ñi femnoafel engu. Feimu laingu Chau Jehová ñi adquiñ mu, ca nierquelaingu fotüm. Huelu Eleazar ca Itamar amulei ñi cüdaumequen engu tañi sacerdotengen quiñentrür tañi chau engün.

5 Fei Chau Jehová feipifi ta Moisés: 6 “Fülümpafinge pu Leví che. Huitracünuupe engün ti sacerdote Aarón ñi adquiñ mu, fei cüdahuelafi engün. 7 Itrotripa ti trahunhue tolto ruca mu* mülei ñi cüdahual engün. Femngechi cüdahuelafingün ta Aarón ca tati pu Israel che chumngechi ñi elfalcünulelngeel. 8 Elfalcünulelngeai engün itrofill chemcün* ñi mülen trahunhue tolto ruca mu ca femaingün ti cüdau duamniengelu fei mu. Femngechi serfinieafingün pu Israel che. 9 Hultucuafimi pu Leví che, eluafimi ta Aarón ca tañi pu fotüm. Pu Israel che mu püntünentungeingün* ñi elungeal ta Aarón quiñe yehun reque.* 10 Sacerdotecünuafimi ta Aarón ca tañi pu fotüm ñi cüdahual. Inei rume elungerquenolu ñi femal* fülconpule,* mülei tañi layal”.

11 Chau Jehová ca feipifi ta Moisés: 12 “Iñche dullirqueafun tati pu Israel che ñi hunenque fotüm. Huelu femlayan. Doi mai dulliafiñ tati pu Leví che. Ngen-ngean fei engün meu. 13 Iñche ngen-ngen com pu hunenque fotüm meu. Feichi antü langümfilu iñche com pu hunenque fotüm mülelu Egipto mapu meu, püntücünufiñ* iñchengeal com pu hunenque fotüm ca hunenque pichique culliñ Israel mu. Ngen-ngean fei engün meu. Iñche ta Chau Jehová”.

14 Chau Jehová huiño dungufi ta Moisés Sinaí ñi huellin mapu meu. Feipifi: 15 “Leví tañi troquiñche huirintucuñmayafimi tañi tuhunche ca tañi familia. Huirintucuafimi com pu huentru ca pichique huentru quiñe cüyen nielu cam doi”. 16 Moisés raquifi engün chumngechi ñi feipieteu Chau Jehová. 17 Tüfa Leví tañi pu fotüm: Guersón, Cohat ca Merarí.

18 Guersón tañi pu fotüm, fei ta Libní ca Simeí. Femngechi ca üitungequefui caque quiñeque engu tañi familia.

19 Cohat tañi pu fotüm, fei ta Amram, Izhar, Hebrón ca Uziel. Femngechi ca üitungequefui caque quiñeque engün tañi familia.

20 Merarí tañi pu fotüm, fei ta Mahlí ca Musí. Femngechi ca üitungequefui caque quiñeque engu tañi familia.

Tüfa pu Leví che ñi pu familia ca tañi tuhunche.

21 Guersón mu tripai pu Libní che ca Simeí che. Com tüfa pu Guersón che. 22 Raquingei com pu huentru ca pichique huentru quiñe cüyen nielu cam doi. Huirintucungei 7.500 huentru. 23 Conhue antü püle furitu ti ngillatuhue tolto ruca, pu Guersón che anücünuquefuingün tañi tolto ruca. 24 Eliasaf, Lael tañi fotüm, loncolei pu Guersón che ñi pu familia mu. 25 Ti trahunhue tolto ruca mu pu Guersón che elfalcünulelngei cuñiutucuafiel ti ngillatuhue tolto ruca, tañi fillque pañu, tañi tacun, ti cortina mülelu trahunhue tolto ruca ñi conhue püle, 26 ti lepün* ñi cortina ca ti cortina mülelu ti lepün ñi conhue mu, feitichi lepün hualloñmaniefi ti ngillatuhue tolto ruca ca ti altar.* Ca mülei ñi cuñiutucuafiel tañi def* ca itrocom ñi nüucülen tüfachi cüdau mu.

27 Cohat mu tripai pu Amram che, pu Izhar che, pu Hebrón che ca pu Uziel che. Com tüfa tati pu Cohat che. 28 Raquingei com pu huentru ca pichique huentru quiñe cüyen nielu cam doi. Huirintucungei 8.600 huentru. Pu Cohat che elfalcünulelngei ñi cuñiutucuafiel ti yamfal mülehue.* 29 Huaihuen püle* ti ngillatuhue tolto ruca, Cohat tañi pu che anücünuquefuingün tañi tolto ruca. 30 Elizafán, Uziel ñi fotüm, loncolei pu Cohat che ñi pu familia mu. 31 Elfalcünulelngei engün ti Falin Caja, ti mesa, ti candelabro,* ti altar ca itrofill chemcün pünengequelu ti yamfal mülehue mu. Cafei cuñiutucuafingün ti cortina mülelu ponhui mu ca itrocom ñi nüucülen tüfachi cüdau mu.

32 Eleazar, ti sacerdote Aarón ñi fotüm, fei tati hunen loncolelu pu Leví che meu. Quisu adniequefui pu huentru ñi elfalcünulelngeel fillque cüdau ti yamfal mülehue mu.

33 Merarí mu tripai pu Mahlí che ca pu Musí che. Com tüfa pu Merarí che. 34 Raquingei com pu huentru ca pichique huentru nielu quiñe cüyen cam doi. Huirintucungei 6.200 huentru. 35 Zuriel, Abihail ñi fotüm, loncolei pu Merarí che ñi pu familia mu. Picun püle* ti ngillatuhue tolto ruca mu anücünuquefuingün tañi tolto ruca. 36 Pu Merarí che elfalcünulelngei tati ngillatuhue tolto ruca ñi armazon, ñi moncol mamüll, ñi orcon ca ti chemcün cheu ñi anüleal, cafei tañi itrofill chemcün ca itrocom ñi nüucülen tüfachi cüdau meu. 37 Cafei elfalcünulelngei feitichi orcon hualloñmaniefilu ti lepün, ti chemcün cheu ñi anüleal, tañi estaca ca tañi def.

38 Tripahue antü püle itrotripa ti ngillatuhue tolto ruca, trahunhue tolto ruca ca pingelu, Moisés, Aarón ca tañi pu fotüm anücünuquefuingün tañi tolto ruca. Tüfa engün elfalcünulelngei cuñiutucuafiel ti yamfal mülehue. Pu Israel che ñi duam mu elfalcünulelngeingün tüfa. Huelu inei rume elungerquenolu ñi femal* fülconpule, mülei tañi layal.

39 Chau Jehová ñi feipin mu, Moisés ca Aarón huirintucuñmafingu ñi familia com pu huentru ca pichique huentru Leví chengelu quiñe cüyen nielu cam doi. Raquingei 22.000 huentru.

40 Fei Chau Jehová feipifi ta Moisés: “Raquiafimi ca huirintucuñmayafimi ñi üi com pu Israel che ñi hunenque fotüm quiñe cüyen nielu cam doi. 41 Pu Leví che huelutucuafimi pu Israel che ñi hunenque fotüm mu. Feimu püntücünulelen* pu Leví che. Iñche ta Chau Jehová. Püntücünuafimi pu Leví che ñi ñomque culliñ. Tüfa engün huelutucuafimi pu Israel che ñi hunenque ñom culliñ mu”. 42 Fei chumngechi ñi feipieteu Chau Jehová, Moisés huirintucucünui pu Israel che ñi hunenque fotüm. 43 Huirintucuñmangei ñi üi com pu hunenque fotüm quiñe cüyen nielu cam doi. Raquingei 22.273 huentru.

44 Chau Jehová dunguniefi ta Moisés. Feipifi: 45 “Pu Leví che huelutucuafimi pu Israel che ñi hunenque fotüm mu. Feimu püntücünuafimi* pu Leví che. Cafei pu Leví che ñi ñomque culliñ huelutucuafimi pu Israel che ñi ñomque culliñ mu. Feimu püntücünuafimi. Iñche ngen-ngean pu Leví che mu. Iñche ta Chau Jehová. 46 Culliaimi tami ngillanentuafiel feichi 273 hunenque fotüm doingelu pu Leví che mu. 47 Caque quiñeque engün meu culliaimi quechu siclo.* Fanefanetungeai chumngechi ñi fanefanetungequen ti yamfal mülehue mu. Quiñe siclo fanei mari epu gramo.* 48 Eluafimi ti plata ta Aarón ca tañi pu fotüm, femngechi ngillanentuafimi pu Israel che ñi hunenque fotüm doingelu pu Leví che meu”. 49 Feimu Moisés llohui ti plata cullingelu ñi ngillanentuafiel pu hunenque fotüm doingelu pu Leví che. 50 Llohui ti plata cullingelu pu Israel che ñi hunenque fotüm meu. Trapümngei 1.365 siclo. Tüfa fanefanetungei chumngechi ñi fanefanetungequen ti yamfal mülehue mu. 51 Chau Jehová ñi feipin mu Moisés elufi ti plata ta Aarón ca tañi pu fotüm chumngechi ñi feipifiel Chau Jehová ta Moisés.

4 Fei Chau Jehová feipifi ta Moisés ca Aarón: 2 “Raquingepe pu Cohat che mülelu tati pu Leví che meu. Huirintucuñmangeai tañi familia ca tañi tuhunche. 3 Raquingeai pu nielu 30 cam 50 tripantu, com feichi pu huentru elfalcünulelngelu ñi cüdahual trahunhue tolto ruca mu.*

4 Tüfa tati cüdau ñi nieel pu Cohat che ti trahunhue tolto ruca mu. Rume yamfalngei.* 5 Eluhulmün tamün cañpüle toltoupual,* Aarón ca tañi pu fotüm conaingün ti ngillatuhue tolto ruca mu. Entuafingün ti cortina ponhui mu mülelu, fei tacuafingün ti falin caja nielu Chau Dios ñi ley. 6 Huente tuculelafingün trülque foca ca quiñe callfü pañu, fei tuculelafingün ñi fara ñi cañpüle yeafiel.

7 Quiñe callfü pañu mu tacuafingün ti mesa cheu ñi elcünungequen ti cofque püntücünulelngelu* ta Chau Dios. Huente tucuafingün rali, copa, metahue ca feitichi posillu ñi hulngeal hutrulngeelchi* chalintucun.* Cafei huente tucuafingün feitichi cofque püntücünungelu. 8 Huente feitichi chemcün* ünifcünuafingün quiñe quelü pañu, trülque foca mu tacuafingün ti mesa. Fei tuculelafingün ñi fara ñi cañpüle yeafiel. 9 Fei hula nüaingün quiñe callfü pañu, fei tacuafingün ti candelabro pelontuquelu, tañi pelontuhue, tañi tenaza, tañi braserillo ca com feitichi metahue nielu ti aceite ñi üyümafiel. 10 Quiñe trülque foca mu impolafingün* ti candelabro ca tañi itrofill chemcün. Fei huente trafla mu tucuafingün ñi cañpüle yeafiel. 11 Huente altar orongelu* ünifcünuafingün quiñe callfü pañu. Tacuafingün quiñe trülque foca mu, fei tuculelafingün tañi fara ñi cañpüle yeafiel. 12 Quiñe callfü pañu mu tucuafingün itrofill chemcün pünengequelu ti yamfal mülehue mu. Trülque foca mu tacuafingün, fei huente trafla mu tucuafingün ñi cañpüle yeafiel.

13 Entuafingün ti trüfquen* mülelu ti altar mu, fei tacuafingün ti altar quiñe coñol ngüren mu.* 14 Huente ti altar mu tucuafingün itrofill chemcün pünengequelu altar mu: braserillo, tenedor, pala, posillu. Huente tucuafingün trülque foca, fei tuculelafingün tañi fara ñi cañpüle yeafiel.

15 Pu Israel che cañpüle yetufile tañi tolto ruca, Aarón ca tañi pu fotüm tacuafingün ti yamfal mülehue ca tañi itrofill chemcün. Fei Cohat tañi pu fotüm conaingün ñi cañpüle yeafiel. Huelu ngelai ñi nünütuafiel tati yamfal mülehue ñi itrofill chemcün. Femle, layaingün. Tüfachi falin cüdau femaingün Cohat ñi pu fotüm trahunhue tolto ruca mu.

16 Eleazar, tati sacerdote Aarón ñi fotüm, elfalcünulelngei inaduamafiel ti aceite ñi pelontuam, ti cüme nümün-ngechi incienso,* ti fün chalintucungequelu* ca ti falin aceite. Quisu ngüneduamafi com ti ngillatuhue tolto ruca ca com ñi mülen fei mu, ti yamfal mülehue ca tañi itrofill chemcün”.

17 Chau Jehová dunguniefi ta Moisés ca Aarón, feipifi: 18 “Femcünulayaimu ñi apümcangeal pu Cohat che tuulu pu Leví che mu. 19 Pu Cohat che ñi duam meu femaimu com tüfachi dungu. Femngechi fülconle engün* tati yamfalchi chemcün meu, lalayaingün. Aarón ca tañi pu fotüm conaingün ti trahunhue tolto ruca mu. Fei elfalcünulelafingün pu Cohat che chem cüdau ñi femal ca chem tañi yeafiel. 20 Pu Cohat che conle, turpu ngelai ñi peafiel ti yamfalchi chemcün. Pefile, layaingün”.

21 Fei Chau Jehová feipifi ta Moisés: 22 “Raquingepe Guersón tañi pu fotüm. Huirintucuñmangeai tañi tuhunche ca tañi familia. 23 Raquingeai com pu nielu 30 cam 50 tripantu, com feichi pu huentru elfalcünulelngelu ñi cüdahual trahunhue tolto ruca mu. 24 Com tüfa pu Guersón che mülei ñi cuñiutucuafiel ca cañpüle yeafiel. 25 Cañpüle yeafingün tati ngillatuhue tolto ruca ñi fillque pañu, tati trahunhue tolto ruca, chem tañi tacunieteu ca ti trülque foca huente mu mülelu. Cafei yeafingün tati cortina mülelu tati trahunhue tolto ruca ñi conhue mu, 26 ti lepün* ñi cortina ca ti cortina mülelu ti lepün ñi conhue mu, feitichi lepün hualloñmaniefi ti ngillatuhue tolto ruca ca ti altar. Cafei yeafingün tañi def,* tañi itrofill chemcün ca itrocom ñi nüucülen tüfachi cüdau mu. Com tüfa elfalcünulelngei engün. 27 Aarón ca tañi pu fotüm mülei ñi ngüneduamafiel pu Guersón che ñi cüdau ca chem ñi yeafiel. Eimün feipiafimün chem tañi yeafiel cañpüle. Com tüfa tañi cüdau engün. 28 Com tüfachi cüdau mülei ñi femal pu Guersón che tati trahunhue tolto ruca mu. Mülei ñi femal chem tañi elfalcünulelngeel. Itamar, ti sacerdote Aarón ñi fotüm, adnieaeyu engün.

29 Raquiafimi Merarí tañi pu fotüm, huirintucuñmayafimi ñi familia ca tañi tuhunche. 30 Raquiafimi com pu nielu 30 cam 50 tripantu, com feichi pu huentru elfalcünulelngelu ñi cüdahual trahunhue tolto ruca mu. 31 Tati trahunhue tolto ruca mu pu Merarí che elfalcünulelngei ñi cañpüle yeafiel tüfachi chemcün: tati ngillatuhue tolto ruca ñi armazon, tañi moncol mamüll, tañi orcon ca ti chemcün cheu tañi anüleal. 32 Cafei yeafingün feitichi orcon hualloñmaniefilu ti lepün, ti chemcün cheu tañi anüleal, tati estaca, tati def, tañi itrofill chemcün ca itrocom ñi nüucülen tüfachi cüdau meu. Elfalcünulelafimi caque quiñeque engün chem tañi cañpüle yeafiel. 33 Femngechi pu Merarí che cüdahuaingün ti trahunhue tolto ruca mu. Itamar, ti sacerdote Aarón ñi fotüm, adnieaeyu engün”.

34 Moisés, Aarón ca tati pu loncolelu ti pu che meu raquifingün tati pu Cohat che, huirintucuñmafingün tañi familia ca tañi tuhunche. 35 Raquifingün com pu nielu 30 cam 50 tripantu, com feichi pu huentru elfalcünulelngelu ñi cüdahual trahunhue tolto ruca mu. 36 Caque quiñeque engün huirintucuñmangei ñi familia, raquingei 2.750 huentru. 37 Raquingei pu Cohat che, com pu elfalcünulelngelu ñi cüdahual tati trahunhue tolto ruca mu. Moisés ca Aarón raquifingu chumngechi ñi feipifiel Chau Jehová ta Moisés.

38 Raquingei pu Guersón che, huirintucuñmangei tañi familia ca tañi tuhunche. 39 Raquingei com pu nielu 30 cam 50 tripantu, com feichi pu huentru elfalcünulelngelu ñi cüdahual trahunhue tolto ruca mu. 40 Caque quiñeque engün huirintucuñmangei ñi familia ca tañi tuhunche. Raquingei 2.630 huentru. 41 Femngechi raquingei pu Guersón che, com feichi pu huentru elfalcünulelngelu ñi cüdahual trahunhue tolto ruca mu. Chau Jehová ñi feipin mu, Moisés ca Aarón femcünuingu ñi raquingeal engün.

42 Cafei raquingei pu Merarí che, huirintucuñmangei tañi familia ca tañi tuhunche. 43 Raquingei com pu nielu 30 cam 50 tripantu, com feichi pu huentru elfalcünulelngelu ñi cüdahual trahunhue tolto ruca mu. 44 Caque quiñeque engün huirintucuñmangei ñi familia, raquingei 3.200 huentru. 45 Femngechi huirintucuñmangei pu Merarí che ñi familia. Moisés ca Aarón huirintucufingu chumngechi ñi feipifiel Chau Jehová ta Moisés.

46 Moisés, Aarón ca pu loncolelu pu Israel che mu huirintucuñmafingün com pu Leví che tañi familia ca tañi tuhunche. 47 Tüfa engün 30 cam 50 tripantu niei, com engün tati trahunhue tolto ruca mu elfalcünulelngei cüdau ca chem tañi yeafiel cañpüle. 48 Com tüfa raquingei, 8.580 huentru. 49 Tüfa engün raquingei chumngechi ñi feipifiel Chau Jehová ta Moisés. Caque quiñeque engün huirintucuñmangei tañi cüdau ca chem tañi yeafiel cañpüle. Raquingei engün chumngechi ñi feipifiel Chau Jehová ta Moisés.

5 Chau Jehová ca huiño dungufi ta Moisés, feipifi: 2 “Quiñe che lepra cutran nieafui chi, trarcüleafui* quiñe troquiñ tañi cuerpo mu* cam lifcülelayafui tañi nünütufiel quiñe la.* Feipiafimi pu Israel che ñi entuafiel huecun com tüfachi pu che. 3 Huentru cam domo rume, mülei tamün entuafiel huecun, cheu ñi mülenon ta che. Iñche mülen rangiñ quisu engün meu, feimu entuafimün huecun. Femnolmün, quisu engün ñi duam meu lifcülelayaimün”. 4 Com tüfa femingün pu Israel che, entufingün tüfachi pu che huecun, cheu ñi mülenon ta che. Chumngechi Chau Jehová ñi feipifiel ta Moisés, femngechi femingün pu Israel che.

5 Chau Jehová feipifi ta Moisés: 6 “Feipifinge tati pu Israel che: ‘Quiñe huentru cam quiñe domo huesalcafile tañi chafche,* culpayai* Chau Jehová mu, fei mülei ñi cullial tañi femün mu. 7 Ti culpalu* mülei ñi entudungual* ca feiti che ñi huesa femfiel mülei ñi culliafiel com tañi huesalcafiel. Cafei tunte ñi hulal, hudamafi quechu troquiñ meu, fei ca mülei ñi cullial quiñe. 8 Huelu ti che huesalcangelu lale ca nienole quiñe fülmaucülechi pariente ñi llohual ti cullitu, ti culpalu* mülei ñi eluafiel ta Chau Jehová. Fei ti sacerdote ngen-ngeai ti cullitu mu. Ti che cafei eluafi quiñe caniru* tati sacerdote. Fei ti sacerdote chalintuculelafi ta Chau Dios ñi liftuñmangeal ti che ñi culpan.

9 Com ñi püntücünufiel* pu Israel che ñi yeafiel ti yamfal mülehue mu,* eluafingün tati sacerdote. Fei quisu ngen-ngeai. 10 Feiti yamfalchi chemcün ñi hulün ta che, ti sacerdote ngen-ngeai. Chem rume yelelngele ti sacerdote, quisu ngen-ngeai’”.

11 Chau Jehová dunguniefi ta Moisés, feipifi: 12 “Dungufinge pu Israel che, feipifinge: ‘Quiñe domo culpayafui chi,* ñihuañpeafui tañi huentru 13 cudumuulu cangelu huentru engu. Feimu Chau Dios ñi adquiñ mu lifcülelai ti domo. Tañi füta quimlai chi, quimngelai tañi femün. Inei no rume pelaeyu petu tañi huesa femmequen. Fei tüfa rupale, tüfachi dungu femaimün: 14 ti huentru rümpelafui tañi domo, raquiduamafui chi ñi ñihuaeteu. Tüfa rüfngeafui cam femlayafui. 15 Feiti huentru mülei ñi yeafiel tañi domo tati sacerdote mu ca yeafi quiñe kilo* cüme rüngo ñi chalintucuafiel ti domo ñi duam mu. Tüfa quiñe chalintucun* rümpeluhun dungu mu, quiñe fün chalintucun ñi quimngeal ñi culpan* cam ñi culpanon ti domo. Feimu tuculelngelayai aceite ca olibano huente ti chalintucun meu.

16 Ti sacerdote fülümpayafi ti domo ñi müleal Chau Jehová ñi adquiñ mu. 17 Ti sacerdote apolafi quiñe metahue lifngechi co mu, fei hula pichin trufür nüai cheu ñi mülen ti ngillatuhue tolto ruca,* fei tuculelafi ti co. 18 Ti sacerdote yeafi ti domo Chau Jehová ñi adquiñ meu, entupüroafi ñi cal lonco, fei ti domo ñi pülai cuhu mu tucuafi ti fün chalintucun ñi quimngeal ñi culpan* cam ñi culpanon. Tüfa tati fün chalintucun ti rümpeluhun dungu meu. Ti sacerdote nieai tañi cuhu mu ti füre co* cüpalquelu cutrancahun.

19 Ti sacerdote femcünuai tati domo ñi eldungucünual, feipiafi: “Petu tami nieucülen tami huentru engu, cudumuunolmi cangelu huentru engu, culpanolmi,* fei amulelmi tami lifcülen meu, huesalcalayaimu tüfachi füre co cüpalquelu cutrancahun. 20 Huelu petu tami nieucülen tami huentru engu, culpalmi,* lifcülenolmi, fei cudumuhulmi cangelu huentru engu, cutrancangeaimi llemai”. 21 Fei ti sacerdote feipiafi tati domo: “Rüf femülmi tüfachi dungu, Jehová femcünuai tami niehuenoal püñeñ* ca ñi poipoicüleal tami pütra. Fei tati pu che eldungucünule cam malisiale engün, Chau Jehová femcünuai ñi raquiduamal engün eimi tami femün meu. 22 Feitichi co cüpalquelu cutrancahun conai tami cüllche mu, fei poipoicüleai tami pütra ca niehuelayaimi püñeñ”. Fei ti domo mülei ñi huiñoldungual:* “¡Felepe mai! ¡Felepe mai!”.

23 Fei hula ti sacerdote ti lifru mu huirintucuafi feitichi malisian dungu, fei ti füre co mu entuafi ti huirintucun. 24 Fei ti sacerdote pütocolelafi ti domo, feitichi co conai quisu mu ca cutrancayaeyu. 25 Tati sacerdote nentuafi tati domo ñi cuhu mu ti chalintucun rümpeluhun dungu meu, fei epuñpüle nengümafi Chau Jehová ñi adquiñ meu ca fülümtucuafi ti altar mu. 26 Ti sacerdote nüai quiñe runa* feiti fün chalintucun mu, femngechi Chau Dios cüme llohuafi com ti chalintucun, fei ti sacerdote lüpümafi huente altar ñi tripayal fitrun.* Fei hula pütocolelafi ti co tati domo. 27 Ti sacerdote pütocolelafi ti domo, fei ti domo lifcülenole ca ñihuañpefile tañi huentru, feiti co cüpalquelu cutrancahun conai quisu meu, cutrancayaeyu, tañi pütra poipoicüleai ca pepi nielayai püñeñ. Com ti pu che feipile malisian dungu, raquiduamyenieafingün ñi rupan tüfachi domo. 28 Huelu ti domo podümuunole Chau Dios ñi adquiñ mu, fei lifcülele, cutrancangelayai, fei pepi niepüñeñai ca nieai cüpanche.

29 Tüfa tati ley rümpeluhun dungu meu quiñe domo culpale* ca lifcülenole Chau Dios ñi adquiñ mu petu tañi nieucülen tañi huentru engu. 30 Cafei inaniengeai tüfachi ley quiñe huentru rümpelfile tañi domo ca raquiduamle ñi ñihuañpeteu. Ti huentru yeafi tañi domo Chau Jehová ñi adquiñ meu, fei ti sacerdote femafi ti domo com ñi feipin tüfachi ley. 31 Ti huentru culpantucungelayai, huelu ti domo culliai tañi culpan meu’”.

6 Chau Jehová dunguniefi ta Moisés, feipifi: 2 “Dungufinge pu Israel che, feipifinge: ‘Quiñe huentru cam quiñe domo eldungucünule ñi nazareongeal* Chau Jehová ñi adquiñ meu, 3 ngelai ñi putual* pulcu ca chem no rume.* Putulayai cotrü pulcu ca chem cotrü no rume. Ngelai ñi pütocoal cochü co deumangelu ofad mu, ilayafi ofad ca ancülechi ofad no rume. 4 Petu tañi nazareongen, ngelai ñi iyafiel chem no rume entungequelu anüm ofad mu, carü ofad ca trolüf ofad no rume.

5 Petu amulele tañi nazareongen, ngelai ñi cupilngeal tañi lonco.* Elcünuai ñi tremcüleal tañi cal lonco fentepuule hula tañi eldungucünuel. Femngechi pengelcünuai ñi püntücünungen* tañi cüdahuelafiel ta Chau Jehová. 6 Petu püntücünungele* ñi cüdahuelafiel Jehová, mülelai ñi fülcüleal* quiñe la mu.* 7 Lale rume tañi chau, ñuque, peñi cam lamngen, mülelai ñi podümuhual, quisu elcünulu cai ñi tremcüleal tañi cal lonco, femngechi pengelquei tañi nazareongen.

8 Petu amulele tañi nazareongen, püntüleai* ñi cüdahuelafiel ta Chau Jehová. 9 Huelu quiñe che larumele inafül ti nazareo mu, fei nünütufile, podümafui tañi cal lonco, tüfa pengelquei ñi püntücüngen* ñi cüdahuelafiel ta Chau Dios. Femle, fei rupale regle antü, feipicünungeai ñi lif chengetun. Feichi antü mülei ñi cupilngeal com tañi cal lonco. 10 Ti pura antü amuai ti sacerdote mu itrotripa ti trahunhue tolto ruca mu,* yelelafi epu maicoño cam epu pichique paloma. 11 Fei ti sacerdote nüai quiñe üñüm* ñi hulal quiñe chalintucun* culpan dungu meu,* cafei nüai cangelu ñi hulal quiñe lüpümngeelchi chalintucun. Femngechi liftuñmangeai ti che ñi culpan podümuulu cai quiñe la mu.* Feichi antü ti che püntücünuhuai* ñi cüdahuelafiel ta Chau Dios, feimu elcünuai ñi huiño tremcüleal tañi cal lonco. 12 Feiti huentru huiño püntücünuhuai* ñi cüdahuelafiel ta Chau Jehová, femngechi huiño nazareongetuai. Fei yeafi quiñe hue caniru* quiñe tripantu nielu ñi chalintucungeal culpan dungu meu.* Huelu podümuhui petu tañi nazareongen, feimu raquingelayai com feichi antü deu rupalu.

13 Tüfa tati ley ñi inayafiel pu nazareo che. Fentepuule tañi nazareongen, yengeai itrotripa ti trahunhue tolto ruca mu. 14 Üye mu tüfa chalintuculelafi ta Chau Jehová: ñi hulal quiñe lüpümngeelchi chalintucun yeafi quiñe tremolechi hue caniru quiñe tripantu nielu, ñi hulal quiñe chalintucun culpan dungu meu* yeafi quiñe tremolechi ufisa quiñe tripantu nielu, ñi hulal quiñe chalintucun quiñentrür ingequelu* yeafi quiñe tremolechi caniru. 15 Cafei yeafi quiñe canastu nielu cofque rangiñ mu huechodcülelu, deumangeai cüme rüngo mu aceite engu, huelu nielayai fayümhue.* Ca yeafi fayümngenochi churrasca huifontucungelu aceite engu. Ca yeafi fün chalintucun ca hutrulngeelchi chalintucun.* 16 Ti sacerdote com tüfa yeafi Chau Jehová ñi adquiñ mu, fei hulai ti chalintucun culpan dungu mu* ca ti lüpümngeelchi chalintucun. 17 Ti sacerdote ñi hulal ti chalintucun quiñentrür ingequelu chalintuculelafi ta Chau Jehová ti caniru ca ti canastu nielu cofque rangiñ mu huechodcülelu nienolu fayümhue. Cafei hulai ti fün chalintucun ca ti hutrulngeelchi chalintucun.

18 Fei itrotripa ti trahunhue tolto ruca mu ti nazareo cupiluhuai com tañi cal lonco. Fei nüafi com feichi cal lonco tremlu petu tañi nazareongen ca tucuafi huente ti cütral meu, miñche ti chalintucun quiñentrür ingequelu. 19 Ti nazareo deu cupilngele tañi cal lonco,* ti sacerdote nüai ti caniru ñi paletilla* huadcümngelu, ti canastu meu entuai quiñe cofque rangiñ mu huechodcülelu nienolu fayümhue ca quiñe churrasca fayümhue nienolu, fei com tüfa tucuafi tati nazareo ñi pülai cuhu mu. 20 Fei ti sacerdote Chau Jehová ñi adquiñ meu epuñpüle nengümafi ñi chalintucuafiel. Tüfa püntücünulelngeai* tati sacerdote, chumngechi ñi elungeel tati rücu epuñpüle nengümngelu ca tati chang* püntücünungelu. Femle com tüfa, fei hula ti nazareo pulcutuafui.

21 Tüfachi ley mülei ñi inayafiel ti nazareo eluulu ñi eldungucünual: ti nazareo pepi femle, eldungucünuafui ñi eluafiel ta Chau Jehová quiñe chalintucun coneltulenolu tañi nazareongen meu. Fei inaniefiel mu tati nazareo ñi ley, mülei ñi huechunenturpuafiel tañi eldungucünuel’”.

22 Fei Chau Jehová feipifi ta Moisés: 23 “Feipifinge ta Aarón ca tañi pu fotüm: ‘Tüfa feipiafimün pu Israel che ñi cümelcaleal engün:

24 “Chau Jehová cümelcayaimünmeu ca cuñiutucuaimünmeu.

25 Chau Jehová pengelpe ñi ayüucülen eimün meu ca füreneaimünmeu.

26 Chau Jehová cutranpiuqueyeaimünmeu ca eluaimünmeu tüngün”’.*

27 Fei engün mülei ñi feipiafiel cümeque dungu pu Israel che iñche tañi üi meu, femngechi iñche cümelcayafiñ engün”.

7 Feichi antü Moisés ñi anücünufiel ti ngillatuhue tolto ruca,* pütefmafi* aceite mu ca püntücünulelfi* ta Chau Dios, cafei com tañi chemcün.* Ca femngechi femfi tati altar ca tañi itrofillem. Moisés femlu com tüfa, 2 pu loncolelu Israel meu hulingün quiñe chalintucun.* Tüfa engün loncolei quisuque tañi troquiñche meu ca adcünurqueingün ti cüdau raquingelu pu che. 3 Chau Jehová ñi adquiñ meu yefingün tañi chalintucun: cayu carreta* ca mari epu toro. Epu loncolelu quiñehuingu ñi yeafiel quiñe carreta, ca femngechi femingün caquelu loncolelu. Huelu caque quiñeque loncolelu yefingün quiñe toro. Itrotripa ti trahunhue tolto ruca mu yefingün. 4 Chau Jehová feipifi ta Moisés: 5 “Lloufinge com tüfa. Pünengeai ñi cüdahual ti trahunhue tolto ruca mu. Caque quiñeque Leví che eluafimi chem ñi duamnieel tañi cüdahual”.

6 Fei Moisés lloufi ti pu carreta ca ti pu toro, fei hudamelfi pu Leví che. 7 Guersón tañi pu fotüm, Moisés elufi epu carreta ca meli toro, femngechi ñi entuafiel tañi cüdau engün. 8 Merarí tañi pu fotüm, Moisés elufi meli carreta ca pura toro, femngechi ñi entuafiel tañi cüdau engün. Itamar, tati sacerdote Aarón ñi fotüm, adniequeyu engün. 9 Ti cüdau ñi nieel Cohat tañi pu fotüm nüucülei ti yamfal mülehue meu.* Meñcu yeniefingün ti yamfalngechi chemcün. Feimu Moisés chem no rume elulaeyu engün.

10 Pu loncolelu doi cüpalingün chalintucun feichi antü ñi püntücünulelngeel* ti altar ta Chau Dios ca ñi pütefmangeel aceite mu. Tati pu loncolelu yefilu tañi chalintucun itrotripa ti altar meu, 11 Chau Jehová feipifi ta Moisés: “Ti altar püntücünulelngele* ta Chau Dios, fill antü quiñe loncolelu hulai tañi chalintucun”.

12 Ti hunen antü Nahsón huli tañi chalintucun, tüfa ta Aminadab ñi fotüm, Judá tañi troquiñche mu. 13 Tüfa tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 14 Ca yefi quiñe oro copa* 114 gramo* fanelu, apolei incienso mu.* 15 Cafei ñi hulal ti lüpümngeelchi chalintucun yefi quiñe hue toro, quiñe caniru* ca quiñe cordero quiñe tripantu nielu. 16 Ñi hulal ti chalintucun culpan dungu mu,* yefi quiñe pichi capüra. 17 Ca ñi hulal ti chalintucun quiñentrür ingequelu yefi epu toro, quechu caniru, quechu chifu* ca quechu cordero quiñe tripantu nielu. Com tüfa chalintucui Nahsón, Aminadab ñi fotüm.

18 Ti epu antü Netanel huli tañi chalintucun, tüfa ta Zuar ñi fotüm, loncolelu Isacar ñi troquiñche mu. 19 Tüfa tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 20 Ca yefi quiñe oro copa 114 gramo* fanelu, apolei incienso mu. 21 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu. 22 Ñi hulal ti chalintucun culpan dungu mu,* yefi quiñe pichi capüra. 23 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Netanel, Zuar ñi fotüm.

24 Ti cüla antü Eliab, Helón tañi fotüm, loncolelu Zabulón tañi troquiñche mu, 25 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 26 Ca yefi quiñe oro copa 114 gramo* fanelu, apolei incienso mu. 27 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu. 28 Ñi hulal ti chalintucun culpan dungu mu,* yefi quiñe pichi capüra. 29 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Eliab, Helón tañi fotüm.

30 Ti meli antü Elizur, Sedeur tañi fotüm, loncolelu Rubén tañi troquiñche mu, 31 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 32 Ca yefi quiñe oro copa 114 gramo* fanelu, apolei incienso mu. 33 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu. 34 Ñi hulal ti chalintucun culpan dungu mu,* yefi quiñe pichi capüra. 35 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Elizur, Sedeur tañi fotüm.

36 Ti quechu antü Selumiel, Zurisadái tañi fotüm, loncolelu Simeón tañi troquiñche mu, 37 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 38 Ca yefi quiñe oro copa 114 gramo* fanelu, apolei incienso mu. 39 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu. 40 Ñi hulal ti chalintucun culpan dungu mu,* yefi quiñe pichi capüra. 41 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Selumiel, Zurisadái tañi fotüm.

42 Ti cayu antü Eliasaf, Deuel tañi fotüm, loncolelu Gad tañi troquiñche mu, 43 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 44 Ca yefi quiñe oro copa 114 gramo* fanelu, apolei incienso mu. 45 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu. 46 Ñi hulal ti chalintucun culpan dungu mu,* yefi quiñe pichi capüra. 47 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Eliasaf, Deuel tañi fotüm.

48 Ti regle antü Elisamá, Amihud tañi fotüm, loncolelu Efraín tañi troquiñche mu, 49 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 50 Ca yefi quiñe oro copa 114 gramo* fanelu, apolei incienso mu. 51 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu. 52 Ñi hulal ti chalintucun culpan dungu mu,* yefi quiñe pichi capüra. 53 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Elisamá, Amihud tañi fotüm.

54 Ti pura antü Gamaliel, Pedahzur tañi fotüm, loncolelu Manasés tañi troquiñche mu, 55 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 56 Ca yefi quiñe oro copa 114 gramo* fanelu, apolei incienso mu. 57 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu. 58 Ñi hulal ti chalintucun culpan dungu mu,* yefi quiñe pichi capüra. 59 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Gamaliel, Pedahzur tañi fotüm.

60 Ti ailla antü Abidán, Guideoní tañi fotüm, loncolelu Benjamín tañi troquiñche mu, 61 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 62 Ca yefi quiñe oro copa 114 gramo* fanelu, apolei incienso mu. 63 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu. 64 Ñi hulal ti chalintucun culpan dungu mu,* yefi quiñe pichi capüra. 65 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Abidán, Guideoní tañi fotüm.

66 Ti mari antü Ahiézer, Amisadái tañi fotüm, loncolelu Dan tañi troquiñche mu, 67 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 68 Ca yefi quiñe oro copa 114 gramo* fanelu, apolei incienso mu. 69 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu. 70 Ñi hulal ti chalintucun culpan dungu mu,* yefi quiñe pichi capüra. 71 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Ahiézer, Amisadái tañi fotüm.

72 Ti mari quiñe antü Paguiel, Ocrán tañi fotüm, loncolelu Aser tañi troquiñche mu, 73 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 74 Ca yefi quiñe oro copa 114 gramo* fanelu, apolei incienso mu. 75 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu. 76 Ñi hulal ti chalintucun culpan dungu mu,* yefi quiñe pichi capüra. 77 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Paguiel, Ocrán tañi fotüm.

78 Ti mari epu antü Ahirá, Enán tañi fotüm, loncolelu Neftalí tañi troquiñche mu, 79 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu. 80 Ca yefi quiñe oro copa 114 gramo* fanelu, apolei incienso mu. 81 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu. 82 Ñi hulal ti chalintucun culpan dungu mu,* yefi quiñe pichi capüra. 83 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Ahirá, Enán tañi fotüm.

84 Püntücünulelngelu* ti altar ta Chau Dios ca pütefmangelu aceite mu, pu loncolelu Israel mu com tüfa chalintucuingün: mari epu plata rali, mari epu plata posillu ca mari epu oro copa. 85 Caque quiñeque plata rali fanei quiñe kilo ca rangiñ* ca caque quiñeque posillu 800 gramo* fanei. Feimu com ti plata chemcün 27 kilo* fanei. Com tüfa fanefanetungei chumngechi ñi fanefanetungequeel ti yamfal mülehue mu. 86 Feiti 12 oro copa apolelu incienso mu, caque quiñeque 114 gramo* fanei, fei com ti oro chemcün fanei quiñe kilo 400 gramo.* Com tüfa fanefanetungei chumngechi ñi fanefanetungequeel ti yamfal mülehue mu. 87 Ñi hulngeal ti lüpümngeelchi chalintucun hulngei mari epu toro, mari epu caniru, mari epu cordero quiñe tripantu nielu ca caque quiñeque tañi chalintucungeelchi fün. Cafei ñi hulngeal ti chalintucun culpan dungu mu* hulngei mari epu pichique capüra. 88 Ca ñi hulngeal ti chalintucun quiñentrür ingequelu, hulngei 24 toro, 60 caniru, 60 chifu ca 60 cordero quiñe tripantu nielu. Fei deu pütefmangelu ti altar aceite mu, com tüfa chalintucungei ñi püntücünulelngeal* ta Chau Dios.

89 Moisés conquefulu tati trahunhue tolto ruca mu ñi dungual Chau Dios engu, allcüquei quiñe dungun rangiñ tati epu querubin mu* huente ti tapa ñi mülen ti falin caja mu nielu Chau Dios ñi ley. Femngechi Chau Dios dunguqueyu.

8 Chau Jehová dungufi ta Moisés, feipifi: 2 “Dungufinge ta Aarón, feipifinge: ‘Üyümfilmi tati pelontuhue, feiti regle pelontuhue mülei ñi alofal itrotripa cheu ñi mülen ti candelabro’”. 3 Femngechi femi Aarón: üyümfi feiti pelontuhue ñi alofafiel itrotripa cheu ñi mülen ti candelabro. Femi chumngechi Chau Jehová ñi feipifiel ta Moisés. 4 Femngechi deumangei ti candelabro, quiñe troquiñ oro mu müten* deumangei martillo mu. Com deumangei martillo meu, tañi matra anümca reque felelu* ca tañi rayen. Moisés deumai ti candelabro chumngechi ñi pengeleteu Chau Jehová.

5 Chau Jehová huiño dungufi ta Moisés, feipifi: 6 “Püntücünufinge* pu Leví che mülelu pu Israel che mu, fei liftucünufinge engün. 7 Femngechi liftucünuafimi: nüaimi co tami liftuafiel engün,* fei pütefmayafimi.* Quiñe yungechi cuchillo mu mülei ñi cupiluhual com tañi cuerpo* ca cüchayai tañi tacun, femngechi liftuhuaingün. 8 Fei yeafingün quiñe hue toro ca tañi fün chalintucun,* feiti cüme rüngo reyülcülelu* aceite engu. Eimi cai yeaimi cangelu hue toro ñi hulal ti chalintucun culpan dungu meu.* 9 Itrotripa ti trahunhue tolto ruca mu* yeafimi pu Leví che, fei trahulafimi com pu Israel che. 10 Yefilmi pu Leví che Chau Jehová ñi adquiñ mu, pu Israel che mülei ñi fampuhulafiel tañi cuhu tati pu Leví che mu. 11 Fei Chau Jehová ñi adquiñ meu Aarón chalintuculelafi* pu Leví che quiñe chalintucun reque epuñpüle nengümngequelu, pu Israel che ñi hulfiel. Fei pu Leví che cüdahuelafingün ta Chau Jehová.

12 Fei pu Leví che fampuhulelafi tañi cuhu tati toro ñi lonco mu. Fei hula quiñe toro chalintucuafimi culpan dungu meu,* cangelu toro eluafimi ta Chau Jehová quiñe lüpümngeelchi chalintucun, femngechi perdonañmangeai pu Leví che ñi culpan. 13 Yeafimi pu Leví che Aarón ca tañi pu fotüm ñi adquiñ meu, fei chalintuculelafimi engün ta Chau Jehová quiñe chalintucun reque epuñpüle nengümngequelu. 14 Püntücünuafimi* pu Leví che tati pu Israel che mu, fei ti pu Leví che iñchengeaingün. 15 Fei hula pu Leví che conaingün ti trahunhue tolto ruca mu ñi cüdahual. Femngechi lifcünuafimi engün ca hultucuafimi quiñe chalintucun reque epuñpüle nengümngequelu. 16 Fei engün dullicünungeingün, püntücünungeingün* pu Israel che mu. Iñche ngen-ngean fei engün meu. Iñche dullirqueafun tati pu Israel che ñi hunenque fotüm, huelu mai dullifiñ tati pu Leví che. 17 Iñche ngen-ngen com pu Israel che ñi hunenque fotüm ca hunenque culliñ mu. Püntücünufiñ engün* tañi iñchengeal feichi antü ñi langümfiel com pu hunenque culliñ ca hunenque fotüm mülelu Egipto mapu meu. 18 Iñche dullirqueafun tati pu Israel che ñi hunenque fotüm, huelu mai dullifiñ tati pu Leví che. 19 Tati pu Israel che mu entuafiñ pu Leví che, fei eluafiñ ta Aarón ca tañi pu fotüm. Tüfa engün cüdahuai tati trahunhue tolto ruca mu pu Israel che ñi duam meu, femngechi ñi perdonañmangeal engün tañi culpan.* Femngechi pu Israel che fülconpulayai* ti yamfal mülehue mu,* fei cutrancangelayaingün”.

20 Moisés, Aarón ca com pu Israel che com femingün Chau Jehová ñi feipifiel ta Moisés tati pu Leví che meu. 21 Fei hula pu Leví che liftuhuingün ca cüchafingün tañi tacun. Fei Chau Jehová ñi adquiñ meu Aarón hultucufi engün quiñe chalintucun reque epuñpüle nengümngequelu. Fei Aarón huli quiñe chalintucun ñi perdonañmangeal tañi culpan,* femngechi ñi lifcületual engün. 22 Fei hula pu Leví che coningün ñi cüdahual ti trahunhue tolto ruca mu Aarón ca tañi pu fotüm ñi adquiñ meu. Chumngechi Chau Jehová ñi feipifiel ta Moisés pu Leví che mu, femngechi femingün tati.

23 Chau Jehová huiño dungufi ta Moisés, feipifi: 24 “Tüfa mülei ñi inayafiel pu Leví che: ti huentru 25 tripantu nielu cam doi, conai feichi troquiñche mu ñi cüdaumequeel ti trahunhue tolto ruca mu. 25 Huelu puhul-le 50 tripantu, coneltuhuelayai feitichi troquiñche mu cüdaumequelu ca huiño cüdauhuelayai. 26 Quisu quelluafui tañi pu peñi cüdaumequelu ti trahunhue tolto ruca mu, huelu cüdaulayai üye mu. Femngechi femaimi pu Leví che mu ca tañi elfal cüdau meu”.

9 Ti epu tripantu mu hunen cüyen deu tripalu pu Israel che Egipto mapu mu, Chau Jehová dungufi ta Moisés Sinaí huellin mapu mu.* Feipifi: 2 “Ti señacünuelchi antü meu pu Israel che mülei ñi pepicayafiel ti Pascua* chalintucun.* 3 Ella pun meu,* 14 antü conle tüfachi cüyen mu mülei tañi pepicayafiel, tüfa ti señacünuelchi antü. Ñi pepicangeal, com inaniengeai fillque ley ca huercün dungu deu elcünungelu”.

4 Fei Moisés feipifi tati pu Israel che ñi pepicayafiel ti Pascua chalintucun. 5 Ti hunen cüyen tati 14 antü ella pun meu,* pu Israel che pepicafingün ti Pascua chalintucun Sinaí huellin mapu meu. Pu Israel che com femingün Chau Jehová ñi feipifiel ta Moisés.

6 Huelu fentren huentru lifcülelaingün tañi nünütufiel mu quiñe la, feimu pepicalayafuingün ti Pascua chalintucun feichi antü. Fei pemefingün ta Moisés ca Aarón. 7 Feipifingün: “Lifcülelaiñ taiñ nünütufiel mu quiñe la, huelu ¿chumngelu* elungelayafuiñ taiñ eluafiel ta Chau Jehová quiñe chalintucun ti señacünuelchi antü meu quiñentrür caquelu Israel che iñchiñ?”. 8 Moisés huiñoldungufi:* “Tiye mu üngümcüleaimün,* iñche allcütuan chem ñi feipial Chau Jehová eimün mu”.

9 Fei Chau Jehová feipifi ta Moisés: 10 “Feipifinge pu Israel che: ‘Quiñeque eimün cam tamün pu cüpanche lifcülenole tañi nünütufiel mu quiñe la cam cañpüle miyaule, ca mülei ñi pepicayafiel ti Pascua chalintucun ñi püramyengeal ta Chau Jehová. 11 Mülei ñi pepicayafiel engün ella pun* conle 14 antü epungechi cüyen mu. Ca iyaingün fayümngenochi cofque ca fürechi tucucan.* 12 Ti chalintucun echelcünulayafingün* ñi ingeal ca antü ca trafol-layafingün quiñe foro no rume. Mülei ñi inayafiel engün tati Pascua ñi fillque ley. 13 Quiñe huentru lifcülele cam cañpüle miyaunole, huelu pepicanofile ti Pascua chalintucun, feichi che mülei ñi langümngeal, tañi elunofiel mu ta Chau Jehová ti chalintucun ti señacünuelchi antü meu. Feiti huentru castigangeai tañi culpan meu.*

14 Quiñe ca cüpanche mülele eimün meu, ca mülei ñi pepicayafiel ti Pascua chalintucun ñi püramyengeal ta Chau Jehová. Mülei ñi pepicayafiel chumngechi ñi feipin tati Pascua ñi ley ca tati fillque huercün dungu deu elcünungelu. Ca cüpanche ca eimün quiñe ley müten mülei tamün inayafiel’”.

15 Feichi antü ñi anücünungeel ti ngillatuhue tolto ruca,* quiñe tromü tacueyu. Huelu pun mu mülerquei quiñe cütral reque huente ti ngillatuhue tolto ruca mu cheu ñi mülen ti falin caja nielu Chau Dios ñi ley, feiti cütral hunmai. 16 Tüfa rupaquefui: antü mu quiñe tromü tacuniefi ti ngillatuhue tolto ruca ca pun meu huilüfcülei cütral reque. 17 Fei ti tromü püralu huente ngillatuhue tolto ruca mu, feimeu müten pu Israel che eluuqueingün ñi cañpüle amual. Fei cheu ñi anüpun ti tromü üye mu pu Israel che anücünuquefingün tañi tolto ruca. 18 Chau Jehová ñi feipin mu pu Israel che cañpüle amuqueingün ca Chau Jehová ñi feipin mu pu Israel che toltouqueingün.* Ti tromü petu mülelu huente ngillatuhue tolto ruca mu, fei mu mülenagqueingün. 19 Ti tromü fentreñmalu ñi mülen huente ngillatuhue tolto ruca mu, pu Israel che allcütuquefingün ta Chau Jehová, fei cañpüle amuquelaingün. 20 Quiñeque mu ti tromü fentren antü mülequei huente ti tolto ruca mu. Chau Jehová ñi feipin mu pu Israel che mülenagqueingün, Chau Jehová ñi feipin mu cañpüle amuqueingün. 21 Quiñeque mu ti tromü mülenagquei pun mu müten, huelu hunlu hula cañpüle amuquei. Fei ti tromü püralu pulihuen mu, pu Israel che cañpüle amuqueingün. Ti tromü püralu, antü cam pun-ngefule rume, pu Israel che cañpüle amuqueingün. 22 Ti tromü mülenagafui huente ngillatuhue tolto ruca mu epu antü, quiñe cüyen cam doi, fei pu Israel che mülenagqueingün müten, cañpüle amuquelaingün. Huelu püralu ti tromü, cañpüle amuqueingün. 23 Chau Jehová ñi feipin mu mülenagqueingün, Chau Jehová ñi feipin mu cañpüle amuqueingün. Pu Israel che allcütuquefingün ta Chau Jehová, inaniequefingün com ñi feipifiel Chau Jehová ta Moisés.

10 Fei Chau Jehová feipifi ta Moisés: 2 “Martillo mu deumayaimi epu trompeta platangelu. Püneafimi ñi trahulafiel pu che ca ñi cañpüle yeafiel tañi tolto ruca engün.* 3 Dungulngele feiti epu trompeta, com pu che mülei ñi trahuluhual eimi engu itrotripa ti trahunhue tolto ruca mu. 4 Huelu dungulngele quiñe trompeta, pu loncolelu müten trahuluhuai eimi engün, tüfa engün loncolei huarancaque che Israel mu.

5 Fillque rupa pichiquen dungulngele tati trompeta, pu toltoucülelu* tripahue antü püle mülei ñi entuafiel tañi tolto ruca. 6 Ca huiño pichiquen dungulngele ti trompeta fillque rupa, pu toltoucülelu* huaihuen püle* mülei ñi entuafiel tañi tolto ruca. Caque quiñeque troquiñche cañpüle yefile tañi tolto ruca, femngechi mülei ñi dungulngeal ti trompeta.

7 Ñi trahulngeal pu Israel che mülei ñi dungulngeal ti trompeta, huelu fentren rupa pichiquen dungulngelayai. 8 Ti pu sacerdote, Aarón ñi pu fotüm, mülei ñi dungulafiel ti trompeta, elcünungei tüfachi ley dungu ñi amulerpual.

9 Tamün pu caiñe quehuapaelmünmeu tamün mapu meu, tamün quehuayafiel mülei ñi dungulngeal ti trompeta, femngechi Chau Jehová allcütuaimünmeu ca montulaimünmeu tamün pu caiñe meu.

10 Cüme rupamequelmün tamün fiesta mu cam conün mu ti cüyen, mülei ñi dungulngeal ti trompeta hulngele lüpümngeelchi chalintucun* cam ti chalintucun quiñentrür ingequelu. Femngechi femülmün, Chau Dios raquiduamnieaimünmeu. Iñche tamün Chau Dios Jehová”.

11 Ti epungechi tripantu, tati 20 antü ti epungechi cüyen meu, ti tromü pürai huente ti ngillatuhue tolto ruca mu cheu ñi mülen ti falin caja pengelquelu Chau Dios ñi eldungu. 12 Fei chumngechi ñi adcünungeel pu Israel che eluhuingün ñi tripayal Sinaí huellin mapu meu.* Fei ti tromü huitracünuhui Parán huellin mapu mu. 13 Pu Israel che tripaingün chumngechi Chau Jehová ñi feipicünufiel ta Moisés, tüfa tati hunen rupa.

14 Fei ti cüla troquiñche cheu ñi loncolen Judá tañi troquiñche, hunelu mu tripaingün chumngechi tañi feipingeel. Nahsón, Aminadab ñi fotüm, loncolerquei tañi troquiñche mu. 15 Ti troquiñche coneltulelu Isacar tañi pu fotüm meu, loncolerquei Netanel, Zuar ñi fotüm. 16 Ti troquiñche coneltulelu Zabulón tañi pu fotüm meu, loncolerquei Eliab, Helón ñi fotüm.

17 Entungelu ti ngillatuhue tolto ruca, triparqueingün Guersón tañi pu fotüm ca Merarí tañi pu fotüm. Fei engün cañpüle yequefuingün ti ngillatuhue tolto ruca.

18 Fei hula chumngechi tañi feipingeel tripaingün feichi cüla troquiñche cheu ñi loncolen Rubén tañi troquiñche. Elizur, Sedeur tañi fotüm, loncolerquei tañi troquiñche meu. 19 Fei ti troquiñche coneltulelu Simeón tañi pu fotüm meu, loncolerquei Selumiel, Zurisadái ñi fotüm. 20 Fei ti troquiñche coneltulelu Gad tañi pu fotüm meu, loncolerquei Eliasaf, Dehuel tañi fotüm.

21 Fei hula tripaingün pu Cohat che, fei engün cañpüle yequefuingün tati yamfal ruca* ñi itrofillem. Ti ngillatuhue tolto ruca mülefui ñi anücünungeal petu ñi puunon engün.

22 Fei hula chumngechi tañi feipingeel tripaingün feiti cüla troquiñche cheu ñi loncolen Efraín tañi troquiñche. Elisamá, Amihud ñi fotüm, loncolerquei tañi troquiñche mu. 23 Fei ti troquiñche coneltulelu Manasés tañi pu fotüm meu, loncolerquei Gamaliel, Pedahzur ñi fotüm. 24 Fei ti troquiñche coneltulelu Benjamín tañi pu fotüm meu, loncolerquei Abidán, Guideoní ñi fotüm.

25 Fei hula chumngechi ñi feipingeel tripaingün feiti cüla troquiñche cheu ñi loncolen Dan tañi troquiñche, tüfa engün inalechi tripaingün ñi cuñiutucuafiel caquelu troquiñche. Ahiézer, Amisadái ñi fotüm, loncolerquei tañi troquiñche mu. 26 Ti troquiñche coneltulelu Aser tañi pu fotüm meu, loncolerquei Paguiel, Ocrán ñi fotüm. 27 Ti troquiñche coneltulelu Neftalí tañi pu fotüm meu, loncolerquei Ahirá, Enán ñi fotüm. 28 Cañpüle amulu pu Israel che ca tañi pu troquiñche, femngechi adcünungeingün ñi tripayal.

29 Moisés nütramcafi ta Hobab, tüfa ta Reuel* tañi fotüm, ti Madián che, Moisés tañi chedcui. Feipifi: “Tripaleiñ taiñ puhual feichi mapu taiñ feipicünueteu Chau Jehová. Compañmuiñ, cümelcahuaiñ. Chau Jehová feipicünui ñi eluafiel cümeque dungu pu Israel che”. 30 Huelu quisu feipi: “Amulayan, huiñotuan tañi mapu mu cheu ñi mülen tañi pu che”. 31 Fei Moisés feipi: “Füreneen, quisucünumulayaiñ, eimi cüme quimnieimi cheu doi cümeafui taiñ toltoucüleal* huellin mapu meu. Adniemuafuiñ. 32 Fei compañniemuliyiñ, Chau Jehová cümelcaeliyiñmeu, eimi ca cümelcangeaimi”.

33 Pu Israel che tripaingün Chau Jehová ñi huincul meu. Cüla antü miyahurquefuingün, fei hunelei ti falin caja pengelquelu Chau Jehová ñi eldungu. Cüla antü quintuyahurquefuingün quiñe mapu cheu tañi ürcütual. 34 Petu amulelu pu Israel che, com antü Chau Jehová ñi tromü mülerquei huente quisu engün meu.

35 Cañpüle yeniengequelu ti Falin Caja, Moisés feipiquefui: “Huitrapürange ahuem Jehová, fill püle puhulfinge tami pu caiñe, com tami pu üdequeteu lefmaupe engün”. 36 Fei anücünungelu ti Falin Caja, Moisés feipiquefui: “Ahuem Chau Jehová, huiñotunge pu Israel che mu, raquifal-laingün”.

11 Fei tati pu che Chau Jehová ñi adquiñ meu aungeiñ pimequeingün. Chau Jehová allcütufilu engün, rume illcui,* fei Chau Jehová huercülelfi cütral ca lüpümngeingün quiñeque che mülelu huecun cheu ñi mülen tañi tolto ruca.* 2 Ti pu che llellipufilu engün ta Moisés tañi quelluaeteu, Moisés llellipufi ta Chau Jehová, fei ti cütral chongnagi. 3 Feimu Taberá* üituculelngei feichi mapu, tiye mu am Chau Jehová huercüleleyu cütral engün.

4 Fei tati pu ca cüpanche mülelu fei engün meu, feipingün ñi rume illutuniefiel ti iyael ñi niequefel cuifi. Fei pu Israel che ca eluhuingün ñi huiño ngümacahual ca feipingün: “Ilo fel anai. 5 ¡Egipto mapu mu cullinon mu iquefuiñ challhua, pepino, santilla, porro, cefolla, acu! ¡Müna hueñancütufiyiñ! 6 Tüfa hula yafüngehuelaiñ. Nieiñ re mana müten”.

7 Tati mana fün culantu reque felefui, tati bedelio* reque trüri. 8 Ti pu che tripaqueingün ñi ñimituafiel,* fei rüngümquefuingün quiñe cudi mu cam quiñe tranantrapihue mu. Fei huadcümngequei challa mu cam deumangequei chincülcülechi cofque.* Cochürquei quiñe cochülechi galleta reque nielu aceite. 9 Pun meu nagpalu ilhuen* cheu ñi toltoucülen* ta che, huente mu ca nagpaquei ti mana.

10 Moisés allcüi tati pu che ñi ngümacaumequen, caque quiñeque familia, caque quiñeque che femmequei itrotripa tañi tolto ruca mu. Chau Jehová rume illcui* ca Moisés huesa duamnagi. 11 Fei Moisés feipifi ta Chau Jehová: “¿Chumngelu* illcutunieen?* ¿Chumngelu elfalcünuen cuidayafiel tüfachi pu che? Rume cüdautumequen. 12 ¿Iñche ñuquengen am com tüfachi pu che mu? Eimi feipien: ‘Metayenieafimi engün, quiñe cüdaufe reque ñi metayeniefiel quiñe pichiche’. Huelu, ¿iñche am choyüfiñ engün? ¿Iñche am mülei ñi puhulafiel engün feichi mapu tami feipicünufiel ñi cuifiqueche yem? 13 ¿Cheu chi iñche peafun ilo ñi eluafiel tüfachi pu che? Ngümamequeingün iñche tañi adquiñ meu, feipimequeingün: ‘Elumuiñ ilo’. 14 Iñche quisu cuñiutuculayafun tüfachi pu che, rume cüdaungei iñche mu. 15 Femngechi femeli, füreneen, matu langümen. Füreneeli, elulaen ñi peal doi huesaque dungu”.

16 Chau Jehová huiñoldungufi* ta Moisés: “Tati pu Israel che ñi pu loncolelu meu, trapümafimi 70 huentru. Ngüneduamafimi ñi cüme loncolen engün ca ñi cüme yenieel tañi falinque cüdau, fei yeafimi tati trahunhue tolto ruca. Fei mu mülenagaimün. 17 Iñche nagpayan tami dunguafiel, fei chumngechi tami elufiel nehuen ca eluafiñ engün. Fei engün quelluaimu tami cuñiutucuafiel ti pu che, femngechi quisu yelayafimi feiti fanechi cüdau. 18 Mülei tami feipiafiel tati pu che: ‘Pepicahuaimün,* hule ilotuaimün. Chau Jehová allcüi tamün ngümacaumequen ca tamün feipimequen: “¿Inei eluaiñmeu ilo? Doi cüme felefuiñ Egipto mapu mu”. Chau Jehová eluaimünmeu ilo, fei eimün iyafimün. 19 Ilotulayaimün quiñe, epu, quechu, mari cam epu mari antü no rume. 20 Huelu mai com quiñe cüyen ilotuaimün, yu püle* tripayai ilo, ünüafimün. Famentufimün* ta Chau Jehová mülelu eimün meu. Quisu tañi adquiñ mu ngümalen feipingün: “¿Chumngelu am* tripaiñ Egipto mapu mu?”’”.

21 Fei Moisés feipifi: “Iñche mülen 600.000 huentru engün, fei eimi feipimequeimi ‘¡Iñche eluafiñ ñi ilotual com quiñe cüyen!’. 22 Langümfili com huaca ca ufisa, ¿tuduampeafuingün mai? Cam entufili com challhua ñi mülen lafquen meu, ¿tuduampeafuingün mai?”.

23 Fei Chau Jehová feipifi ta Moisés: “¿Chau Jehová femlayafui tüfa? Tüfa hula peaimi ñi mupitripapen mai tañi feipin”.

24 Fei Moisés tripai ca quimelelfi tati pu che ñi feipieteu Chau Jehová. Cafei trahulfi 70 huentru tati pu loncolelu Israel meu ca huallontucufi engün ti tolto ruca mu. 25 Fei Chau Jehová quiñe tromü mu nagi ñi dunguafiel ta Moisés, elufi nehuen feitichi 70 huentru chumngechi ñi deu elufiel ta Moisés. Fei lloulu müten engün Chau Dios ñi nehuen, Chau Dios ñi huerquen reque femingün, huelu feichi meu müten femngechi femingün.

26 Epu huentru mülenagingu cheu ñi toltoucülen* pu che, Eldad ca Medad pingeingu. Amulaingu ti trahunhue tolto ruca mu, huelu tañi üi deu huirintucuñmangerquei. Feimu llohuingu Chau Dios tañi nehuen, fei Chau Dios ñi huerquen reque femingu cheu ñi toltoucülen pu che. 27 Quiñe hueche lefcülen pemefi ta Moisés, feipifi: “¡Eldad ca Medad Chau Dios ñi huerquen reque femmequeingu cheu ñi toltoucülen* pu che!”. 28 Josué, Nun tañi fotüm, huechengelu müten eluhui ñi quelluafiel ta Moisés, fei quisu feipi: “Ñidol, Moisés, ¡catrütufinge engu!”. 29 Huelu Moisés feipi: “¿Raquiduamcülepeimi mai iñche meu? Femlayaimi. ¡Iñche ayüafun com pu che Chau Jehová ñi troquiñche mu quisu ñi huerquen-ngeal engün ca Chau Jehová ñi eluafiel com engün quisu tañi nehuen!”. 30 Fei hula Moisés quiñentrür pu loncolelu Israel meu huiñotuingün cheu ñi toltoucülen* pu che.

31 Fei Chau Jehová cüpali quiñe cürüf, feiti cürüf cüpalfi lafquen püle codornices ca ütrüfnacümfi inafül cheu ñi toltoucülen* pu che, fill püle mülerquei. Tami rupayal cheu ñi mülen codornices, com quiñe antü trecayahuafuimi. Tacufingün ti mapu, quiñe metro* alüpürai. 32 Fei com feichi antü, com ti pun ca com ti inalechi antü tati pu che ñimitumequeingün codornices. Caque quiñeque che ñimituingün doi huaranca* kilo.* Ca inafül cheu ñi toltoucülen* pu che ünifcünufingün mapu mu tati codornices.* 33 Huelu petu nielu engün ilo tañi foro mu, petu changafmequelu engün, Chau Jehová illcutufi* tati pu che, fei Jehová eluhui ñi cutrancayafiel engün, fentren che langümfi.

34 Üye mu rüngaltucungei tati pu che illutuniefilu ti iyael, feimu Quibrot-Hataavá* üitucungei feitichi mapu. 35 Fei tati pu che tripaingün Quibrot-Hataavá mu ñi puhual Hazerot mapu mu, fei üye mu mülenagpuingün.

12 Moisés ñi domo Cus mapu mu tuhurquei. Feimu Aarón ca Míriam huesa dunguyefingu ta Moisés. 2 Feipingu: “¿Chau Jehová adniefi Moisés müten tañi dungual? ¿Iñchiu am ca adnielaeyumu?”. Fei Chau Jehová allcütunieyu. 3 Moisés fei tati doi ñom huentru ñi mülerquefel mapu mu.

4 Chau Jehová feipirumefi ta Moisés, Aarón ca Míriam: “Amumün tati trahunhue tolto ruca mu”.* Fei amuingün. 5 Fei hula Chau Jehová nagpai ti tromü mu, adcünuhui itrotripa ti trahunhue tolto ruca mu, mütrümfi* ta Aarón ca Míriam. Fei fülconpuingu.* 6 Chau Dios feipifi: “Fürenemun, allcütumuchi. Mülefule eimün meu quiñe huerquen cüpalu Chau Jehová mu, iñche peufaluhuafun quiñe afmatun dungu meu ca nütramcayafun peuma mu. 7 ¡Huelu femngechi femquelafiñ ta Moisés, iñche tañi cüdaufe! Elfalcünulelfiñ com tañi pu che.* 8 Iñche dunguquefiñ ta Moisés, chumngechi dunguuqueingu epu huentru. Com cüme quimelelfiñ. Quisu tañi adquiñ meu peufaluuquei Jehová. Feimu, ¿chumngelu* llicalaimu tamu huesa dunguyeafiel ta Moisés, iñche tañi cüdaufe?”.

9 Jehová illcutufi engu,* fei amutui. 10 Ti tromü püntühui* ti tolto ruca mu. Fei Míriam apolerquei lepra cutran mu, fülangcülerquei pire reque. Aarón huiñoquintufi ta Míriam, ngüneduamfi ñi apolerquen lepra cutran mu. 11 Matu müten Aarón feipifi ta Moisés: “¡Llellipueyu, saquin ñidol! ¡Füreneen, cutrancamulayayu tayu culpan mu!* Huedhuedquechi femiyu tati. 12 Quiñe lachi püñeñ choyüngelu ca funanaglu tañi fün ilo, femngechi felei tañi lamngen. Feimu, ¡füreneen, femcünulayaimi ñi femngechi felehuetual!”. 13 Fei Moisés eluhui ñi llellipuafiel ta Chau Jehová: “¡Ahuem Chau Dios, füreneen, tremoltufinge!* ¡Füreneen!”.

14 Chau Jehová huiñoldungufi* ta Moisés: “Tañi chau tofcütueliyu tañi ange mu, ¿regle antü illamcangenoalu chi? Feimu regle antü mu mülepe huecun cheu ñi mülenon che, fei hula huiñotuafui”. 15 Fei Míriam rupai regle antü huecun cheu ñi mülenon che, fei tati pu che cañpüle amulaingün deu huiñotulu hula ta Míriam. 16 Fei hula tati pu che tripaingün Hazerot mapu mu, anüpuingün tañi tolto ruca Parán huellin mapu mu.*

13 Chau Jehová dungufi ta Moisés, feipifi: 2 “Caque quiñeque troquiñche Israel meu dulliaimi quiñe loncolelu. Fei huercüafimi engün ñi lloftumeafiel* Canaán mapu. Feichi mapu iñche eluafiñ pu Israel che”.

3 Mülerquefuingün Parán huellin mapu,* fei Moisés huercüfi engün Chau Jehová ñi feipin mu. Com tüfachi pu huentru loncolerquei pu Israel che mu. 4 Tüfa tañi üi engün: Rubén tañi troquiñche mu amui Samúa, Zacur ñi fotüm. 5 Simeón tañi troquiñche mu amui Safat, Horí tañi fotüm. 6 Judá tañi troquiñche mu amui Caleb, Jefuné tañi fotüm. 7 Isacar tañi troquiñche mu amui Igal, José tañi fotüm. 8 Efraín tañi troquiñche mu amui Hosea, Nun tañi fotüm. 9 Benjamín tañi troquiñche mu amui Paltí, Rafú tañi fotüm. 10 Zabulón tañi troquiñche mu amui Gadiel, Sodí tañi fotüm. 11 José tañi troquiñche fei ta Manasés ñi troquiñche, feiti mu amui Gaddí, Susí tañi fotüm. 12 Dan tañi troquiñche mu amui Amiel, Guemalí tañi fotüm. 13 Aser tañi troquiñche mu amui Setur, Miguel tañi fotüm. 14 Neftalí tañi troquiñche mu amui Nahbí, Vofsí ñi fotüm. 15 Ca Gad tañi troquiñche mu amui Gueuel, Makí tañi fotüm. 16 Tüfa tañi üi feitichi pu huentru Moisés ñi huercüfiel lloftumeafiel ti mapu. Moisés ca üituculelfi ta Hosea, Nun ñi fotüm, Josué* üituculelfi.

17 Moisés huercüfilu pu huentru ñi lloftumeafiel Canaán mapu, feipifi: “Amuaimün Négueb mapu mu, fei hula pürapuaimün mahuida mu. 18 Ngüneduamafimün chumngechilei ti mapu, ñi nehuen-ngen cam no, ti pu che mülelu fei mu, peaimün ñi alün-ngen cam ñi alün-ngenon, 19 cüme mapungei cam cüme mapungelai. Ca ngüneduamafimün tati huaria üye mu müleyelu, niele cura malal cam nielai. 20 Ngüneduamafimün ñi cümepen mai ti mapu ñi cüdahuafiel cam no, ñi niepen mai anümca cam ñi nienon. Fütra piuquecünuhuaimün ca cüpalaimün fün feiti mapu meu”. Feichi antü meu hue afülerquei ofad.

21 Fei amuingün ñi lloftumeafiel ti mapu, ngüneduamfingün Zin huellin mapu ñi puhual Rehob mapu meu, fülcülerquei* ta Lebó-Hamat* mapu mu. 22 Amulu engün Négueb mapu mu puhuingün ta Hebrón huaria mu, üye mu mülerquei Ahimán, Sesái ca Talmái, pu Anac che. Hebrón deumangerquei regle tripantu petu ñi deumangenon Zoan huaria Egipto mapu meu. 23 Puulu engün Escol laf mapu mu catrüfingün quiñe rou* nielu ofad, tucungei quiñe moncol mamüll meu, fei epu huentru yefingün. Ca yenieingün granada ca higo. 24 Üye mu pu Israel che entufingün ti catrün ofad, feimu Escol* laf mapu üitufingün.

25 Rupalu hula 40 antü, huiñotuingün. 26 Fei amuingün cheu ñi mülen Moisés, Aarón ca com pu Israel che Parán huellin mapu meu, Cadés mu. Com quimelelfingün tati pu che ca pengelelfingün ti fün ñi hulün ti mapu. 27 Fei tüfa feipifingün ta Moisés: “Coniyiñ ti mapu cheu tami huercümufiel, rüfcünu mai mülei fentren lichi ca miel,* tüfa tañi fün. 28 Huelu tati pu che mülelu fei mu rume nehuen-ngei, fütraque huaria nieingün cura malal nielu. Cafei pefiyiñ pu Anac che. 29 Pu Amalec che müleingün Négueb mapu meu. Pu Het che,* pu jebuseo che ca pu amorreo che müleingün mahuida mu. Ca pu Canaán che müleingün ina lafquen ca inafül Jordán leufü meu”.

30 Caleb ayülei ñi tüngduamelafiel* pu che, femngechi ñi allcütuafiel engün ta Moisés, feimu feipi: “Amuaiñ müten, nüpuafiyiñ feichi mapu. Rüfcünu llemai hueutripayaiñ”. 31 Huelu pu huentru ñi compañnieteu, feipingün: “Hueichamelayafuiñ* tüfachi pu che, doi nehuen nieingün ta iñchiñ meu”. 32 Fei engün feipiniefingün huesaque dungu pu Israel che feichi mapu mu ñi lloftumefiel engün. Feipingün: “Feichi mapu taiñ lloftumefiel apümcaquefi tati pu che. Tati pu che mülelu üye mu fütraque huentrungeingün. 33 Üye mu pefiyiñ pu nefilim, Anac tañi pu fotüm, pu nefilim tuhurqueingün. Iñchiñ pichique saltamonte reque* troquihuiyiñ tañi adquiñ meu, tüfa engün ca femngechi troquinieiñmeu”.

14 Com pun tati pu che nehuentu dunguingün, huiraringün ca ngümacahuingün. 2 Com pu Israel che huesa dunguingün Moisés ca Aarón mu. Com tati pu che huesa dunguyefi engün, feipingün: “¡Doi cümefui taiñ layal Egipto mapu meu! ¡Doi cümefui taiñ layal tüfachi huellin mapu mu!* 3 ¿Chumngelu* Chau Jehová cüpaleiñmeu tüfachi mapu mu? ¿Taiñ langümngeal fütra cuchillo mu? Müntuñmangeaiñ* taiñ domo ca taiñ pu yall, ¿doi cümenoafulu huiñotual Egipto mapu mu?”. 4 Hueluquentu feipihuingün: “¡Cangelu che loncocünuafiyiñ taiñ huiñotual Egipto mapu mu!”.

5 Feica müten tati pu Israel che ñi adquiñ meu, Aarón ca Moisés fampuhulingu ñi lonco mapu mu. 6 Josué, Nun ñi fotüm, ca Caleb, Jefuné ñi fotüm, huichafcaingu* tañi tacun. Tüfachi epu huentru caquelu huentru engün lloftumerquefingün* ti mapu. 7 Feipifingu com pu Israel che: “Tüfachi mapu taiñ lloftumefiel quiñe müna cüme mapungei. 8 Chau Jehová ayüucülele iñchiñ meu, rüfcünu llemai yeaiñmu tüfachi mapu mu ca eluaiñmeu. Feiti mapu mu mülei fentren lichi ca miel.* 9 Huelu caiñetulayafimün ta Chau Jehová. Llicalayafimün tati pu che feiti mapu meu, chem dungu no tati.* Chem no rume cuñiutucuquelaeyu. Chau Jehová mülei iñchiñ meu. Feimu llicalayafimün”.

10 Huelu tati pu che nütramcahuingün ñi ütrüftuafiel cura tañi langümafiel. Fei huente ngillatuhue tolto ruca mu* huefrumei Chau Jehová ñi pelon com pu Israel che ñi adquiñ meu.

11 Fei Chau Jehová feipifi ta Moisés: “¿Tunteñma mu tüfachi pu che yamnielayaeneu?* Iñche afmatufalchi dungu femün quisu engün meu, feimu ¿tuntepu am maneluulayaingün iñche meu? 12 Quiñe huesa cutran mu cutrancayafiñ engün ca apümcayafiñ. Femcünuan eimi mu ñi tripayal quiñe troquiñche doi nehuen-ngealu ca doi alün-ngerpualu”.

13 Huelu Moisés feipifi ta Chau Jehová: “Eimi tami nehuen meu entufimi tüfachi troquiñche pu Egipto che ñi mapu meu. Fei tüfa engün allcüaingün tami femafiel tami pu che. 14 Fei quimelelafingün tati pu Canaán che. Chau Jehová, fei engün allcüingün tami mülen tüfachi troquiñche mu ca tami peufaluhun quisu engün meu. Eimi ta Chau Jehová, tami tromü huente quisu engün meu mülei. Antü mu huneleimi quiñe tromü meu ca pun mu quiñe cütral meu. 15 Matumatu langümfilmi tüfachi pu che, com feichi pu troquiñche allcülu tami femün feipiaingün: 16 ‘Chau Jehová pepi yelafi feitichi pu che ti mapu ñi feipicünuel,* feimu com langümfi huellin mapu mu’. 17 Fei Chau Jehová, füreneen, pengelnge tami fütra nehuen-ngen. Eimi feipicünurqueimi nga: 18 ‘Chau Jehová illcufemquelai,* rume piuqueyechequei.* Quiñe che huesa femle cam culpale,* perdonaquefi. Huelu rulpacünuquelai ñi castigayafiel ti huesa che. Ti chau culpale, cafei castigayafi tañi pu fotüm, tañi pu lacu ca tañi pu bisnieto’.* 19 Egipto mapu mu ta fantepu meu perdonaniefimi tüfachi pu che. Feimu, füreneen, ca femngechi rulpacünuñmayafimi ñi culpan* fente tami piuqueyechequen meu”.*

20 Fei Chau Jehová feipi: “Tami ngillatufiel mu perdonayafiñ engün. 21 Huelu iñche tañi mongen meu feipicünun com huall mapu meu quimngeai fente ñi nehuen-ngen Chau Jehová. 22 Mülei pu huentru tañi quintucaduamnieteu* fentren rupa* ca tañi allcütunoeteu. Feitichi pu huentru peingün iñche tañi afmatufalngen ca tati afmatufalchi dungu ñi femün Egipto mapu mu ca ti huellin mapu meu. Quiñe no rume tüfa engün 23 pelayai feitichi mapu ñi feipicünufiel tañi pu chau. Felei llemai, quiñe no rume tañi yamnienoeteu pelayai ti mapu. 24 Huelu Caleb, iñche tañi cüdaufe, trürlai caquelu che mu. Com tañi piuque mu inanieneu. Feimu iñche yeafiñ feitichi mapu ñi lloftumefiel. Tañi pu cüpanche ngen-ngeaingün feitichi mapu meu. 25 Pu Amalec che ca pu Canaán che müleingün laf mapu mu, feimu hule huiñotuaimün, amuaimün ti huellin mapu feichi rüpü amulelu Quelü lafquen püle”.

26 Fei Chau Jehová feipifi ta Moisés ca Aarón: 27 “¿Tunteñma mu tüfachi huesa troquiñche huesa dunguai iñche meu? Allcün pu Israel che ñi feipimequen iñche mu. 28 Feipifinge: ‘Iñche tañi mongen meu feipicünuan, pi Chau Jehová, allcün tamün feipimequen, femngechi femuhuayiñ tati. 29 Tüfachi huellin mapu meu trananagai tamün lachi cuerpo,* mai, trananagaimün com eimün, nielu 20 tripantu cam doi, pu huirintucuñmangelu tañi üi, com pu huesa dungulu iñche meu. 30 Quiñe no rume ta eimün conlayai feichi mapu mu ñi feipicünufiel tamün mongeleal. Caleb, Jefuné tañi fotüm, ca Josué, Nun tañi fotüm, fei engu müten conaingu.

31 Eimün feipimün tamün müntuñmangeal tamün pu yall, huelu fei engün müten yeafiñ feichi mapu tamün famentufiel.* 32 Huelu eimün layaimün tüfachi huellin mapu mu. 33 Rupayai 40 tripantu, fei com eimün layaimün huellin mapu meu. Com feitichi tripantu mu tamün pu fotüm camañfengeaingün* huellin mapu mu, culliaingün eimün culpalu am* iñche meu.* 34 Eimün 40 antü lloftumefimün ti mapu, quiñe antü feita quiñe tripantu, feimu 40 tripantu culliaimün tamün culpan meu.* Femngechi quimtucuaimün chem rupaquei pu che tañi caiñetuqueteu.

35 Iñche, Chau Jehová, deu dungucünun. Fei tüfa femafiñ tüfachi huesa troquiñche, quiñehuingün tañi caiñetuaeteu. Tüfachi huellin mapu meu afaingün, layaingün. 36 Feitichi pu huentru Moisés ñi huercüfiel tañi lloftumeafiel ti mapu, huesaque dungu feipingün tati mapu meu, feimu hueluraquiduamelfingün tati pu che ñi huesa dunguyeafiel ta Moisés. 37 Felei llemai, feitichi pu huentru huesaque dungu feipilu ti mapu meu cutrancangeaingün ca layaingün Chau Jehová ñi adquiñ meu. 38 Huelu amuleai ñi mongelen Josué, Nun tañi fotüm, ca Caleb, Jefuné tañi fotüm, fei engu ca lloftumerquefingu ti mapu’”.

39 Moisés feipifilu tüfachi dungu pu Israel che, com hueñancünagingün. 40 Pulihuen mu huitraingün ca eluhuingün ñi pürayal huechuñ fütra huincul mu. Feipingün: “Amulaiñ feitichi mapu ñi feipicünuel Chau Jehová, feimu culpaiñ.* Huelu feula queta pepicaucüleiñ taiñ amual”. 41 Huelu Moisés feipi: “¿Chumngelu* inaniequelaimün Chau Jehová ñi feipicünun? Cüme tripalayai tamün femün. 42 Amulayaimün, Chau Jehová mülelai eimün meu. Tamün pu caiñe huehuaimünmeu. 43 Pu Amalec che ca pu Canaán che tiye mu müleingün tamün hueichayaeteu.* Langümngeaimün fütraque cuchillo mu. Eimün quiñepülecünufimün ta Chau Jehová, feimu Jehová mülelayai eimün meu”.

44 Huelu pürapuingün müten huechuñ huincul mu. Moisés ca ti falin caja pengelquelu Chau Jehová ñi eldungu mülecaingu müten rangiñ cheu ñi toltoucülen* pu che. 45 Fei pu Amalec che ca pu Canaán che mülelu feiti huincul meu nagpaingün tañi hueichayafiel pu Israel che, Hormá püle puhulfingün.

15 Chau Jehová huiño dungufi ta Moisés, feipifi: 2 “Dungufinge pu Israel che, feipifinge: ‘Iñche eluhuaiñ quiñe mapu tamün müleam. Fei conülmün, 3 cütral mu chalintuculelafimün ta Chau Jehová quiñe huaca* cam quiñe ufisa.* Rume cüme nümün-ngeai* Chau Jehová mu. Quiñe lüpümngeelchi chalintucun-ngeafui, quiñe chalintucun* tamün femal chem tamün feipicünuel,* quiñe chalintucun tamün hulün eimün tamün pin meu cam quiñe chalintucun tamün hulquen feitichi fiesta femngequelu fill tripantu. 4 Ti che hul-le quiñe chalintucun ca mülei ñi chalintuculelafiel ta Chau Jehová quiñe fün chalintucun nielu quiñe kilo* cüme rüngo reyülelu* quiñe litro* aceite engu. 5 Cafei hultuculmi quiñe lüpümngeelchi chalintucun cam chalintucufilmi caque quiñeque cordero, ca mülei tami hulal quiñe hutrulngeelchi* chalintucun nielu quiñe litro* pulcu. 6 Huelu hultuculmi quiñe caniru,* mülei tami hulal quiñe fün chalintucun nielu epu kilo* cüme rüngo reyülelu* doi quiñe litro* aceite engu. 7 Cafei hulaimi quiñe hutrulngeelchi chalintucun nielu doi quiñe litro* pulcu, rume cüme nümün-ngeai Chau Jehová mu.

8 Huelu elufilmi quiñe toro ta Chau Jehová tami hulal quiñe lüpümngeelchi chalintucun, quiñe chalintucun quiñentrür ingequelu cam quiñe chalintucun tami femal chem tami feipicünuel, 9 ca mülei tami hulal ti toro engu quiñe fün chalintucun nielu cüla kilo ca rangiñ* cüme rüngo reyülelu* epe epu litro* aceite engu. 10 Cafei mülei tami hulal epe epu litro* pulcu quiñe hutrulngeelchi chalintucun mu, quiñe chalintucun cütral mu cüme nümün-ngelu Chau Jehová mu. 11 Tüfa ta hulaimi chalintucufilmi caque quiñeque toro, caque quiñeque caniru, caque quiñeque cordero ca caque quiñeque chifu.* 12 Tunten culliñ rume chalintuculmün, femngechi femaimün caque quiñeque culliñ meu. 13 Com pu Israel che femngechi mülei ñi hulal chalintucun cütral mu ñi cüme nümün-ngeal Chau Jehová mu.

14 Quiñe ca cüpanche fentren tripantu yenielu eimün meu cam pichiñma mu mülealu hul-le quiñe chalintucun cütral mu cüme nümün-ngelu Chau Jehová mu, femngechi mülei ñi femal eimün reque. 15 Eimün, pu Israel che, ca pu ca cüpanche, quiñe huercün dungu müten mülei tamün inanieafiel. Tüfachi huercün dungu elcünungei ñi amulerpual, com tamün pu cüpanche mülei ñi inanieafiel. Chau Jehová ñi adquiñ mu, pu ca cüpanche trürcüleai eimün meu. 16 Eimün ca tati pu ca cüpanche mülelu eimün meu quiñe ley ca quiñe huercün dungu müten mülei tamün inanieafiel’”.

17 Fei Chau Jehová feipifi ta Moisés: 18 “Dungufinge pu Israel che, feipifinge: ‘Conülmün feichi mapu tamün yeniefiel, 19 iyaimün chem ñi hulün ti mapu,* fei quiñe chalintucun mülei tamün eluafiel ta Chau Jehová. 20 Ti hunen rüngo* tamün hunen cosecha meu deumayaimün cofque rangiñ mu huechodcülelu. Tüfa tamün chalintucual. Hulafimün chumngechi femqueimün feiti chalintucun entungequelu cheu ñi liftungequen fün. 21 Tamün hunenque cosecha meu, entuaimün tamün hunen rüngo, fei quiñeque troquiñ chalintuculelafimün ta Chau Jehová, com tamün pu cüpanche mülei tañi femal.

22 Iñche, Chau Jehová, elufiñ ta Moisés huercün dungu. Huelu eimün huelulcayafuimün chi, fei inalayafuimün. 23 Com feitichi huercün dungu iñche, Chau Jehová, tamün elufiel Moisés meu, iñche Chau Jehová, eluhuiyiñ ta eimün ca com tamün pu cüpanche. 24 Huelulcahulmün fei tamün quimnon mu, com eimün mülei tamün hulal quiñe lüpümngeelchi chalintucun. Quiñe hue toro hulngeai, cüme nümün-ngeai Chau Jehová mu. Cafei hulngeai quiñe fün chalintucun, quiñe hutrulngeelchi chalintucun, hulngeai chumngechi ñi femngequen. Ca hulngeai quiñe chalintucun culpan dungu mu,* quiñe pichi capüra. 25 Ti sacerdote hulai feitachi chalintucun ñi perdonangeal com pu Israel che. Tañi huelulcan mu cüpalingün Chau Jehová ñi adquiñ meu quiñe chalintucun ñi eluafiel ta Chau Jehová cütral mu ca quiñe chalintucun culpan dungu mu.* 26 Com pu che huelulcai, feimu com pu Israel che ca pu ca cüpanche mülelu fei engün mu perdonangeai.

27 Quiñe che culpale* fei ñi ngüneduamnon mu, mülei ñi hulal quiñe chalintucun culpan dungu mu, quiñe pichi capüra quiñe tripantu nielu. 28 Feitichi che huelulcahui, Chau Jehová ñi adquiñ mu culpai* fei ñi ngüneduamnon mu. Feimu ti sacerdote hulai ti chalintucun ñi rulpacünuñmangeal ti che ñi culpan, fei perdonangeai. 29 Quiñe che culpale* fei ñi ngüneduamnon mu, quiñe ley müten mülei ñi inanieafiel pu Israel che ca ti ca cüpanche mülelu fei engün mu.

30 Quiñe Israel che cam ca cüpanche quisu tañi pin meu culpale,* ca huesa dunguyefile ta Chau Jehová, feimu mülei tañi langümngeal. 31 Tüfachi che quiñepülecünufilu cai Chau Jehová ñi feipin ca inalafi tañi huercün dungu, mülei tañi langümngeal. Culliai tañi huelulcan meu’”.

32 Pu Israel che miyaulu ti huellin mapu mu,* peingün quiñe huentru ñi ñimitumequen* mamüll ürcütun antü mu.* 33 Fei ti pu che pefilu ti huentru ñi ñimitumequen mamüll yefingün cheu ñi mülen Moisés, Aarón ca com ti pu che. 34 Quimngelai chem ñi chumafiel ti huentru, feimu elungerquelai tañi amutual.

35 Chau Jehová feipifi ta Moisés: “Feiti huentru mülei ñi layal. Com ti pu che ütrüftuafi cura mu huecun cheu ñi mülenon tolto ruca”.* 36 Fei com ti pu che entufi ti huentru huecun cheu ñi mülenon che, fei ütrüftufingün cura mu, femngechi langümfingün. Femingün chumngechi Chau Jehová ñi feipicünufiel ta Moisés.

37 Chau Jehová cafei feipifi ta Moisés: 38 “Dungufinge pu Israel che, feipifinge: ‘Eimün ca com tamün pu cüpanche mülei tamün tuculelafiel chiñai* com tamün tacun nageltu püle. Huente feitichi chiñai mu tuculelafimün callfü füu. 39 Pefilmün feitichi chiñai, raquiduamelaimünmeu Chau Jehová tañi huercün dungu, fei inayafimün. Inanielayafimün tamün piuque ca chem tamün pequeel, tüfa yeniequeimünmeu tamün poyemuhuenoafiel.* 40 Tüfa quelluaimünmeu tamün raquiduamtucunieafiel iñche tañi huercün dungu, fei inayafimün ca lif chengeaimün Chau Dios ñi adquiñ mu. 41 Iñche tamün Chau Dios Jehová, entuhuiyiñ Egipto mapu meu iñche tamün Chau Dios ngeal. Iñche tamün Chau Dios Jehová’”.

16 Coré quiñehui Datán, Abiram ca On engün. Coré tañi chau feita Izhar, tañi lacu feita Cohat ca tañi bisabuelo feita Leví. Datán ca Abiram ñi chau feita Eliab ca On tañi chau feita Pélez. Tüfa engün Rubén tañi pu cüpanche. 2 Tüfa engün ca caquelu 250 Israel che caiñetufingün ta Moisés. Feitichi pu huentru loncolefuingün tati pu che meu, dullinque huentrungefuingün, falinque huentru tati. 3 Fei trahuluhuingün ñi caiñetuafiel ta Moisés ca Aarón, feipifingün: “¡Afeluhuiyiñ eimu meu! Com ti troquiñche püntücünulelngei* ta Chau Dios, com engün. Chau Jehová mülei quisu engün meu. Feimu, ¿chumngelu* doicülelu troquiuqueimu Chau Jehová ñi troquiñche meu?”.

4 Allcülu müten Moisés, puhuli ñi ange mapu mu. 5 Fei Moisés feipifi ta Coré ca tañi pu compañ: “Pulihuen mu Chau Jehová quimfalcünuai chem che mu ngen-ngei, inei püntücünufi* ca inei elufi tañi fülmanieaeteu. Fei chem che ñi dullifiel fülmayaeyu. 6 Tüfa femaimün: Coré ca com tañi pu quellunieteu nüpe braserillo. 7 Hule Chau Jehová ñi adquiñ meu tucungepe cütral tati braserillo mu, fei huente tucungepe incienso.* Chau Jehová dulliai quiñe huentru, fei tüfa quisu ñi püntücünufiel.* ¡Eimün pu Leví che, fentecünumün!”.

8 Fei Moisés feipifi ta Coré: “Pu Leví che, fürenemun, allcütumuchi. 9 ¿Falintulafimün am chem tamün femeteu Israel ñi Chau Ngünechen? Quisu püntücünueimünmeu* pu Israel che mu, elueimünmeu tamün fülconal* quisu mu, femngechi cüdauqueimün Chau Jehová ñi ngillatuhue tolto ruca mu* ca serfiquefimün pu Israel che. 10 ¿Falintulafimi am? Chau Dios elueimu tami fülconal quisu mu, eimi ca tami pu peñi Leví chengelu. ¿Ca ayüniepeimün mai tamün sacerdotengeal? 11 Feimu eimi ca com pu trahuluucülelu tami quelluaeteu chaftumequefimün ta Chau Jehová. Ca, ¿chem huesa dungu femi Aarón tamün dunguyefiel?”.

12 Fei hula Moisés mütrümfalfi* ta Datán ca Abiram, Eliab ñi epu fotüm. Huelu “Amulayayu” pingu. 13 “Cheu taiñ mülequefel mülefui fentren lichi ca miel,* huelu eimi entumuiñ fei mu, fei cüpalmuiñ huellin mapu mu* taiñ langümngeal. ¿Chem dungu no pimi am? Tüfa hula cai, ¿ayüniepeimi mai eimi müten tami ngüneniemuafiel? 14 Cüpalmulaiñ quiñe mapu mu cheu ñi mülen fentren lichi ca miel. Ca elumulaiñ mapu cam quiñe ofadentu taiñ nieal. ¿Trauma huentru reque ayüniepeimi am tami inayaeteu tüfachi pu huentru?* ¡Amulayayu!”.

15 Feimu Moisés rume illcui,* fei feipifi ta Chau Jehová: “Lloumalayafimi ñi fün chalintucun.* Müntuñmalafiñ* quiñe burro no rume ca quiñe no rume cutrancalafiñ engün”.

16 Fei Moisés feipifi ta Coré: “Hule Chau Jehová ñi adquiñ mu cüpayaimi ca com pu che tami quellunieteu. Eimi, quisu engün ca Aarón. 17 Caque quiñeque nüai tañi braserillo, tuculelafi incienso, fei chalintucuai tañi braserillo Chau Jehová ñi adquiñ mu, 250 braserillo müleai. Eimi ca Aarón ca yenieaimu tamu braserillo”. 18 Caque quiñeque nüfingün tañi braserillo, tuculelfingün cütral, huente mu tuculelfingün incienso. Com huitracünuhuingün itrotripa ti trahunhue tolto ruca mu. Moisés ca Aarón ca femingu. 19 Coré trahulfi com tañi pu che ñi chaftuafiel engu itrotripa ti trahunhue tolto ruca mu, fei Chau Jehová ñi pelon peufaluhui com ti pu che mu.

20 Chau Jehová feipifi ta Moisés ca Aarón: 21 “Püntütripamu* tüfachi pu che mu. Tüfa hula müten apümcayafiñ engün”. 22 Feimeu puhulingu ñi ange mapu mu, fei feipingu: “Ahuem Chau Dios, eimi eluquefimi mongen com pu che, feimu ¿quiñe huentru ñi culpan mu müten* illcutuniefimi am* tüfachi troquiñche?”.

23 Fei Chau Jehová feipifi ta Moisés: 24 “Feipifinge tati pu che: ‘¡Püntütripamün* cheu ñi toltoucülen* Coré, Datán ca Abiram!’”.

25 Moisés huitrapürai, fei amui cheu ñi mülen Datán ca Abiram, pu loncolelu Israel meu ca amuingün. 26 Moisés feipifi tati pu che: “Fürenemuchi, püntütripamün* tüfachi huesaque huentru ñi tolto ruca mu. Nünütulayafimün ñi chemcün.* Femngechi apümcangelayaimün tüfachi pu huentru ñi culpan meu”.* 27 Fei ti pu che matumatu püntütripaingün* cheu ñi toltoucülen* Coré, Datán ca Abiram. Datán ca Abiram tripaingu, fei huitracünuhuingu itrotripa tañi tolto ruca mu engu. Ca mülei tañi pu domo, tañi pu yall ca tañi pu pichiqueche.

28 Fei Moisés feipi: “Femngechi quimaimün Chau Jehová ñi huercüeteu ñi femal com tüfachi dungu, iñche tañi duam mu no. 29 Tüfachi pu che rupale chem ñi rupaquen com pu che, fei lale chumngechi ñi laquen com che, quimfalngeai Chau Jehová ñi huercünoeteu ta iñche. 30 Huelu Chau Jehová femle quiñe afmatun dungu, nülafile ti mapu ca lümüngele engün ca com tañi nieel, fei mongelen nagle Rüngan mu engün,* rüfcünu quimaimün ñi yamnienofiel engün* ta Chau Jehová”.

31 Moisés fentecünulu müten ñi dungumequen, ti mapu nülatripai cheu ñi mülen engün. 32 Nülatripai ti mapu, fei lümüngei tüfachi pu huentru, tañi pu che, Coré tañi pu che ca com tañi nieel. 33 Fei engün ca com tañi pu che mongelen nagingün Rüngan mu,* ti mapu tacueyu, fei ngehuetulai engün. 34 Com pu Israel che huallontu mülelu allcülu ñi huirarcülen engün lefmahuingün. Feipingün: “¡Llicaleiñ! ¡Ca lümüafeiñmu ti mapu!”. 35 Feica müten quiñe cütral tripai Chau Jehová mu, fei langümfi 250 huentru chalintucumequefilu ti incienso.

36 Fei hula Chau Jehová feipifi ta Moisés: 37 “Feipifinge ta Eleazar, ti sacerdote Aarón ñi fotüm, ñi entuafiel cütral mu ti braserillo, tüfa püntücünulelngei* ta Chau Dios. Ca feipifinge ñi camapu ütrüfentuafiel ti ailen. 38 Tati pu huentru lalu tañi culpan mu,* chalintucuingün tañi braserillo Chau Jehová ñi adquiñ mu, femngechi püntücünulelngei* ta Chau Dios feitichi braserillo. Cüme lafcünufimün ñi impolafiel* ti altar, tüfa quiñe ngüfetun dungungeai pu Israel che mu”. 39 Feimu ti sacerdote Eleazar nüfi tati cobre braserillo ñi chalintucuel pu che lüpümngelu. Fei martillo mu cüme lafcünufi ñi impolafiel* ti altar. 40 Femi chumngechi ñi feipicünufiel Chau Jehová ta Moisés. Femngechi pu Israel che raquiduamtucuniefingün inei no rume elungenole ñi femal* ca Aarón ñi cüpanchengenole, fülmalayafui ñi lüpümafiel incienso Chau Jehová ñi adquiñ mu, ca inei no rume ngelafui ñi inayentuafiel ta Coré ca tañi pu quelluqueteu.

41 Ca antü mu com pu Israel che huesa dunguyefingün ta Moisés ca Aarón. Feipingün: “Eimu langümfimu Chau Jehová ñi pu che”. 42 Tati pu che trahuluhuingün ñi chaftuafiel Moisés ca Aarón, fei adquintufingün tati ngillatuhue tolto ruca ca ngüneduamingün ti tromü ñi tacunieteu. Fei Chau Jehová ñi pelon eluhui ñi peufaluhual.

43 Moisés ca Aarón fülpuingu ti trahunhue tolto ruca mu, 44 fei Chau Jehová feipifi ta Moisés: 45 “Püntütripamu* feitichi pu che mu, matu müten apümcayafiñ”. Feimeu puhulingu ñi ange mapu mu. 46 Fei Moisés feipifi ta Aarón: “Nüfinge ti braserillo, tuculelfinge ti cütral mülelu ti altar mu, huente tuculelfinge incienso, fei lefcülen amunge cheu ñi mülen ti pu che ñi perdonañmangeal tañi culpan engün.* Chau Jehová rume illculei.* Deu cutrancamequengeingün”. 47 Feica müten Aarón nüfi ti braserillo, chumngechi ñi feipicünueteu Moisés, fei lefcülen coni rangi ti pu che mu. Huelu deu cutrancamequengerquei ti pu che. Feimu tucui ti incienso tati braserillo mu ñi perdonangeal pu che ñi culpan.* 48 Fei Aarón rangiñcünuhui lachi che mu ca pu mongelelu. Feica müten afi ti cutrancahun. 49 Feitichi cutrancahun mu laingün 14.700 che. Cafei Coré tañi duam mu lai caquelu che. 50 Aarón huiñotulu cheu ñi mülen ta Moisés itrotripa ti trahunhue tolto ruca mu, deu fentecünungerquei ti cutrancahun.

17 Fei Chau Jehová feipifi ta Moisés: 2 “Feipifinge pu Israel che, caque quiñeque troquiñche, caque quiñeque loncolelu ñi troquiñche mu mülei ñi cüpalal quiñe retrü. Mari epu retrü cüpalngeai. Huirintucuafimi ñi üi caque quiñeque loncolelu ñi retrü meu. 3 Caque quiñeque loncolelu ñi troquiñche mu mülei quiñe retrü müten. Feimu Leví tañi retrü mu huirintucuafimi Aarón tañi üi. 4 Ti trahunhue tolto ruca mu* elcünuafimi feitichi retrü, itrotripa ti falin caja nielu Chau Dios ñi ley. Üye mu iñche peufaluuquen eimün meu. 5 Iñche dulliafiñ quiñe huentru, fei tañi retrü choyüai,* femngechi fentecünuafiñ pu Israel che ñi huesa dungumequen iñche mu ca eimu meu”.

6 Fei Moisés dungufi pu Israel che, com pu loncolelu elueyu tañi retrü, caque quiñe loncolelu ñi troquiñche mu huli tañi retrü. Mari epu retrü trapümngei. Aarón tañi retrü cafei. 7 Chau Jehová ñi adquiñ meu, Moisés elcünufi feitichi retrü ti ngillatuhue tolto ruca mu cheu ñi mülen ti falin caja nielu Chau Dios ñi ley.

8 Ca antü mu, Moisés coni ti ngillatuhue tolto ruca mu cheu ñi mülen ti falin caja nielu Chau Dios ñi ley. Aarón ñi retrü ñi cüpalel Leví ñi troquiñche choyürquei: niei choyün, rayen ca afülechi almendra. 9 Fei Chau Jehová ñi adquiñ mu, Moisés entufi com feitichi retrü ca pengelelfi com pu Israel che. Ngüneduamfingün, fei caque quiñeque huentru nüfingün tañi retrü.

10 Fei hula Jehová feipifi ta Moisés: “Huiño tucuaimi Aarón tañi retrü itrotripa ti falin caja nielu Chau Dios ñi ley. Guardacünungeai, quiñe ngüfetun dungungeai tañi pu chaftumequeteu mu. Femngechi huesa dunguyelayaeneu ca lalayaingün”. 11 Feica müten Moisés femi chumngechi ñi feipieteu Chau Jehová, femngechi femi llemai.

12 Fei pu Israel che feipifingün ta Moisés: “¡Layaiñ! ¡Feula queta layaiñ! ¡Com iñchiñ layaiñ llemai! 13 ¡Inei rume fülconle* Chau Jehová ñi ngillatuhue tolto ruca mu, layai llemai! ¿Femngechi am mülei taiñ layal?”.

18 Fei hula Chau Jehová feipifi ta Aarón: “Inangenole tati huercün dungu nüucülelu ti yamfal mülehue mu,* eimi, tami pu fotüm ca tami pu cüpanche culliaimün feitichi huelulcan mu. Cafei inangenole ti huercün dungu nüucülelu pu sacerdote mu, eimi ca tami pu fotüm culliaimün feitichi huelulcan mu. 2 Cafei cüpalfinge tami pu peñi coneltulelu Leví tañi troquiñche meu, tüfa tami chau ñi troquiñche. Femngechi quiñehuaimün, fei cüdahuelaimu engün ca tami pu fotüm itrotripa ti ngillatuhue tolto ruca* cheu ñi mülen ti falin caja nielu Chau Dios ñi ley. 3 Mülei ñi femal engün com tami elfalcünulelfiel ca femaingün com ti cüdau ti ngillatuhue tolto ruca mu. Huelu fülconlayaingün* tati yamfal mülehue ñi chemcün meu* ca tati altar mu, femngechi tamün lanoal ca ñi lanoal engün. 4 Quiñehuaingün eimi meu ca femaingün com ti cüdau ti trahunhue tolto ruca mu. Quiñe che no rume elungenolu tañi femal* fülconlayafui eimün meu. 5 Ti yamfal mülehue mu ca ti altar meu, eimün müten mülei tamün cüdaucüleal. Femngechi iñche illcutuniehuelayafiñ* pu Israel che. 6 Rangiñ pu Israel che mu iñche dullifiñ tamün pu peñi, pu Leví che, tamün eluafiel. Hultucungeingün Chau Jehová mu ñi femngechi femal ti cüdau tati trahunhue tolto ruca mu. 7 Tamün sacerdotengen meu eimi ca tami pu fotüm elfalcünulelngeimün ti cüdau femngequelu ti altar mu ca furitu cortina.* Eimün mülei tamün femal feichi cüdau. Eimün llemai eluhuiyiñ tamün cüdahual tamün sacerdotengen. Inei rume elungenolu ñi femal* fülconpule, mülei tañi layal”.

8 Chau Jehová ca feipifi ta Aarón: “Elfalcünueyu com ti chemcün ñi elungeel ta iñche. Ti yamfalchi chemcün meu ñi hulün pu Israel che, quiñe troquiñ elueyu ca tami pu fotüm. Rumel elungeaimün. 9 Eimi ngen-ngeaimi com ti chalintucun* ñi hulal ta che, feitichi rume yamfalchi chalintucun cütral mu, tüfa mu ta coneltulei ti fün chalintucun, ti chalintucun culpan dungu mu* ca ti chalintucun huelulcan mu. Rume yamfalngeai ta eimi ca tami pu fotüm meu. 10 Mülei tamün iyafiel quiñe rume yamfal mülehue mu. Com pu huentru mülei tañi iyafiel. Tüfa yamfalngeai eimi meu. 11 Cafei eimi ngen-ngeaimi feitichi regalo ñi hulal pu Israel che ca com ti chalintucun epuñpüle nengümcangequelu. Iñche elueyu ca tami pu fotüm ca tami pu ñahue. Rumel elungeaimün. Inei rume tami pu che meu lifcülele, iyafui.

12 Iñche eluayu tati doi cüme aceite, doi cüme hue pulcu ca doi cüme fün, tüfa tati hunenque fün ñi elufiel pu che ta Chau Jehová. 13 Pu che elufile ta Chau Jehová ti hunenque afülechi fün ñi mülen tañi mapu meu, eimi ta ngen-ngeaimi. Inei rume tami pu che meu lifcülele, iyafui.

14 Eimi ngen-ngeaimi com ñi huichucünulelngeel ta Chau Dios* Israel mu.

15 Pu che chalintuculelfile ta Chau Jehová tañi hunenque fotüm cam pu culliñ ñi hunenque coñi, eimi ta ngen-ngeaimi. Huelu eluafimi engün ñi ngillanentuafiel tañi hunenque fotüm ca pu lifngenochi culliñ ñi hunenque coñi. 16 Eluafimi ñi ngillanentuafiel engün niele quiñe cüyen cam doi. Quechu siclo* plata culliaingün, fanefanetungeai chumngechi ñi fanefanetungequen ti yamfal mülehue mu. Quiñe siclo fanei mari epu gramo.* 17 Huelu ngillanentungelayai hunenque pichi toro, hunenque pichi cordero ca hunenque pichi chifu.* Tüfa yamfalngei tati. Pütefcayafimi* ñi mollfüñ huente altar ca lüpümafimi ñi yihuiñ ñi tripayal fitrun.* Cütral mu chalintucungeai ca cüme nümün-ngeai Chau Jehová mu. 18 Ti ilo, ti rücu epuñpüle nengümcangelu ca ti chang* ñi nieel man püle, eimi ngen-ngeaimi. 19 Com ti yamfal chemcün pu Israel che ñi eluafiel ta Chau Jehová, eluayu ca tami pu fotüm ca tami pu ñahue, rumel elungeaimün. Tüfachi eldungu rumel amulerpuai* Chau Jehová mu, eimi ca tami pu cüpanche”.

20 Chau Jehová feipiniefi ta Aarón: “Israel mu elungelayaimi mapu, femngechi larpulmi, elcünulel-layafimi tami pu fotüm. Iñche cuñiutucuayu* ca eluayu com tami duamnieel Israel mu.

21 Pu Leví che cüdauqueingün ti trahunhue tolto ruca mu. Feimu mari troquiñ meu, quiñe troquiñ eluafiñ* tañi cüdau mu engün. 22 Pu Israel che fülmahuelayafingün ti trahunhue tolto ruca. Femle engün, culpan dungu mu* conaingün, fei layaingün. 23 Ti pu Leví che cüdahuaingün tati trahunhue tolto ruca mu. Fei engün culliaingün tañi huelulcan mu. Lloulayaingün mapu rangi ti pu Israel che meu. Tüfachi ley dungu elcünungei ñi rumel amulerpual, com tañi pu cüpanche mülei ñi inayafiel. 24 Mari troquiñ meu, quiñe troquiñ pu Israel che eluquefingün ta Chau Jehová. Feichi troquiñ iñche elufiñ* tati pu Leví che. Feimu feipicünun: ‘Lloulayaingün mapu rangi ti pu Israel che mu’”.

25 Chau Jehová feipifi ta Moisés: 26 “Feipiafimi pu Leví che: ‘Mari troquiñ meu pu Israel che hulqueingün quiñe, eimün llohuaimün feichi troquiñ tamün elufiel.* Eimün cai hudamafimün mari troquiñ meu, fei eluafimün quiñe troquiñ ta Chau Jehová. 27 Tüfa tamün hulal tati, tamün fün, tamün pulcu cam tamün aceite reque troquingeai. 28 Mari troquiñ meu pu Israel che hul-le quiñe, com feichi troquiñ meu eimün eluafimün ta Chau Jehová. Eluafimün tati sacerdote Aarón, fei ñi elungeal ta Chau Jehová. 29 Com tamün elufiel ta Chau Jehová yamfalngeai, eluafimün ti doi cümelu tamün llohuel’.

30 Ca feipiafimi engün: ‘Eimün, pu Leví che, hulülmün ti doi cümelu tamün llohuel, tamün fün, tamün pulcu cam tamün aceite reque troquiafimün ti mülehuelu. 31 Eimün ca tamün pu che cheu rume iyafuimün. Tüfa cullingeimün tamün cüdaumequen ti trahunhue tolto ruca mu. 32 Hulfilmün ti doi cümelu tamün llohuel, culpaconlayaimün* tüfachi dungu mu. Pecancalayafimün* pu Israel che ñi yamfalchi chemcün. Femülmün, layaimün’”.

19 Chau Jehová huiño dungufi Moisés ca Aarón, feipifi engu: 2 “Tüfa tati ley dungu Chau Jehová ñi huercüel: ‘Feipiafimi pu Israel che ñi cüpalal quiñe quelü huaca tremolelu, encañngenolu* ca turpu tuculelngenolu yucu. 3 Mülei ñi elungeal tati sacerdote Eleazar, fei entuafi huecun cheu ñi mülenon che ca langümngeai quisu tañi adquiñ meu. 4 Fei ti sacerdote Eleazar ifontucuafi* tañi changüll cuhu pichin mollfüñ meu, regle rupa pütefcayafi* tati trahunhue tolto ruca* ñi conhue püle. 5 Quisu ñi adquiñ mu lüpümngeai ti huaca. Lüpümngeai ti trülque, ti ilo, ti mollfüñ ca tati me. 6 Ti sacerdote nüai cedro mamüll, hisopo anümca* ca quelü füu, fei ütrüftucuafi cütral mu cheu ñi lüpümmequengen ti huaca. 7 Fei ti sacerdote cüchayafi tañi tacun ca müñetuai co mu, fei hula huiño conafui cheu ñi toltoucülen* pu che. Huelu ti sacerdote lifcülelayai nagantüle hula.

8 Ti huentru lüpümfilu ti huaca, cüchayafi tañi tacun co meu ca müñetuai. Lifcülelayai nagantüle hula.

9 Quiñe lifcülechi huentru ñimituafi* tati huaca ñi trufquen. Fei tucuafi huecun cheu ñi mülenon che quiñe lif mülehue mu. Pu Israel che guardacünuafingün ñi pepicangeal ti co ñi liftuam.Ti huaca fei quiñe chalintucun* culpan dungu mu.* 10 Tati ñimitulu ti huaca ñi trufquen cüchayai ñi tacun, fei lifcülelayai nagantüle hula.

Tüfachi ley dungu elcünungei ñi amulerpual. Ti pu Israel che ca tati pu ca cüpanche mülelu fei engün meu mülei ñi inayafiel. 11 Inei rume nünütufile quiñe la,* lifcülelayai regle antü. 12 Puule ti cüla antü, mülei tañi liftuhual feitichi co meu, femngechi ti regle antü meu lifcületuai. Huelu liftuunole ti cüla antü meu, lifcületulayai puule ti regle antü. 13 Inei rume nünütufile quiñe la,* huelu liftuunole, podümafi Chau Jehová ñi ngillatuhue tolto ruca, feimu mülei tañi langümngeal Israel mu. Pütefcangerquelai ti co ñi liftuam, feimu amulerquei ñi lifcülenon.

14 Quiñe huentru lale quiñe tolto ruca mu, tüfachi ley dungu mülei ñi inangeal: chem che rume mülelu ponhuitu ti tolto ruca mu cam inei rume conle, lifcülelayai regle antü mu. 15 Cafei chem nülalechi metahue rume huente mu nienolu tapa,* lifcülelayai. 16 Inei rume mülelu lelfün mu nünütufile quiñe che langümngelu fütra cuchillo mu, quiñe la, quiñe che ñi foro cam cheu ñi rüngalcülen quiñe la, regle antü lifcülelayai. 17 Ñi liftungeal ti che lifcülenolu, entungeai pichin trufquen feitichi lüpümngeelchi chalintucun culpan dungu mu,* fei quiñe metahue mu tucungeai feitichi trufquen ca tuculelngeai co tripalu huitrunco mu. 18 Quiñe huentru lifcülelu pichin nüai hisopo anümca, ifontucuafi* ti co mu, fei pütefcayafi ti tolto ruca, tati fillque metahue ca com ti pu che ñi mülen üye mu. Cafei pütefcayafi ti che nünütufilu ti huentru langümngelu, ti foro, ti la cam cheu ñi rüngalcülen quiñe la. 19 Puule ti cüla antü ca ti regle antü, ti lifcülechi che pütefcayafi feitichi co mu tati lifcülenolu, fei ti regle antü meu lifcületuai tañi culpan mu.* Fei hula ti lifcülenolu cüchayafi tañi tacun co mu ca müñetuai, fei lifcülelayai nagantüle hula.

20 Ti lifcülenochi huentru liftuunolu, podümfi Chau Jehová ñi yamfal mülehue,* feimu mülei tañi langümngeal ti troquiñche mu. Pütefcangerquelai ti co ñi liftuam, feimu lifcülelai.

21 Tüfachi ley dungu elcünungei ñi amulerpual pu Israel che mu: feiti che pütefcafilu ti co ñi liftuam mülei ñi cüchayafiel tañi tacun ca ti che ñi nünütufiel ti co ñi liftuam, lifcülelayai nagantüle hula. 22 Ti lifcülenochi huentru chem rume nünütufile, lifcülelayai. Fei inei rume nünütufile feitichi chemcün,* lifcülelayai nagantüle hula’”.

20 Ti hunen cüyen mu com pu Israel che puhuingün Zin huellin mapu mu,* fei com pu che mülenagingün Cadés huaria meu. Tiye mu lai ca rüngaltucungei Míriam.

2 Tiye mu ti pu che nierquelai co, feimu com trahuluhuingün ñi chaftudunguafiel Moisés ca Aarón. 3 Tati pu che chaftudungufingün ta Moisés, feipifingün: “¡Larquefuliyiñ nga feichi lalu taiñ pu peñi Chau Jehová ñi adquiñ meu! 4 ¿Chumngelu* cüpalfimu Chau Jehová ñi pu che tüfachi huellin mapu mu? ¿Taiñ layal iñchiñ ca taiñ pu culliñ? 5 ¿Chumngelu* entumuiñ Egipto mapu meu ca cüpalmuiñ tüfachi huesa mapu mu? Fau pepi ngan-ngequelai higo, ofad, granada ca mülelai co taiñ pütocoal”. 6 Fei Moisés ca Aarón püntütripaingu* tati pu che mu. Amuingu tati trahunhue tolto ruca* ñi conhue meu, puhulingu ñi ange mapu mu, fei Chau Jehová ñi pelon peufaluhui quisu engu ñi adquiñ meu.

7 Fei Chau Jehová feipifi ta Moisés: 8 “Nüfinge tati retrü, eimi ca tami peñi Aarón mülei tamu trahulafiel tati pu che. Tüfa engün ñi adquiñ meu dunguafimu tati fütra cura, femngechi ñi tripayal co. Entulelafimi co engün feiti fütra cura mu, fei eluafimi ñi pütocoal tati pu che ca tañi pu culliñ”.

9 Fei Moisés nüfi ti retrü Chau Jehová ñi adquiñ mu, femi chumngechi ñi feipingeel. 10 Moisés ca Aarón trahulfingu tati pu che itrotripa tati fütra cura mu. Moisés feipifi: “¡Allcütumün, eimün pu yafü loncongelu!* ¿Ayüniepeimün am tayu entulelafiel co tüfachi fütra cura mu?”. 11 Feica müten huitrañpürami ñi cuhu, ti retrü mu epu rupachi hulelfi ti fütra cura, fei triparumei fentren co. Ti pu che ca ti pu culliñ pütocoingün.

12 Fei hula Chau Jehová feipifi ta Moisés ca Aarón: “Eimu pengel-laimu tamu maneluucülen iñche meu, püramyemulan tati pu Israel che ñi adquiñ meu. Feimu yelayafimu tüfachi pu che feitichi mapu tañi feipicünufiel engün”. 13 Tüfa Meribá* ñi co, fei mu pu Israel che notucadungufingün* ta Chau Jehová, huelu quisu huenupüramfi tañi üi tati pu che ñi adquiñ meu.

14 Mülelu Cadés huaria mu, Moisés huercülelfi quiñeque huerquen tati lonco ülmen Edom mu. Feipifingün: “Tüfa ñi feipin tami peñi Israel: ‘Eimi cüme quimnieimi com feitichi cüdaungechi dungu taiñ rupan mu. 15 Taiñ pu chau amuingün Egipto mu, fentren tripantu* mülepuiñ üye mu. Pu Egipto che cutrancafingün taiñ pu chau ca iñchiñ. 16 Ngillatufiyiñ ta Chau Jehová taiñ quelluaeteu, allcütueiñmeu. Fei huercüi quiñe cüme püllü ca entueiñmu Egipto mapu meu. Feula Cadés huaria meu müleiñ, inafülcülelu cheu ñi puhun tami mapu. 17 Fürenemuiñ, elumuiñ taiñ rumeal tami mapu meu. Lelfün cam ofadentu mu no rume rumelayaiñ. Pütocolayaiñ co tami rünganco mu.* Rüpütuleaiñ ti Lonco Ülmen ñi Rüpü mu müten. Famtripalayaiñ man püle, huele püle no rume, femngechi rumeafuiñ tami mapu mu’”.

18 Huelu Edom ñi lonco ülmen feipi: “Rupalayaimi tañi mapu meu. Femülmi, tañi fütra cuchillo mu trafmeayu”. 19 Pu Israel che feipifingün: “Amuleaiñ ti alürupachi rüpü mu müten. Iñchiñ cam taiñ pu culliñ pütocole tami co, cullingeaimi. Ayünieiñ ñi rupayal namuntu müten”. 20 Huelu Edom ñi lonco ülmen feipi: “Fau püle rupalayaimün”. Fei tripai tañi trafmeafiel engün. Compañnieyu fentren che ca fentren nehuen-ngechi hueichafe.* 21 Edom ñi lonco ülmen elulafi pu Israel che ñi rumeal tañi mapu meu, feimu pu Israel che cañpülecünuhuingün.

22 Pu Israel che, com tati pu che tripaingün Cadés huaria meu ñi puhual Hor huincul mu. 23 Hor huincul meu, inafülcülelu cheu ñi puhun Edom mapu, Chau Jehová feipifi ta Moisés ca Aarón: 24 “Aarón layai ca rüngaltucungeai tañi cuifiqueche yem reque. Quisu conlayai feichi mapu mu tañi eluafiel pu Israel che. Eimu allcütulaimu chem tamu feipifiel Meribá ñi co meu. 25 Pürapunge Hor huincul mu, yefinge ta Aarón ca tañi fotüm Eleazar. 26 Entuñmafinge Aarón ñi tacun, tuculelfinge tañi fotüm Eleazar, tiye mu Aarón layai”.

27 Moisés femi com ñi feipieteu Chau Jehová. Pürapuingün Hor huincul mu, com ti pu che ñi adquiñ meu. 28 Fei Moisés entuñmafi Aarón ñi tacun ca tuculelfi tañi fotüm Eleazar. Fei Aarón tiye mu lai, huechuñ huincul mu. Moisés ca Eleazar nagpatuingu. 29 Com pu che ngüneduamlu ñi lan ta Aarón, com Israel che ngümayefingün 30 antü.

21 Négueb mapu mu mülei ti Canaán lonco ülmen ngünenielu Arad huaria. Fei quimlu pu Israel che ñi miyahun Atarim rüpü püle, contupafi pu Israel che ca presuyefi quiñeque engün. 2 Fei pu Israel che eldungucünufi Chau Jehová, feipifingün: “Hultucufilmi tüfachi pu che taiñ cuhu mu, rüfcünu apümcañmayafiyiñ ñi huaria engün”. 3 Chau Jehová allcütufi pu Israel che, fei engün ñi cuhu mu hultucufi tati pu Canaán che, feimu apümcafi engün ca tañi pu huaria. Feimu llemai Hormá* üitucufingün feichi mapu.

4 Tripaingün Hor huincul mu, amuleingün ti rüpü rupaquelu Quelü lafquen püle, femngechi ñi hualloñmayafiel Edom mapu. Huelu ti pu che ürcüingün fente tañi miyahun. 5 Feimu notucadunguniefingün* ta Chau Dios ca Moisés, feipi engün: “¿Chumngelu am* entungeiñ Egipto mapu meu? ¿Taiñ layal tüfachi huellin mapu meu?* Tüfa mu ngelai iyael, co no rume. Üdetripafiyiñ tüfachi huesa cofque”. 6 Feimu Chau Jehová huercülelfi tati pu che venenongechi filu, ünatuquefi ti pu che. Feimu fentren Israel che laingün.

7 Fei ti pu che amuingün cheu ñi mülen Moisés, feipifingün: “Culpan dungu mu* coniyiñ, notucadungufiyiñ ta Chau Jehová ca eimi. Dunguñpemuiñ Chau Jehová mu ñi entuafiel ti filu”. Feimu Moisés dunguñpefi ti pu che. 8 Chau Jehová feipifi ta Moisés: “Adentucünufinge quiñe venenongechi filu, fei tucufinge quiñe orcon mamüll meu. Inei rume ünatungele, mülei tañi adquintuafiel ñi mongeleal”. 9 Feica müten Moisés deumai quiñe cobre filu ca pültrücünufi quiñe orcon mamüll meu. Quiñe che ñi ünatueteu quiñe filu, adquintuquefi ti cobre filu, fei mongetripaquei.

10 Fei hula pu Israel che tripaingün tiye mu, mülenagpuingün Obot mapu mu. 11 Fei hula tripaingün Obot mu, mülenagpuingün Iyé-Abarim mu, mülelu ti huellin mapu meu. Tüfa mülei itrotripa Moab mapu mu, tripahue antü püle. 12 Üye mu tripaingün, mülenagpuingün Zered laf mapu mu. 13 Tripaingün üye mu, mülenagpuingün Arnón laf mapu mu mülelu ti huellin mapu mu. Cheu ñi puhun pu amorreo che ñi mapu, fei mu tuhui tüfachi huellin mapu. Moab mapu puhui Arnón laf mapu mu, tüfa huichucünufi pu Moab che ca pu amorreo che. 14 Feimu ti Lifru Nielu Chau Jehová ñi Hueichan* feipilei “Vaheb, mülelu Sufá mapu mu ca ti laf mapu mülelu Arnón leufü püle. 15 Ti laf mapu puhui Ar huaria püle ca inafülcülei cheu ñi puhun Moab mapu”.

16 Fei hula amuingün Beer mapu mu. Üye mu mülei quiñe rünganco,* fei mu Chau Jehová feipirquefi ta Moisés: “Trahulfinge tati pu che tañi eluafiel co”.

17 Feichi mu pu Israel che entuingün tüfachi ül:

“¡Huefpape ti co, ahuem rünganco! ¡Eimün huiñoldungufimün!*

18 Ti rünganco pu principe rüngafingün, pu ülmen huentru tati pu che mu deumafingün.

Deumafingün tati lonco ülmen ñi retrü meu ca quisuque tañi retrü mu engün”.

Tripaingün ti huellin mapu meu ñi amual Mataná mu. 19 Tripaingün Mataná mu ñi amual Nahaliel mu. Fei tripaingün Nahaliel mu ñi amual Bamot mu. 20 Tripaingün Bamot mu ñi amual ti laf mapu mülelu Moab mapu meu. Pisgá ñi mahuidantu püle mülei, itrotripa Jesimón meu.*

21 Pu Israel che huercülelfingün quiñeque huerquen ta Sehón, pu amorreo che ñi lonco ülmen, feipifingün: 22 “Elumuiñ taiñ rumeal tami mapu meu. Cañpüle amulayaiñ, rupalayaiñ lelfün cam ofadentu mu no rume. Pütocolayaiñ co tamün rünganco mu. Rüpütuleaiñ ti Lonco Ülmen ñi Rüpü mu müten. Femngechi rumeafuiñ tami mapu mu”. 23 Huelu Sehón elulafi pu Israel che ñi rumeal tañi mapu mu. Doi mai trahulfi com tañi pu hueichafe, fei trafmefi pu Israel che huellin mapu mu. Jáhaz mu puhui, fei eluhui ñi hueichayafiel pu Israel che. 24 Huelu pu Israel che tañi fütra cuchillo mu hueufingün ca nüñmafingün tañi mapu mülelu ta Arnón puulu ta Jaboc mu, fülcülelu* pu Ammón che. Huelu puulaingün Jazer huaria mu, tüfa mülelu cai cheu ñi puhun pu Ammón che ñi mapu.

25 Fei pu Israel che nüñmafingün com tüfachi huaria. Mülenagpuingün com pu amorreo che ñi huaria mu, Hesbón ca com tañi püllelechi huaria. 26 Hesbón feita Sehón ñi huaria, pu amorreo ñi lonco ülmen. Quisu quehuafi pu Moab che ñi lonco ülmen ca müntuñmafi* com tañi mapu puulu ta Arnón mu. 27 Rupan mu tüfa, tati pu che ayentun mu feipiqueingün:

“Cüpamün Hesbón mu.

Deumangepe Sehón ñi huaria, fei cüme anücünungepe.

28 Hesbón mu tripai cütral, quiñe hueihuiñ cütral* tripai Sehón ñi huaria mu.

Com lüpümfi Ar huaria Moab mapu mu, pu ülmenque che mülelu alüpürachi mapu Arnón mu.

29 ¡Aungeimi Moab! ¡Apümcangeaimün, ahuem, Kemós ñi pu che!

Quisu femcünuquei tañi pu fotüm ñi lefmahual ca tañi pu ñahue ñi presuaeteu Sehón, pu amorreo che ñi lonco ülmen.

30 Lefcontuafiyiñ engün.

Hesbón apümcangeai, Dibón cütu.

Apümcayafiyiñ, Nófah mu puhuaiñ.

Ti cütral amulerpuai, Medebá mu puhuai”.

31 Feimu pu Israel che mülenagpuingün pu amorreo che ñi mapu meu. 32 Fei Moisés huercüi quiñeque huentru ñi lloftumeafiel* Jazer huaria. Nüñmafingün tañi püllelechi huaria, fei huemünentufingün* pu amorreo che tiye mu mülelu. 33 Fei hula huiñotuingün, amuingün ti Rüpü Amulelu Basán mu. Fei Og, Basán ñi lonco ülmen, ca com tañi pu hueichafe trafmefi pu Israel che ñi hueichayafiel Edréi huaria mu. 34 Chau Jehová feipifi ta Moisés: “Llicalayafimi, tami cuhu mu hultucuafiñ ca com tañi pu hueichafe ca tañi mapu. Femafimi chem tami femfiel ta Sehón, pu amorreo che ñi lonco ülmen, Hesbón huaria mu mülelu”. 35 Fei langümfingün ca tañi pu fotüm ca com tañi pu hueichafe. Quiñe no rume montulai. Ca nüñmafingün tañi mapu.

22 Fei pu Israel che tripaingün tiye mu, toltoupuingün* ti laf mapu Moab ñi huellin mapu mu,* nometu Jordán leufü mu itrotripa Jericó huaria mu. 2 Balac, Zipor ñi fotüm, pei pu Israel che com ñi femfiel pu amorreo che. 3 Pu Moab che rume llicaniefingün tüfachi pu che, rume alün-ngelu engün cai. Felei llemai, pu Moab che müllmüllcüleingün fente tañi pellquen* pu Israel che ñi duam mu. 4 Fei pu Moab che feipifingün pu loncolelu Madián mapu mu: “Quiñe toro reque ñi apümcaquefiel ti cachu lelfün meu, ca femngechi tüfachi pu che apümcayafi com taiñ hualloñmanieteu”.

Feichi mu Zipor ñi fotüm, Balac pingelu, loncolerquei Moab mapu mu. 5 Balaam, Beor ñi fotüm, mülei Petor mu, cheu tañi choyüngeel, tüfa inafülcülei Éufrates leufü mu. Balac huercüleleyu quiñeque huerquen, mütrümfaleyu,* feipieyu: “¡Tüfei! Quiñe troquiñche tripai Egipto mu. ¡Ngüneduamnge! Com ti mapu* tacufingün. Feula iñche tañi adquiñ meu müleingün. 6 Fei cüpange, füreneen, malisiafinge tüfachi pu che, fei engün doi nehuen-ngeingün ta iñche meu. Huehuafun chi, fei huemünentuafiñ engün* tüfachi mapu meu. Iñche cüme quimnien, inei rume tami feipifiel cümeque dungu, cümelcalei. Huelu inei rume tami malisiafiel, cutrancauquei”.

7 Fei pu loncolelu Moab mapu mu ca pu loncolelu Madián mapu meu amuingün, tañi cuhu mu yenieingün ti plata ñi cullial ti malisian dungu meu.* Pemefingün ta Balaam, fei quimelelfingün ñi chem pin ta Balac. 8 Fei feipieyu engün: “Tüfa mu rulpapunaimün, fei feipihuaiñ chem rume ñi feipiaeteu Chau Jehová”. Feimu Moab ñi pu principe mülenagi Balaam engün.

9 Fei Chau Dios dungufi ta Balaam, feipifi: “¿Inei engün am feitichi pu huentru mülelu eimi mu?”. 10 Balaam feipifi ta Chau Ngünechen:* “Moab ñi lonco ülmen, Balac, Zipor ñi fotüm feipifaleneu: 11 ‘¡Tüfei! Feitichi pu che tripalu Egipto mapu mu tacuniefingün com ti mapu. Tüfa hula cüpange, füreneen, malisiafinge engün. Quehuayafun chi, fei huemünentuafiñ engün’”.* 12 Huelu Chau Dios feipieyu ta Balaam: “Amulayaimi fei engün meu. Malisialayafimi ti troquiñche, iñche cuñiutucuniefiñ engün”.

13 Balaam pulihuen mu huitrai, fei feipifi Balac ñi pu principe: “Huiñotumün tamün mapu mu. Chau Jehová elulaeneu ñi amual eimün mu”. 14 Fei Moab ñi pu principe amutuingün, huiñotuingün ñi feipiafiel ta Balac: “Balaam cüpa cüpalai iñchiñ mu”.

15 Huelu Balac huiño huercüfi tañi pu principe. Tüfa hula doi fentren huentru huercüfi, doi falin-ngelu. 16 Fei amuingün Balaam mu, feipifingün: “Tüfa ñi feipin Balac, Zipor ñi fotüm: ‘Füreneen, chem no rume catrütuquenoelmu tami cüpayal iñche mu. 17 Fampüramayu ca feman chem rume tami feipiel. Feimu cüpange, fürenepaen, fei malisiafinge tüfachi pu che’”. 18 Huelu Balaam feipifi Balac tañi pu huerquen: “Balac eluelimu rume tañi ruca apolelu plata ca oro mu,* iñche chumlayafun feipinoelimu tañi Chau Dios Jehová, pichi dungu cam fütra dungungeafui rume. 19 Huelu fürenemun, ca mülenagmün tüfachi pun, iñche inaduaman ca chem ñi feipiaeteu Chau Jehová”.

20 Pun meu Chau Dios dungufi ta Balaam, feipifi: “Amunge tüfachi pu huentru engün tami yepaeteu. Huelu iñche tañi feipin müten feipiaimi”. 21 Fei Balaam pulihuen mu huitrai, chillafi tañi burra ca amui Moab tañi pu principe engün.

22 Huelu Chau Dios rume illcui* tañi amun mu. Fei Chau Jehová ñi cüme püllü catrüconi ti rüpü mu. Balaam püraconcülei tañi burra mu, epu cüdaufe compañnieyu. 23 Fei ti burra pefi Chau Jehová ñi cüme püllü huitralelu ti rüpü mu, nüniei quiñe fütra cuchillo. Fei ti burra eluufui ñi famtripayal ti rüpü mu ñi conal lelfün meu. Huelu Balaam hulelcafi tati burra ñi huiñotual ti rüpü mu. 24 Fei Chau Jehová ñi cüme püllü huitracünuhui pichi rupachi rüpü mu, rangiñcülei epu ofadentu meu, epuñpüle niei cura malal. 25 Fei ti burra pefilu Chau Jehová ñi cüme püllü, ültrentucuhui* ti cura malal mu, fei trañmafi ñi namun ta Balaam. Feica müten huiño hulelcafi ti burra.

26 Chau Jehová ñi cüme püllü doi üye püle amui, fei huitracünuhui cheu ñi ca pichi rupan ti rüpü, ngelafui chumngechi ñi huiñotual man püle cam huele püle no rume. 27 Ti burra pefilu Chau Jehová ñi cüme püllü tranacünuhui, Balaam petu püraconcülerquei quisu mu. Fei Balaam rume illcui* ca huiño hulelcafi ti burra tañi retrü mu. 28 Feimu Chau Jehová dungulfi* ti burra. Fei ti burra feipifi ta Balaam: “¿Chumpeyu am? Cüla rupachi hulelcaen”. 29 Balaam huiñoldungueyu:* “Quiñe hueluduam reque femcünuen. ¡Nüniefuli quiñe fütra cuchillo, langümafeyu!”. 30 Fei ti burra feipifi ta Balaam: “¿Com tami mongen mu eimi tami burra no am iñche? Fantepu mu püraconcüleimi iñche mu, ¿felei no am chi? ¿Rumel femngechi femquen?”. “Turpu” pi Balaam. 31 Chau Jehová nülañmafi tañi nge ta Balaam, fei pei Chau Jehová ñi cüme püllü ti rüpü meu, nüniei quiñe fütra cuchillo. Feica müten Balaam pochongnagi* ca fampuhuli ñi ange mapu meu.

32 Fei Chau Jehová ñi cüme püllü feipifi: “¿Chumngelu am* cüla rupachi hulelcafimi tami burra? Iñche catrüconün tami rupanoal. Tami femmequeel nüucülelai iñche tañi ayünieel mu. 33 Ti burra peeneu, feimu cüla rupachi eluufui ñi cañpüle amual. Femnofule, langümafeyu, huelu ti burra mongeleafui”. 34 Balaam feipifi Chau Jehová ñi cüme püllü: “Culpan tati,* quimlafun eimi tañi üngümnieteu* rüpü mu. Fei huesa femmequelu troquieli, huiñotuan”. 35 Fei Chau Jehová ñi cüme püllü feipifi ta Balaam: “Amunge tüfachi pu huentru engün. Huelu iñche tañi feipin müten feipiaimi”. Fei Balaam amulei Balac tañi pu principe engün.

36 Balac allcülu müten ñi acun ta Balaam, feica müten trafmefi Moab huaria mu, inafülcülei Arnón laf mapu mu, cheu ñi fentepuhun Moab mapu. 37 Balac feipifi ta Balaam: “¿Mütrümfalpelaeyu ama? ¿Chumngelu* cüpalaimi cheu ñi mülen iñche? ¿Saquilayaeneu troquihuimi am?”. 38 Balaam feipifi ta Balac: “Tüfa tañi mülen. Huelu, ¿iñche tañi ayüel feipipeafun mai? Chau Dios tañi feipieteu, fei müten feipiafun”.

39 Fei Balaam engu Balac amuingu ta Quiryat-Huzot. 40 Balac chalintucui quiñeque huaca ca ufisa, fei huercülelfi quiñeque catrün ta Balaam ca pu principe mülelu üye mu. 41 Pulihuen mu Balac yefi ta Balaam ñi amual Bamot-Baal mu, üye mu puquintufi com pu Israel che.

23 Fei Balaam feipifi ta Balac: “Tüfa mu deumayaimi regle altar. Pepicalelen regle toro ca regle caniru”.* 2 Feica müten Balac femi chem tañi feipieteu Balaam. Fei Balac ca Balaam chalintucuingu quiñe toro ca quiñe caniru caque quiñeque altar meu. 3 Fei hula Balaam feipifi ta Balac: “Mülenagnge tüfa meu, inafül tami lüpümngeelchi chalintucun,* iñche amutuan. Chau Jehová dunguafeneu chi. Fei chem rume tañi quimelaeteu, iñche quimelelayu”. Fei amutui huechuñ huincul mu.

4 Chau Ngünechen dungufi ta Balaam, tüfa feipieyu: “Pepicafiñ regle altar, caque quiñeque altar meu chalintucufiñ quiñe toro ca quiñe caniru”. 5 Chau Jehová quimelelfi ta Balaam chem tañi dungual ca feipifi: “Huiñotunge cheu ñi mülen ta Balac. Tüfa mülei tami feipial”. 6 Fei huiñotui, pefi ta Balac ca com pu principe Moab mu, huitraleingün inafül tañi lüpümngeelchi chalintucun mu. 7 Fei huli tüfachi huercün dungu:

Feipi: ‘Cüpange, iñche tañi duam meu malisiafinge ta Jacob.

Felei llemai, cüpange, condenafinge ta Israel’.

 8 ¿Chumngechi am malisiayafun Chau Dios ñi malisianofiel?

¿Ca chumngechi am condenayafun Chau Jehová ñi condenanofiel?

10 Jacob tañi pu cüpanche alün-ngeingün trufür mapu reque, ¿inei am raquiafeyu engün?

¿Inei am raquiafui quiñe troquiñ müten pu Israel che meu?

11 Balac feipifi ta Balaam: “¿Chumelen am? Cüpaleyu tami malisiayafiel tañi pu caiñe. Huelu eimi re cümeque dungu feipifimi müten”. 12 Fei huiñoldungueyu:* “Re feipiquen Chau Jehová tañi feipieteu, ¿feipipelaeyu ama?”.

13 Balac feipi: “Füreneen, amuayu cañpüle. Üye mu puquintuafimi engün. Huelu quiñe troquiñ müten peafimi, com puquintulayafimi. Tiye mu malisiayafimi engün iñche tañi duam mu”. 14 Fei yefi ta Zofim pingechi lelfün mülelu Pisgá ñi huechuñ mu. Deumai regle altar, fei chalintucui quiñe toro ca quiñe caniru caque quiñeque altar meu. 15 Balaam feipifi ta Balac: “Mülenagnge tüfa meu, inafül tami lüpümngeelchi chalintucun, iñche üyeu amuan ñi nütramcayal Chau Dios iñchiu”. 16 Chau Jehová dungufi ta Balaam, fei quimelelfi chem tañi dungual ca feipifi: “Huiñotunge cheu ñi mülen ta Balac, tüfa mülei tami feipial”. 17 Balaam amui cheu ñi mülen Balac, üngümcülerquei* inafül tañi lüpümngeelchi chalintucun mu, ca müleingün Moab ñi pu principe. Balac ramtufi: “¿Chem pi Jehová?”. 18 Fei Balaam feipi tüfachi huercün dungu:

“Huitrapürange, Balac, allcütunge.

Ahuem, allcütuen, Zipor tañi fotüm.

19 Chau Dios pecan huentrungelai, coilatuquelai.

Quisu quiñe huentru ñi fotüm no tati, caletuquelai ñi raquiduam.*

Feipile quiñe dungu, ¿femnoafulu am?

Eldungucünule, ¿mupitripanoafulu cai?

20 ¡Tüfei! Cüpalngen ñi feipial cümeque dungu.

Quisu deu feipi cümeque dungu, iñche chumlayafun rume.

21 Quisu ayüquelai ñi daungeal ta Jacob.

Quisu eluuquelai ñi cutrancangeal pu Israel che.

22 Chau Dios entumequefi engün Egipto mu.

Quiñe auca toro* ñi müta reque quellumequefi engün.

Tüfa hula tati pu che feipiafui Israel ca Jacob mu:

‘¡Ngüneduamfimün Chau Dios ñi femün!’.

25 Fei Balac feipifi ta Balaam: “Pepi malisianofilmi engün, ngelai tami feipiafiel cümeque dungu”. 26 Balaam huiñoldungufi* ta Balac: “¿Feipilaeyu ama com ñi femal Chau Jehová ñi feipicünueteu?”.

27 Balac feipifi ta Balaam: “Füreneen, cüpange, cañpüle amuayu. Tiye mu cümelu troquiafui Chau Dios tami malisiayafiel tati pu che iñche tañi duam meu”. 28 Balac yefi ta Balaam Peor ñi huechuñ mu, mülelu Jesimón* ñi adquiñ meu. 29 Fei Balaam feipifi ta Balac: “Deumange regle altar ca pepicalelen regle toro ca regle caniru”. 30 Fei Balac femi com tañi feipieteu Balaam, chalintucui quiñe toro ca quiñe caniru caque quiñeque altar meu.

24 Chau Jehová ayüquefui ñi cümelcayafiel pu Israel che. Balaam ngüneduamlu, ca quiñe rupa quintulai calcu dungu, doi mai huiñoquintui huellin mapu mu.* 2 Balaam adquintui, fei pefi pu Israel che, caque quiñeque troquiñche quiñentrür anücünui ñi tolto ruca.* Fei Chau Dios ñi nehuen eluhui ñi adnieafiel ta Balaam. 3 Fei huli tüfachi huercün dungu:

“Iñche Balaam, Beor ñi fotüm, petu hulün tüfachi huercün dungu.

Iñche feula fente cüme penien.

 4 Iñche allcütun Chau Dios ñi huercün dungu.

Chau Dios Com Nehuen Nielu pengeleneu quiñe afmatun dungu.

Pochongnagün,* nülalei tañi nge:

 5 ¡Rume cüme adngei tami tolto ruca, ahuem, Jacob!

¡Cüme adi cheu tami mülen, ahuem, Israel!

 7 Ti co tüitüicülei* tañi epu palti mu* ñi mülen.

Tañi fün* ngantucungequei cheu ñi mülen fentren co.

 8 Chau Dios entumequefi Egipto mu.

Quiñe auca toro* ñi müta reque quellumequefi engün.

10 Fei Balac illcutufi* ta Balaam. Fente tañi illculen cultraftucui* tañi cuhu, feipifi ta Balaam: “Mütrümfalfeyu,* malisiafinge tañi pu caiñe pieyu. Huelu cüla rupachi cümeque dungu müten feipifimi. 11 Matu müten huiñotunge tami ruca mu. Fampüramayu pifeyu nga, huelu Chau Jehová catrütueimu”.

12 Balaam feipifi ta Balac: “¿Feipipelafiñ ama tami pu huerquen? 13 Feipifiñ engün: ‘Balac eluelimu rume tañi ruca apolelu plata ca oro mu,* iñche femlayafun cüme dungu cam huesa dungu iñche tañi duam mu feipinoelimu Chau Jehová’. ¿‘Chem tañi feipieteu müten Chau Jehová dunguan’ pipelan ama? 14 Tüfa hula huiñotuan tañi pu che mu. Huelu hunelu cüpange, feipiayu chem ñi chumafiel tüfachi pu che eimi tami pu che cüpalechi antü mu”.* 15 Fei huli tüfachi huercün dungu:

“Iñche Balaam, Beor ñi fotüm, petu hulün tüfachi huercün dungu.

Iñche feula fente cüme penien.

16 Iñche allcütun Chau Dios ñi huercün dungu.

Nien ti Doi Alüpüralelu ñi quimün.

17 Peafiñ, huelu feula no.

Adquintuafiñ, huelu petu fülcülelai.*

18 Nüafi ta Edom ñi quisungeal.

Felei llemai, Seír nüaeyu tañi pu caiñe tañi quisungeal.

Israel pengelai tañi nehuen piuquengen.

20 Balaam pefilu ta Amalec, feipi tüfachi huercün dungu:

21 Adquintufilu ti pu quenita che, feipi tüfachi huercün dungu:

“Tami ruca mücüfcülei ca tami mülehue huente cura mu mülei.

22 Huelu lüpümngeai Cayín.*

¿Tuntelehuei tami presuyeaeteu Asiria?”.

23 Fei amulei ñi feipin huercün dungu:

“Ahuem, Chau Dios femle tüfa, ¿inei mongetripayai?

24 Fillque farcu cüpayai tripalu Kitim ñi ina lafquen püle.

Huelu quisu cafei apümcangeai”.

25 Fei hula Balaam huitrapürai, huiñotui cheu ñi mülequefel. Balac cañpüle amutui.

25 Pu Israel che mülelu Sitim mu, eluhuingün ñi conal pod cudumuhun mu pu Moab domo engün. 2 Pu domo mangelfingün tati pu che ñi eluafiel chalintucun* tañi pu dios. Fei pu che eluhuingün ñi iyal ca ñi pochongnagal* tañi pu dios ñi adquiñ mu. 3 Fei pu Israel che eluhuingün ñi poyeafiel Baal Peor mu. Fei Chau Jehová illcutufi* pu Israel che. 4 Chau Jehová feipifi ta Moisés: “Nüfinge com pu loncolelu tüfachi pu che mu ca pültrücünufinge engün Chau Jehová ñi adquiñ mu com ti pu che tañi peaeteu.* Femngechi Chau Jehová illcutuhuelayafi* pu Israel che”. 5 Fei Moisés feipifi pu juez Israel mu: “Caque quiñeque eimün mülei tamün langümafiel com feitichi pu huentru eluulu ñi poyeafiel Baal Peor mu”.

6 Feimeu müten cüpai quiñe Israel huentru quiñe Madián domo engu, yenierquefi cheu ñi mülen tañi pu peñi. Moisés ca com pu Israel che penierqueyu. Pu Israel che petu ngümamequerqueingün itrotripa ti trahunhue tolto ruca mu.* 7 Finehás, Eleazar ñi fotüm, ti sacerdote Aarón ñi lacu, pefilu tüfa, matu müten huitrapürai, fei nüfi quiñe huaiqui.* 8 Inaye conpui ti tolto ruca mu. Fei tañi huaiqui mu chüngartucufi ti Israel huentru ca ti domo tañi huillihue püle. Feica müten cutrancangehuelai pu Israel che. 9 Tüfachi cutrancahun meu 24.000 che laingün.

10 Fei Chau Jehová feipifi ta Moisés: 11 “Illcutuhuelafiñ* pu Israel che Finehás ñi duam mu, Eleazar ñi fotüm, ti sacerdote Aarón ñi lacu. Iñche müten poyemuchi piquefiñ pu Israel che. Huelu apümcalafiñ engün, Finehás elunofilu cai tati pu che ñi poyeafiel caquelu dios, iñche müten. 12 Fei feipifinge iñche eldungucünuafiñ, femngechi pengelan tañi fürenefiel. 13 Tüfachi eldungu mu quisu ca tañi pu cüpanche sacerdotengeaingün fentreñma mu. Quisu eluulai ñi poyengeal cangelu dios, quisu tañi Dios müten. Ca femcünui ñi perdonañmangeal pu Israel che ñi culpan”.*

14 Ti Israel huentru langümngelu ti Madián domo engu, Zimrí pingei, Salu ñi fotüm, tüfa loncolei pu Simeón che ñi pu familia meu. 15 Ti Madián domo ñi langümngeel, Cozbí pingei, Zur ñi ñahue, tüfa loncolei quiñe troquiñche Madián mu.

16 Fei hula Chau Jehová feipifi ta Moisés: 17 “Hueichayafimün* pu Madián che ca apümcayafimün. 18 Cüpaleleimünmeu cutrancahun, tañi ñihua chengen mu engün ngüchaltucueimünmeu tamün culpayal* feichi dungu nüucülelu Peor mu. Famtucueimünmeu culpan mu Cozbí ñi duam meu, tañi chau loncolei Madián mu. Feichi domo langümngei ti antü tamün cutrancangen feichi dungu nüucülelu Peor mu”.

26 Rupalu ti cutrancahun, Chau Jehová feipifi ta Moisés ca Eleazar, ti sacerdote Aarón ñi fotüm: 2 “Raquiafimu com pu Israel che, com pu nielu 20 tripantu cam doi, caque quiñeque engün tañi tuhunche mu. Raquiafimu com pu conafulu Israel ñi troquiñ hueichafe mu”.* 3 Fei Moisés ca ti sacerdote Eleazar dungufingu tati pu che ti laf mapu Moab ñi huellin mapu mu,* inafül Jordán leufü mu itrotripa Jericó huaria mu. Feipifingu: 4 “Raquiafimün com pu nielu 20 tripantu cam doi, chumngechi ñi feipifiel Chau Jehová ta Moisés”.

Tüfa tati pu Israel che tripalu Egipto mapu mu. 5 Rubén feita Israel ñi hunen fotüm, tüfa Rubén ñi pu fotüm: Hanok mu tuhui pu Hanok che, Palú mu tuhui pu Palú che, 6 Hezrón mu tuhui pu Hezrón che, Carmí mu tuhui pu Carmí che. 7 Tüfa pu Rubén che ñi pu familia, raquingei 43.730 che.

8 Palú tañi fotüm feita Eliab. 9 Eliab ñi pu fotüm feita Nemuel, Datán ca Abiram. Datán ca Abiram loncolerquefuingu pu che mu, chaftufingu Moisés ca Aarón. Quiñehuingu Coré ñi pu troquiñche meu chaftufilu engün ta Chau Jehová.

10 Nülatripai ti mapu, fei lümüngei tüfachi pu huentru. Ti cütral apümcafilu 250 huentru, Coré ca tañi pu compañ laingün. Tüfa quiñe ngüfetun dungungerpui. 11 Huelu Coré tañi pu fotüm lalaingün.

12 Tüfa Simeón tañi pu fotüm, caque quiñeque tañi familia engün: Nemuel mu tuhui pu Nemuel che, Jamín mu tuhui pu Jamín che, Jakín mu tuhui pu Jakín che, 13 Zérah mu tuhui pu Zérah che, Shaúl mu tuhui pu Shaúl che. 14 Tüfa pu Simeón che tañi pu familia. Raquingei 22.200 che.

15 Tüfa Gad tañi pu fotüm, caque quiñeque tañi pu familia engün. Zefón mu tuhui pu Zefón che, Haguí mu tuhui pu Haguí che, Suní mu tuhui pu Suní che, 16 Ozní mu tuhui pu Ozní che, Erí mu tuhui pu Erí che, 17 Arod mu tuhui pu Arod che, Arelí mu tuhui pu Arelí che. 18 Tüfa pu familia tuulu Gad tañi pu fotüm meu. Raquingei 40.500 che.

19 Judá tañi pu fotüm feita Er ca Onán. Huelu Er ca Onán laingu Canaán mapu mu. 20 Tüfa Judá tañi pu fotüm, caque quiñeque tañi pu familia engün: Selá mu tuhui pu Selá che, Pérez mu tuhui pu Pérez che, Zérah mu tuhui pu Zérah che. 21 Tüfa Pérez tañi pu fotüm: Hezrón mu tuhui pu Hezrón che, Hamul mu tuhui pu Hamul che. 22 Tüfa Judá tañi pu familia. Raquingei 76.500 che.

23 Tüfa Isacar tañi pu fotüm, caque quiñeque tañi pu familia engün: Tolá mu tuhui pu Tolá che, Puvá mu tuhui pu Puvá che, 24 Jasub mu tuhui pu Jasub che, Simrón mu tuhui pu Simrón che. 25 Tüfa Isacar tañi pu familia. Raquingei 64.300 che.

26 Tüfa Zabulón tañi pu fotüm, caque quiñeque tañi pu familia engün: Séred mu tuhui pu Séred che, Elón mu tuhui pu Elón che, Jahleel mu tuhui pu Jahleel che. 27 Tüfa pu Zabulón che ñi pu familia. Raquingei 60.500 che.

28 José tañi pu fotüm, caque quiñeque tañi pu familia engün, feita Manasés ca Efraín. 29 Tüfa Manasés tañi pu fotüm: Makir mu tuhui pu Makir che. Makir ñi fotüm feita Galaad. Galaad mu tuhui pu Galaad che. 30 Tüfa Galaad tañi pu fotüm: Yézer mu tuhui pu Yézer che, Hélec mu tuhui pu Hélec che, 31 Asriel mu tuhui pu Asriel che, Siquem mu tuhui pu Siquem che, 32 Semidá mu tuhui pu Semidá che, Héfer mu tuhui pu Héfer che. 33 Zelofehad, Héfer ñi fotüm, nierquelafui fotüm, re ñahue müten, tüfa tañi üi engün: Mahlá, Noá, Hoglá, Milcá ca Tirzá. 34 Tüfa Manasés tañi pu familia. Raquingei 52.700 che.

35 Tüfa Efraín tañi pu fotüm, caque quiñeque tañi pu familia engün: Sutélah mu tuhui pu Sutélah che, Béker mu tuhui pu Béker che, Tahán mu tuhui pu Tahán che. 36 Tüfa Sutélah tañi pu fotüm: Erán mu tuhui pu Erán che. 37 Tüfa pu familia tuulu Efraín tañi pu fotüm meu. Raquingei 32.500 che. Tüfa José tañi pu fotüm caque quiñeque tañi pu familia engün.

38 Tüfa Benjamín tañi pu fotüm caque quiñeque tañi pu familia engün: Bela mu tuhui pu Bela che, Asbel mu tuhui pu Asbel che, Ahiram mu tuhui pu Ahiram che, 39 Sefufam mu tuhui pu Sefufam che, Hufam mu tuhui pu Hufam che. 40 Bela ñi fotüm feita Ard ca Naamán. Ard mu tuhui pu Ard che, Naamán mu tuhui pu Naamán che. 41 Tüfa Benjamín tañi pu fotüm, caque quiñeque tañi pu familia engün. Raquingei 45.600 che.

42 Tüfa Dan tañi pu fotüm, caque quiñeque tañi pu familia engün: Suham mu tuhui pu Suham che. Tüfa Dan tañi pu cüpanche, caque quiñeque tañi pu familia engün. 43 Tati pu Suham che mu raquingei 64.400 che.

44 Tüfa Aser tañi pu fotüm, caque quiñeque tañi pu familia engün: Imná mu tuhui pu Imná che, Isví mu tuhui pu Isví che, Berías mu tuhui pu Berías che. 45 Tüfa Berías tañi pu fotüm: Héber mu tuhui pu Héber che, Malkiel mu tuhui pu Malkiel che. 46 Aser ñi ñahue feita Sérah. 47 Tüfa pu familia tuulu Aser tañi pu fotüm meu. Raquingei 53.400 che.

48 Tüfa Neftalí tañi pu fotüm, caque quiñeque tañi pu familia engün: Jahzeel mu tuhui pu Jahzeel che, Guní mu tuhui pu Guní che, 49 Jézer mu tuhui pu Jézer che, Silem mu tuhui pu Silem che. 50 Tüfa Neftalí tañi pu cüpanche, caque quiñeque tañi pu familia engün. Raquingei 45.400 che.

51 Raquingei 601.730 Israel che.

52 Fei hula Chau Jehová feipifi ta Moisés: 53 “Hudamngepe ti mapu tunten che ñi huirintucuñmangeel ñi üi, elungepe ñi ngen-ngeal engün. 54 Doi eluafimi mapu feitichi pu troquiñche alün-ngelu, huelu doi pichin eluafimi feitichi pu troquiñche pichin-ngelu. Caque quiñeque troquiñche elungeai mapu tunten che ñi huirintucuñmangeel ñi üi. 55 Sortiañmangeai* ti mapu ñi elungeal engün. Caque quiñeque familia llohuai ti mapu ñi elungeel tañi troquiñche. 56 Sortiañmangeai chem mapu ñi elungeal caque quiñeque troquiñche, alün-ngele cam pichin-ngele rume”.

57 Tüfa tati pu Leví che huirintucuñmangelu tañi üi, caque quiñe tañi pu familia engün: Guersón mu tuhui pu Guersón che, Cohat mu tuhui pu Cohat che, Merarí mu tuhui pu Merarí che. 58 Tüfa pu Leví che ñi pu familia: pu Libní che, pu Hebrón che, pu Mahlí che, pu Musí che ca pu Coré che.

Cohat ñi fotüm feita Amram. 59 Amram ñi domo Jokébed pingei, Leví ñi ñahue, choyüngei Egipto mu. Amram engu Jokébed nierpufingu ta Aarón, Moisés ca Míriam. 60 Aarón ñi pu fotüm feita Nadab, Abihú, Eleazar ca Itamar. 61 Nadab ca Abihú chalintuculelfingu cütral ta Chau Jehová, huelu femlaingu chumngechi ñi feipicünuel Chau Dios, feimu laingu.

62 Raquingei 23.000 che, com feitichi pu huentru ca pichique huentru nieingün quiñe cüyen cam doi. Raquingelai caquelu Israel che engün, elungenolu cai mapu pu Israel che reque.

63 Tüfa tati pu Israel che ñi huirintucuel Moisés ca ti sacerdote Eleazar ti laf mapu Moab ñi huellin mapu mu, inafül Jordán leufü mu itrotripa Jericó huaria mu. 64 Huelu tüfa engün ngelafui feitichi pu che Moisés ca ti sacerdote Aarón ñi raquifiel, feichi raquingelu pu Israel che Sinaí huellin mapu meu. 65 Chau Jehová feipirquefui fei engün meu: “Rüfcünu llemai layaingün huellin mapu meu”. Fei ngehuelai quiñe no rume feitichi pu huentru. Caleb, Jefuné tañi fotüm, ca Josué, Nun tañi fotüm, fei engu müten mülehueingu.

27 Mahlá, Noá, Hoglá, Milcá ca Tirzá feita Zelofehad ñi pu ñahue. Zelofehad tañi chau feita Héfer, quisu tañi chau feita Galaad, quisu ñi chau feita Makir, quisu ñi chau feita Manasés. Zelofehad ñi pu ñahue tuhui Manasés ñi pu familia mu, José tañi fotüm. Feitichi pu domo fülconpuingün* 2 cheu ñi mülen Moisés, ti sacerdote Eleazar, pu loncolelu ca com tati pu che itrotripa ti trahunhue tolto ruca mu.* Feipingün: 3 “Taiñ chau lai huellin mapu meu.* Huelu quiñeulai feitichi pu che engün chaftufilu ta Chau Jehová ca quelluntucufilu ta Coré. Quisu tañi culpan mu* lai. Nierquelafui fotüm. 4 ¿Chumngelu* taiñ chau ñi üi amulehuelayai tañi familia mu nienon mu fotüm? Elumuiñ mapu taiñ chau ñi pu peñi reque”. 5 Feimu Moisés pengeldungulelfi ta Chau Jehová.

6 Fei Chau Jehová feipifi ta Moisés: 7 “Zelofehad tañi pu ñahue cüme pingün tati. Rüfcünu eluafimi mapu quisu engün tañi ngen-ngeal tañi chau ñi pu peñi reque. Mülei tami eluafiel engün tañi chau ñi mapu. 8 Feipifinge pu Israel che: ‘Quiñe huentru lale nienon mu fotüm, mülei tamün eluafiel tañi mapu quisu tañi ñahue. 9 Nienole ñahue, eluafimün ti mapu tañi pu peñi. 10 Nienole peñi, eluafimün ti mapu tañi chau ñi pu peñi. 11 Huelu tañi chau nienole peñi, tüfachi mapu elungeai tañi doi fülmaucülechi pariente, quisu ngen-ngeai. Tüfachi dungu quiñe leyngeai pu Israel che mu, chumngechi ñi feipifiel Chau Jehová ta Moisés’”.

12 Fei hula Chau Jehová feipifi ta Moisés: “Pürapunge tüfachi huincul Abarim mapu mu. Puquintufinge ti mapu ñi eluafiel pu Israel che. 13 Puquintufilmi, tami peñi Aarón reque layaimi ca rüngaltucungeaimi tami cuifiqueche yem reque. 14 Zin huellin mapu meu tati pu che notucadungueneu,* huelu eimu inanielafimu chem tamu feipifiel. Iñche elufilu co engün, eimu püramyemulan fei engün ñi adquiñ meu. Tüfa Meribá ñi co Cadés mapu meu, Zin huellin mapu mu”.

15 Fei Moisés feipifi ta Chau Jehová: 16 “Chau Jehová, tati eluquefilu mongen com pu che, mülei ñi loncocünuafiel quiñe huentru tüfachi pu che meu. 17 Quisu adnieafi engün itrocom dungu mu ca fei engün inanieaeyu itrocom dungu mu. Femngechi Chau Jehová ñi pu che miyaulayai camañngenochi ufisa reque”.* 18 Feimu Chau Jehová feipifi ta Moisés: “Dullifinge ta Josué, Nun ñi fotüm. Quisu adümuhun-ngechi huentru tati. Fei fampuhulfinge tami cuhu quisu meu. 19 Yefinge cheu ñi mülen ti sacerdote Eleazar ca com ti pu che. Fei quisu engün tañi adquiñ mu loncocünuafimi. 20 Tami nieelchi autoridad, quiñe troquiñ eluafimi, femngechi com pu Israel che allcütuaeyu. 21 Fei pemeafi ti sacerdote Eleazar. Josué ñi duam mu ti sacerdote püneafi ti Urim ñi quimal chem ñi ayüqueel Chau Jehová. Com pu che inanieafi chem ñi feipingeal, Josué ca pu Israel che, com ti troquiñche”.

22 Feimu Moisés com femi chumngechi ñi feipieteu Chau Jehová. Dullifi ta Josué, yefi cheu ñi mülen ti sacerdote Eleazar ca com ti pu che, 23 fampuhuli ñi cuhu quisu meu ca loncocünufi. Femi chumngechi ñi feipifiel Chau Jehová ta Moisés.

28 Feula Chau Jehová feipifi ta Moisés: 2 “Tüfachi huercün dungu quimelelafimi pu Israel che, feipiafimi: ‘Rüfcünu elumuchi tañi chalintucun,* ti iyael. Ti señacünuelchi antü meu mülei ñi hulngeal tañi chalintucun cütral mu ca cüme nümün-ngelu iñche mu’.

3 Feipiafimi engün: ‘Tüfachi chalintucun cütral meu eluafimün ta Chau Jehová: fill antü hulaimün epu tremolechi cordero quiñe tripantu nielu, tüfa lüpümngeelchi chalintucun-ngeai. 4 Quiñe cordero chalintucuafimi pulihuen mu, cangelu conantü mu. 5 Ca hulaimün quiñe kilo* cüme rüngo, reyülepe* quiñe litro* oliva aceite engu. Tüfa quiñe fün chalintucun-ngeai. 6 Sinaí huincul mu feipicünungei ñi hulngeal fill antü tüfachi lüpümngeelchi chalintucun. Cüme nümün-ngeai, cütral mu chalintuculelngeai ta Chau Jehová. 7 Caque quiñeque cordero mu ca hulngeai quiñe hutrulngeelchi chalintucun.* Feiti hutrulngeelchi chalintucun quiñe litro* pulcu nieai. Ti yamfal mülehue mu* hutrulngepe, quiñe hutrulngeelchi chalintucun-ngeai Chau Jehová mu. 8 Conantü mu hulaimi cangelu cordero. Pulihuen mu reque, ca hulaimi quiñe fün chalintucun ca quiñe hutrulngeelchi chalintucun. Cütral mu chalintucungeai, cüme nümün-ngeai Chau Jehová mu.

9 Huelu ürcütun antü meu* hulngeai epu tremolechi cordero quiñe tripantu nielu, cafei epu kilo* cüme rüngo reyülelu* aceite engu. Tüfa quiñe fün chalintucun. Ca hulngeai tañi hutrulngeelchi chalintucun. 10 Tüfa ti lüpümngeelchi chalintucun ñi hulngeal ürcütun antü meu, ca elungeai ti lüpümngeelchi chalintucun hulngequelu fill antü ca tañi hutrulngeelchi chalintucun.

11 Conün mu quiñe cüyen elungeai ta Chau Jehová quiñe lüpümngeelchi chalintucun, elungeai epu hue toro, quiñe caniru* ca regle tremolechi cordero quiñe tripantu nielu. 12 Caque quiñe toro mu hulngeai cüla kilo ca rangiñ* cüme rüngo reyülelu* aceite engu, tüfa quiñe fün chalintucun. Caque quiñeque caniru mu hulngeai epu kilo* cüme rüngo reyülelu aceite engu, tüfa quiñe fün chalintucun. 13 Cafei caque quiñeque cordero mu hulngeai quiñe kilo* cüme rüngo reyülelu* aceite engu. Tüfa quiñe fün chalintucun. Com tüfa quiñe lüpümngeelchi chalintucun-ngeai, cüme nümün-ngeai, cütral mu chalintuculelngeai ta Chau Jehová. 14 Cafei hulngepe tañi hutrulngeelchi chalintucun. Caque quiñeque toro mu hulngeai epe epu litro* pulcu, caque quiñeque caniru mu hulngeai doi quiñe litro* pulcu ca caque quiñeque cordero mu hulngeai quiñe litro* pulcu. Tüfa tati lüpümngeelchi chalintucun ñi hulngeal caque quiñeque cüyen tripantu mu. 15 Cafei elungeai ta Chau Jehová quiñe chalintucun culpan dungu mu,* quiñe pichi chifu* hulngeai. Ca hulngeai ti lüpümngeelchi chalintucun hulngequelu fill antü ca tañi hutrulngeelchi chalintucun.

16 Ti mari meli antü tati hunen cüyen mu femngeai ti Pascua ñi püramyengeal ta Chau Jehová. 17 Ti mari quechu antü feichi cüyen mu femngeai quiñe fiesta. Regle antü mu ingeai fayümngenochi cofque. 18 Ti hunen antü femaimün quiñe falin trahun. Fanechi cüdau femlayaimün feichi antü. 19 Cütral mu chalintuculelngeai ta Chau Jehová epu hue toro, quiñe caniru ca regle cordero quiñe tripantu nielu, tüfa quiñe lüpümngeelchi chalintucun. Tremolepe ti pu culliñ. 20 Cafei hulngeai cüme rüngo reyülelu* aceite engu, tüfa tañi fün chalintucun. Caque quiñeque toro mu hulngeai cüla kilo ca rangiñ,* ca caque quiñeque caniru mu hulngeai epu kilo.* 21 Caque quiñeque tati regle cordero mu hulngeai quiñe kilo.* 22 Cafei ñi liftuñmangeal tamün culpan* chalintucuaimi quiñe chifu, tüfa quiñe chalintucun culpan dungu mu. 23 Com tüfa hulaimün, fei ca hulaimün ti lüpümngeelchi chalintucun hulngequelu pulihuen mu. Tüfa coneltulei feiti lüpümngeelchi chalintucun hulngequelu fill antü. 24 Com femngechi chalintucuaimün fill antü, regle antü mu, tüfa iyael tati.* Cütral mu chalintucungeai, cüme nümün-ngeai Chau Jehová mu. Ca hulaimün ti lüpümngeelchi chalintucun hulngequelu fill antü ca tañi hutrulngeelchi chalintucun. 25 Ti regle antü, femaimün quiñe falin trahun. Fanechi cüdau femlayaimün feichi antü.

26 Ti Fiesta Conlu ti Cosecha* müleai quiñe antü tamün chalintucual ti hunenque afülechi fün. Fei chalintuculelafimün ta Chau Jehová hueque fün. Feichi antü femaimün quiñe falin trahun, fanechi cüdau femlayaimün. 27 Hulaimün epu hueque toro, quiñe caniru ca regle cordero quiñe tripantu nielu. Quiñe lüpümngeelchi chalintucun-ngeai, cüme nümün-ngeai Chau Jehová mu. 28 Cafei hulngeai cüme rüngo reyülelu* aceite engu, tüfa tañi fün chalintucun. Caque quiñeque toro mu hulngeai cüla kilo ca rangiñ,* tati caniru mu hulngeai epu kilo.* 29 Ca caque quiñeque feiti regle cordero mu hulngeai quiñe kilo.* 30 Cafei hulngeai quiñe pichi chifu ñi liftuñmangeal tamün culpan.* 31 Com tüfa hulaimün, fei ca hulaimün ti lüpümngeelchi chalintucun hulngequelu fill antü ca tañi fün chalintucun. Tremolechi culliñ hulngepe ca tañi hutrulngeelchi chalintucun.

29 Ti hunen antü tati regle cüyen meu mülei tamün femal quiñe falin trahun, fanechi cüdau femlayaimün. Feichi antü meu dungulngepe ti trompeta. 2 Hulaimün quiñe hue toro, quiñe caniru,* regle cordero quiñe tripantu nielu, com tremolepe. Tüfa quiñe lüpümngeelchi chalintucun-ngeai, cüme nümün-ngeai Chau Jehová mu. 3 Ca hulaimün cüme rüngo reyülelu* aceite engu, tüfa tañi fün chalintucun-ngeai. Ti toro mu hulaimün cüla kilo ca rangiñ,* ti caniru mu hulaimün epu kilo,* 4 ca caque quiñeque feiti regle cordero mu hulaimün quiñe kilo.* 5 Ca hulaimün quiñe pichi chifu* tamün liftuñmangeal tamün culpan.* Tüfa quiñe chalintucun* culpan dungu mu. 6 Ca hulaimün ti lüpümngeelchi chalintucun hulngequelu fillque cüyen ca tañi fün chalintucun, cafei ti lüpümngeelchi chalintucun hulngequelu fill antü, tañi fün chalintucun ca quisuque tañi hutrulngeelchi chalintucun.* Femngeai chumngechi ñi femngequen. Cütral mu chalintuculelngeai ta Chau Jehová, rume cüme nümün-ngeai.

7 Fei ti mari antü conle tati regle cüyen meu femaimün quiñe falin trahun, fei pengelaimün tamün hueñancülen* tamün culpan meu.* Fanechi cüdau femlayaimün. 8 Hulaimün quiñe hue toro, quiñe caniru ca regle cordero quiñe tripantu nielu, com tremolepe. Tüfa quiñe lüpümngeelchi chalintucun-ngeai Chau Jehová mu, rume cüme nümün-ngeai. 9 Ca hulaimün cüme rüngo reyülelu* aceite engu, tüfa quiñe fün chalintucun. Ti toro mu hulaimün cüla kilo ca rangiñ,* ti caniru mu hulaimün epu kilo,* 10 ca caque quiñeque ti regle cordero mu hulaimün quiñe kilo.* 11 Ca hulaimün quiñe pichi chifu, tüfa quiñe chalintucun culpan dungu mu.* Ca hulaimün ti chalintucun culpan dungu mu feichi Antü ñi Liftungeal ti Culpan.* Cafei hulaimün ti lüpümngeelchi chalintucun hulngequelu fill antü, tañi fün chalintucun ca quisuque tañi hutrulngeelchi chalintucun.

12 Ti mari quechu antü conle tati regle cüyen meu femaimün quiñe falin trahun. Fanechi cüdau femlayaimün. Regle antü fiestayaimün tamün püramyeafiel ta Chau Jehová. 13 Hulaimün mari cüla hueque toro, epu caniru ca mari meli cordero quiñe tripantu nielu, com tremolepe. Quiñe lüpümngeelchi chalintucun-ngeai. Cütral mu chalintucungeai ca cüme nümün-ngeai Chau Jehová mu. 14 Ca hulaimün cüme rüngo reyülelu* aceite engu, tüfa quiñe fün chalintucun. Tati mari cüla toro mu hulaimün cüla kilo ca rangiñ,* tati epu caniru mu hulaimün epu kilo,* 15 ca caque quiñeque ti mari meli cordero mu hulaimün quiñe kilo.* 16 Cafei hulaimün quiñe pichi chifu tamün liftuñmangeal tamün culpan.* Ca hulaimün ti lüpümngeelchi chalintucun hulngequelu fill antü, tañi fün chalintucun ca quisuque ñi hutrulngeelchi chalintucun.

17 Ti epu antü hulaimün mari epu hueque toro, epu caniru ca mari meli cordero quiñe tripantu nielu, com tremolepe. 18 Feitichi toro mu, caniru ca cordero mu hulaimün quisuque ñi fün chalintucun ca tañi hutrulngeelchi chalintucun. Femngeai chumngechi ñi femngequen. 19 Ca hulaimün quiñe pichi chifu, tüfa quiñe chalintucun culpan dungu mu.* Cafei hulaimün ti lüpümngeelchi chalintucun hulngequelu fill antü, tañi fün chalintucun ca quisuque tañi hutrulngeelchi chalintucun.

20 Ti cüla antü hulaimün mari quiñe toro, epu caniru ca mari meli cordero quiñe tripantu nielu, com tremolepe. 21 Feitichi toro mu, caniru ca cordero mu hulaimün quisuque ñi fün chalintucun ca tañi hutrulngeelchi chalintucun. Femngeai chumngechi ñi femngequen. 22 Ca hulaimün quiñe chifu, tüfa quiñe chalintucun culpan dungu mu.* Cafei hulaimün ti lüpümngeelchi chalintucun hulngequelu fill antü, tañi fün chalintucun ca quisuque ñi hutrulngeelchi chalintucun.

23 Ti meli antü hulaimün mari toro, epu caniru ca mari meli cordero quiñe tripantu nielu, com tremolepe. 24 Feitichi toro mu, caniru ca cordero mu hulaimün quisuque ñi fün chalintucun ca tañi hutrulngeelchi chalintucun. Femngeai chumngechi ñi femngequen. 25 Ca hulaimün quiñe pichi chifu, tüfa quiñe chalintucun culpan dungu mu.* Cafei hulaimün ti lüpümngeelchi chalintucun hulngequelu fill antü, tañi fün chalintucun ca quisuque ñi hutrulngeelchi chalintucun.

26 Ti quechu antü hulaimün ailla toro, epu caniru ca mari meli cordero quiñe tripantu nielu, com tremolepe. 27 Feitichi toro mu, caniru ca cordero mu hulaimün quisuque ñi fün chalintucun ca tañi hutrulngeelchi chalintucun. Femngeai chumngechi ñi femngequen. 28 Ca hulaimün quiñe chifu, tüfa quiñe chalintucun culpan dungu mu.* Cafei hulaimün ti lüpümngeelchi chalintucun hulngequelu fill antü, tañi fün chalintucun ca quisuque ñi hutrulngeelchi chalintucun.

29 Ti cayu antü hulaimün pura toro, epu caniru ca mari meli cordero quiñe tripantu nielu, com tremolepe. 30 Feitichi toro mu, caniru ca cordero mu hulaimün quisuque ñi fün chalintucun ca tañi hutrulngeelchi chalintucun. Femngeai chumngechi ñi femngequen. 31 Ca hulaimün quiñe chifu, tüfa quiñe chalintucun culpan dungu mu.* Cafei hulaimün ti lüpümngeelchi chalintucun hulngequelu fill antü, tañi fün chalintucun ca quisuque ñi hutrulngeelchi chalintucun.

32 Ti regle antü hulaimün regle toro, epu caniru ca mari meli cordero quiñe tripantu nielu, com tremolepe. 33 Feitichi toro mu, caniru ca cordero mu hulaimün quisuque ñi fün chalintucun ca tañi hutrulngeelchi chalintucun. Femngeai chumngechi ñi femngequen. 34 Ca hulaimün quiñe chifu, tüfa quiñe chalintucun culpan dungu mu.* Cafei hulaimün ti lüpümngeelchi chalintucun hulngequelu fill antü, tañi fün chalintucun ca quisuque ñi hutrulngeelchi chalintucun.

35 Ti pura antü quiñe yamfal trahun* femaimün, fanechi cüdau femlayaimün. 36 Ca hulaimün quiñe toro, quiñe caniru ca regle cordero quiñe tripantu nielu, com tremolepe. Tüfa quiñe lüpümngeelchi chalintucun-ngeai. Cütral mu chalintucungeai, rume cüme nümün-ngeai Chau Jehová mu. 37 Feitichi toro mu, caniru ca cordero mu hulaimün quisuque ñi fün chalintucun ca tañi hutrulngeelchi chalintucun. Femngeai chumngechi ñi femngequen. 38 Ca hulaimün quiñe chifu, tüfa quiñe chalintucun culpan dungu mu.* Cafei hulaimün ti lüpümngeelchi chalintucun hulngequelu fill antü, tañi fün chalintucun ca quisuque ñi hutrulngeelchi chalintucun.

39 Tüfachi chalintucun eluafimün ta Chau Jehová tamün fiesta mu. Ca hulaimün tamün chalintucun eldungu mu, tamün chalintucuqueel quisu tamün duam mu, tamün lüpümngeelchi chalintucun, tamün fün chalintucun, tamün hutrulngeelchi chalintucun ca tamün chalintucun quiñentrür ingequelu’”. 40 Moisés feipifi pu Israel che com ñi feipieteu Chau Jehová.

30 Fei Moisés dungufi pu loncolelu Israel ñi pu troquiñche mu, feipifi engün: “Tüfa ñi feipin Chau Jehová. 2 Quiñe huentru eldungucünulelfile ta Chau Jehová, cam quiñe eldungu mu feipicünule* ñi femnoal quiñe dungu,* ngelai ñi huiño huitrautual tañi feipin mu. Mülei ñi femal com tañi feipicünuel.

3 Quiñe üllcha domo petu mülelu tañi chau ñi ruca meu, eldungucünulelafui ta Chau Jehová cam quiñe eldungu mu feipicünuafui ñi femnoal quiñe dungu. 4 Fei tañi chau quimürpule chem tañi eldungucünulelfiel ta Chau Dios cam chem feipicünui ñi femnoal, huelu chem pinole rume ti chau, com amuleai ti domo ñi feipicünuel. Amuleai com tañi eldungucünuel ñi femnoal. 5 Huelu tañi chau quimün mu ta tüfa, catrütuñmafile chem tañi eldungucünuel cam chem feipicünui ñi femnoal, amulelayai ti domo ñi eldungucünuel. Tañi chau catrütueyu, feimu Chau Jehová perdonayayu.

6 Huelu ti domo deu eldungucünulu cam matu müten feipicünurumelu ñi femal quiñe dungu, fütangeafui. 7 Fei tañi huentru feichi antü ñi quimün ta tüfa chem pinole rume, amuleai ti domo ñi eldungucünuel cam chem ñi feipicünuel tañi femnoal. 8 Huelu feichi antü ñi quimün tañi huentru, femlayaimi feipiafui. Fei catrütuafi chem ñi eldungucünuel cam chem ñi matu feipicünurumen tañi femal. Fei Chau Jehová perdonayafi ti domo.

9 Huelu quiñe lantu domo cam quiñe domo hudaulu tañi huentru mu eldungucünule, mülei ñi femal com tañi feipicünuel.

10 Quiñe domo mülelu tañi füta ñi ruca meu eldungucünuafui cam quiñe eldungu mu feipicünuafui ñi femnoal quiñe dungu. 11 Huelu ti füta quimün mu ta tüfa catrütunofile ca chem pinole rume, com amuleai ti domo ñi eldungucünuel cam chem ñi feipicünuel tañi femnoal. 12 Huelu feichi antü ñi quimün tañi huentru, catrütuafui chem ñi eldungucünuel cam chem ñi feipicünun tañi femnoal, fei ti domo ñi eldungu amulelayai. Tañi füta catrütueyu, feimu Chau Jehová perdonayayu. 13 Ti domo eldungucünule cam quiñe eldungu meu feipicünule ñi femnoal quiñe dungu, tañi huentru femaimi cam femlayaimi piayu. 14 Rupale quiñeque antü, huelu tañi füta chem pinole rume, eluafi tañi domo ñi femal chem tañi eldungucünuel cam chem feipicünui ñi femnoal. Quimlu tañi domo ñi eldungucünuel, tañi chem pinon rume elufi tañi femal. 15 Rupale ti antü tati huentru ñi quimün tañi domo ñi femün, fei eluule ñi catrütuafiel, quisu mülei ñi cullial tañi domo ñi culpan meu.

16 Tüfachi huercün dungu Chau Jehová elufi ta Moisés. Mülei ñi inayafiel ti huentru tañi domo engu cam ti chau ca tañi üllcha ñahue petu mülelu tañi ruca mu”.

31 Fei Chau Jehová feipifi ta Moisés: 2 “Cutrancafinge pu Madián che ñi femfiel mu pu Israel che. Fei hula layaimi ca rüngaltucungeaimi tami cuifiqueche yem reque”.

3 Fei Moisés feipifi tati pu che: “Pepicayafimün quiñeque tamün pu huentru ñi hueichameafiel* pu Madián che, femngechi femngeai Chau Jehová tañi feipin ñi cutrancangeal pu Madián che. 4 Caque quiñeque troquiñche Israel mu huercüaimün huaranca huentru* ñi conal ti troquiñ hueichafe mu”. 5 Fei Israel ñi pu troquiñche mu* pepicangei 12.000 huentru ñi hueichayal. Dullingei huaranca huentru* caque quiñeque troquiñche meu.

6 Fei Moisés huercüfi engün ñi hueichayal. Amui huaranca huentru* caque quiñeque troquiñche mu. Ca amui Finehás, Eleazar tañi fotüm, tüfa tati sacerdote ñi compañniefiel pu hueichafe. Tañi cuhu mu yeniei ti yamfalngechi chemcün* ca ti hueichan trompeta. 7 Hueichamefingün pu Madián che, chumngechi Jehová ñi feipicünufiel ta Moisés. Com ti pu huentru langümfingün. 8 Cafei langümfingün pu lonco ülmen Madián mu: Eví, Réquem, Zur, Hur ca Reba, tüfa pu quechu lonco ülmen Madián mu. Cafei fütra cuchillo mu langümfingün ta Balaam, Beor tañi fotüm. 9 Huelu pu Israel che presuyefingün pu pichiqueche ca pu domo Madián mu tuulu. Cafei com müntuñmafingün* tañi chemcün, tañi ñom culliñ ca tañi caquelu culliñ. 10 Lüpümfingün com ti huaria cheu ñi mülequefel engün ca tañi tolto ruca.* 11 Müntuñmafingün tati pu che com tañi nieel, com tañi pu culliñ ca presuyefingün tati pu che. 12 Fei yefingün pu presu ca com feitichi chemcün ñi müntuñmafiel cheu ñi mülen ta Moisés, ti sacerdote Eleazar ca tati pu Israel che, tüfa engün toltoucüleingün* ti laf mapu Moab ñi huellin mapu mu,* inafül Jordán leufü itrotripa Jericó huaria mu.

13 Fei Moisés, ti sacerdote Eleazar ca pu loncolelu ti pu che meu trafmefingün huecun cheu ñi mülenon ta che. 14 Pu loncolelu huaranca* hueichafe mu ca pu loncolelu pataca hueichafe mu, huiñotulu hueichan meu engün, Moisés rume illcutufi.* 15 Feipifi engün: “¿Chumngelu* montulfimün com tüfachi pu domo? 16 Tüfa engün inanieingün Balaam tañi feipin. Huelulcafingün pu Israel che ñi püntütripayal* Chau Jehová mu ca ñi poyeafiel Peor ñi coila dios. Tüfachi pu domo ñi duam meu Chau Jehová ñi pu che cutrancangei. 17 Feimu mülei tamün langümafiel com ti pichique huentru ca com ti pu domo cudumuulu quiñe huentru engu. 18 Huelu langümlayafimün pu üllchaque domo cudumuunolu quiñe huentru engu. 19 Eimün regle antü mu toltoucüleaimün* huecun cheu ñi mülenon ta che. Com pu langümfilu quiñe che* ca com pu nünütufilu quiñe la, mülei ñi liftuhual puule ti cüla antü ca ti regle antü, eimün ca tamün presuyefiel. 20 Mülei tamün liftuafiel com tamün tacun, tamün trülque chemcün, itrofillem deumangelu cal capüra mu ca com deumangelu mamüll mu”.

21 Ti sacerdote Eleazar feipifi tati pu hueichafe amulu ñi hueichayal: “Tüfa tati ley dungu Chau Jehová ñi elufiel ta Moisés: 22 ‘Ti oro,* ti plata, ti cobre, ti pañillhue,* ti estaño ca tati plomo 23 chumquelaeyu rume ti cütral, feimu mülei tamün lüpümafiel* cütral mu, fei lifcülehuetuai. Huelu cafei co mu* liftuafimün, fei lifcületuai. Chem rume ñi apümcaqueteu cütral mülei ñi cüchangeal co mu. 24 Puule ti regle antü mülei tamün cüchayafiel tamün tacun, fei lifcületuaimün. Fei hula conafuimün cheu ñi mülen ta che’”.

25 Fei Chau Jehová feipifi ta Moisés: 26 “Raquiaimi ca huirintucuaimi com ñi nüngeel, tati pu che ca pu culliñ. Ti sacerdote Eleazar ca pu loncolelu caque quiñeque familia mu quelluaimu. 27 Com ñi nüngeel epu troquiñcünuafimi, quiñe troquiñ eluafimi pu hueichafe amulu hueichan mu, cangelu eluafimi tati pu che. 28 Fei 500 presulelu meu nüaimi quiñe, ca femaimi tati huaca mu, burro ca ufisa. Entuñmayafimi pu hueichafe amulu hueichan mu. Com tüfa elungeai ta Chau Jehová. 29 Com tüfa entungeai quisu engün ñi troquiñ meu, fei elungeai ti sacerdote Eleazar ñi eluafiel ta Chau Jehová. 30 Cafei pu Israel che ñi troquiñ meu entuafimi quiñe che 50 che meu. Ca femaimi pu huaca mu, pu burro, pu ufisa ca com pu ñom culliñ. Fei eluafimi pu Leví che, tüfa engün elfalcünulelngei fillque cüdau nüucülelu Chau Jehová ñi ngillatuhue tolto ruca mu”.

31 Feimu Moisés ca ti sacerdote Eleazar femingu chumngechi ñi feipicünufiel Chau Jehová ta Moisés. 32 Tati pu amulu hueichan mu cüpalfingün 675.000 ufisa, 33 72.000 huaca 34 ca 61.000 burro. 35 Raquingei 32.000 domo turpu ñi cudumuunon quiñe huentru engu. 36 Ti troquiñ ñi elungeel pu amulu hueichan mu, feita 337.500 ufisa. 37 Chau Jehová elungei 675 ufisa. 38 Ca mülei 36.000 huaca, fei elungei ta Chau Jehová 72 huaca. 39 Ca mülerquei 30.500 burro, fei elungei ta Chau Jehová 61 burro. 40 Ca mülerquei 16.000 domo, fei elungei ta Chau Jehová 32 domo. 41 Fei com tüfa Moisés elufi tati sacerdote Eleazar ñi eluafiel ta Chau Jehová, femngechi Chau Jehová feipicünufi ta Moisés.

42 Com ñi cüpalün pu amulu hueichan mu, Moisés epu troquiñcünurquefi, fei Israel che ñi troquiñ mu 43 elungei 337.500 ufisa, 44 ca elungei 36.000 huaca, 45 ca elungei 30.500 burro. 46 Cafei elungei 16.000 domo. 47 Fei Moisés 50 che mu entufi quiñe, ca 50 culliñ meu entufi quiñe. Com tüfa entufi pu Israel che ñi troquiñ meu, fei elufi pu Leví che, tüfa engün elfalcünulelngei fillque cüdau nüucülelu Chau Jehová ñi ngillatuhue tolto ruca mu. Moisés femi chumngechi ñi feipicünueteu Chau Jehová.

48 Fei pu loncolelu huaranca hueichafe mu* ca pu loncolelu pataca hueichafe mu, fülmafingün ta Moisés. 49 Feipifingün: “Tami pu cüdaufe deu raquifingün com pu hueichafe taiñ elfalcünulelngeel, comcüleingün. 50 Feimu elumuiñ taiñ chalintuculelafiel ta Chau Jehová caque quiñeque iñchiñ taiñ peel, oro chemcün, cadenilla pünengequelu pallipalli mu, brazalete, yihul,* chahuai ca itrofill llancatu. Femngechi ñi perdonañmangeal taiñ culpan* Chau Jehová ñi adquiñ meu”.

51 Fei Moisés ca ti sacerdote Eleazar llohuingu tañi oro engün, com tañi llancatu. 52 Com ti oro ñi elufiel ta Chau Jehová pu loncolelu huaranca hueichafe mu* ca pu loncolelu pataca hueichafe mu, feita 16.750 siclo.* 53 Caque quiñeque hueichafe nürqueingün itrofillem hueichan mu tañi quisungeal. 54 Fei Moisés ca ti sacerdote Eleazar llohuingu ti oro ñi cüpalün pu loncolelu huaranca hueichafe mu* ca pu loncolelu pataca hueichafe meu. Yefingu ponhui ti trahunhue tolto ruca mu, femngechi com pu Israel che ñi raquiduamtucunieafiel Chau Jehová ñi femün quisu engün meu.

32 Pu Rubén che ca pu Gad che nierpuingün fentren culliñ, fei inaduamfingün Jazer ca Galaad ñi cüme mapungen tañi yallümal* culliñ. 2 Fei pu Gad che ca pu Rubén che pemefingün ta Moisés, ti sacerdote Eleazar ca pu loncolelu tati pu che meu, feipingün: 3 “Atarot, Dibón, Jazer, Nimrá, Hesbón, Elealé, Sebam, Nebo ca Beón, 4 feiti mapu Chau Jehová ñi nüfiel pu Israel che ñi adquiñ meu, quiñe cüme mapungei ñi yallümal culliñ. Iñchiñ, tami pu cüdaufe, nieiñ fentren culliñ”. 5 Ca feipingün: “Fürenemuliyiñ iñchiñ, eimi tami pu cüdaufe, elumuiñ tüfachi mapu. Noaimün Jordán leufü mu pimulayaiñ”.

6 Fei Moisés feipifi pu Gad che ca pu Rubén che: “Tamün pu peñi amuaingün ñi hueichayal,* huelu eimün ¿mülenagaimün tüfa mu? 7 ¿Chumngelu am* ngañhuadelmequefimün pu Israel che ñi notunoal feichi mapu mu Chau Jehová ñi eluaeteu engün? 8 Iñche huercüfilu tamün pu chau Cadés-Barnea mu ñi lloftumeafiel* ti mapu ca femngechi femingün. 9 Pürapulu engün Escol laf mapu mu pefingün ti mapu, fei ngañhuadelfingün ti pu Israel che ñi connoal feichi mapu mu Chau Jehová ñi eluaeteu engün. 10 Feichi antü mu Chau Jehová rume illcui,* fei eldungucünui: 11 ‘Com pu huentru 20 tripantu nielu cam doi, tripalu Egipto mapu meu pelayaingün feitichi mapu ñi feipicünufiel* ta Abrahán, Isaac ca Jacob, com tañi piuque mu inanienoeteu cai. 12 Huelu Caleb Jefuné tañi fotüm, Quenaz tuhun-ngelu ca Josué Nun tañi fotüm, com tañi piuque mu inafingu ta Chau Jehová, quisu peaingu ti mapu’. 13 Feimu Chau Jehová rume illcutufi* pu Israel che, femcünui ñi nampiyahual engün 40 tripantu huellin mapu mu. Femngechiyahuingün fentepuulu hula com feitichi pu che huesa femlu Chau Jehová tañi adquiñ meu. 14 Tüfa hula eimün pu culpafe che,* tamün chau reque femmequeimün. Feimu Chau Jehová doi illcutuniefi* pu Israel che. 15 Inaniehuenofilmün ta Chau Dios, quisu elcünuaimünmeu tüfachi huellin mapu meu* ca eimün tamün duam meu apümcangeai com tüfachi pu che”.

16 Fei hula ca huiño fülconpuingün* Moisés mu, feipifingün: “Elumuiñ taiñ deumayal cura malal taiñ pu culliñ mu ca huaria ñi müleam taiñ pu yall. 17 Huelu iñchiñ pepicaucüleaiñ ñi hueichayal, huneleaiñ pu Israel che mu. Yeafiyiñ cheu ñi puhual engün, huelu taiñ pu yall mülenagaingün nehuen-ngechi huaria meu, femngechi chumlayaeyu tati pu che mülelu tüfachi mapu meu. 18 Huiñotulayaiñ taiñ ruca mu deu lloule hula caque quiñeque Israel che quisu tañi mapu ñi ngen-ngeal. 19 Iñchiñ lloulayaiñ mapu nometu Jordán leufü cam doi üye püle, deu lloulu cai iñchiñ mapu tüfa püle Jordán mu, tripahue antü püle”.

20 Fei Moisés huiñoldungui:* “Tüfa femafuimün: nüaimün tamün hueichahue Chau Jehová ñi adquiñ meu, fei hueichayaimün. 21 Noaimün ti Jordán leufü Chau Jehová ñi adquiñ mu, fei quisu tañi adquiñ meu huemünentuafi* tañi pu caiñe 22 ca nüngeai com ti mapu Chau Jehová ñi adquiñ meu. Fei hula huiñotuafuimün ca culpalayaimün* Chau Jehová ca pu Israel che ñi adquiñ meu. Fei tüfachi mapu eimün ngen-ngeaimün Chau Jehová ñi adquiñ mu. 23 Huelu femnolmün, culpayaimün* Chau Jehová mu, fei tamün culpan diturpuaimünmeu. 24 Feimu deumayaimün huaria ñi müleal tamün pu yall ca deumayaimün cura malal ñi müleal tamün pu ufisa, huelu mülei tamün femal chem tamün feipicünuel”.

25 Pu Gad che ca pu Rubén che feipifingün ta Moisés: “Iñchiñ, eimi tami pu cüdaufe, femaiñ chem tami feipiel, ñidol. 26 Taiñ pu yall, taiñ pu domo, taiñ pu ufisa ca com taiñ pu ñom culliñ mülenagai Galaad ñi huaria meu. 27 Huelu iñchiñ, tami pu cüdaufe, notuaiñ, pepicaucüleaiñ ñi hueichayal Chau Jehová ñi adquiñ meu chumngechi tami feipicünuel, ñidol”.

28 Fei Moisés elufi quiñe huercün dungu tati sacerdote Eleazar, Josué Nun tañi fotüm ca pu loncolelu caque quiñeque troquiñche Israel meu. 29 Moisés feipifi: “Pu Gad che ca pu Rubén che noaingün ti Jordán quiñentrür eimün, com pu huentru pepicaucülelu ñi hueichayal Chau Jehová ñi adquiñ mu. Fei nüngele ti mapu eimün tamün adquiñ meu, eluafimün Galaad mapu quisu engün ñi ngen-ngeal. 30 Huelu rumenole eimün engün ñi hueichayal, fei engün mülepuai rangi eimün meu Canaán mapu meu”.

31 Fei pu Gad che ca pu Rubén che huiñoldunguingün:* “Iñchiñ, tami pu cüdaufe, femaiñ chem taiñ feipieteu Chau Jehová. 32 Iñchiñ nüaiñ taiñ hueichahue ca Chau Jehová ñi adquiñ meu noaiñ ti Jordán leufü mu, fei puhuaiñ Canaán mapu meu. Huelu fau püle ti Jordán mu elungeaiñ mapu taiñ ngen-ngeal”. 33 Pu Gad che, pu Rubén che ca ti rangiñ troquiñche Manasés mu, tüfa José ñi fotüm, Moisés elueyu Sehón ñi ngünenieelchi mapu, pu amorreo che ñi lonco ülmen. Ca elueyu Og ñi ngünenieelchi mapu, Basán ñi lonco ülmen. Elungeingün com tüfachi mapu ca com feitichi huaria ñi hualloñmanieteu ti mapu.

34 Pu Gad che deumaingün* tüfachi huaria: Dibón, Atarot, Aroer, 35 Atrot-Sofán, Jazer, Jogbehá, 36 Bet-Nimrá ca Bet-Harán, nehuen-ngechi huaria. Ca deumaingün cura malal ñi müleal tañi pu ufisa. 37 Pu Rubén che deumaingün tüfachi huaria: Hesbón, Elealé, Quiryataim, 38 Nebo ca Baal-Meón, huelucünuñmafingün ñi üi tüfachi pu huaria. Ca deumaingün Sibmá huaria. Tüfa ca üi tuculelfingün tati pu huaria ñi huiño deumatufiel.

39 Makir ñi pu fotüm, tüfa ta Manasés ñi fotüm, amuingün Galaad mapu mu, nüfingün, fei huemünentufingün* pu amorreo che mülelu üye mu. 40 Feimu Moisés elufi Galaad ta Makir, Manasés ñi fotüm. Fei eluhui ñi mülenagal üye mu. 41 Jaír, Manasés ñi fotüm, amui, fei nüi ti pichique huaria cheu ñi toltouquen* pu che. Üituculelfi Havot-Jaír. 42 Nóbah cai amui, fei nüfi Quenat huaria ca tañi püllelechi huaria. Quisu tañi üi tuculelfi, Nóbah pingetui.

33 Pu Israel che troquiñcünuhuingün ñi tripayal Egipto mapu meu. Moisés ca Aarón adnieyu engün. Femngechi miyahurquefuingün pu Israel che. 2 Petu tañi miyahun engün, Chau Jehová ñi duam mu Moisés huirintucui caque quiñeque mapu cheu tañi tripan engün. Tüfa mu miyahuingün: 3 ti mari quechu antü conlu tati hunen cüyen mu pu Israel che tripaingün Ramesés mu. Quiñe antü rupalu ti Pascua, maneluhun mu tripaingün com pu Egipto che ñi adquiñ mu. 4 Petu tripalu engün, pu Egipto che rüngaltucumequerqueingün tañi pu hunenque fotüm Chau Jehová ñi langümfiel. Chau Jehová juzgarquefi ca castigafi tañi pu dios engün.

5 Fei pu Israel che tripaingün Ramesés mu, toltoupuingün* Sucot mu. 6 Tripaingün Sucot mu, toltoupuingün* Ezam mu, cheu ñi ellaconün ti huellin mapu.* 7 Tripaingün Ezam mu, huiñotuingün, fei amuingün ta Pihahirot, üye mu puquintufingün Baal-Zefón. Ca toltoupuingün itrotripa Migdol mu. 8 Tripaingün Pihahirot mu, rangiñ lafquen mu rumeingün, fei amuingün huellin mapu mu. Cüla antü miyahuingün Ezam ñi huellin mapu mu, fei toltoupuingün Mará* mapu mu.

9 Tripaingün Mará* mapu mu, fei puhuingün ta Elim mapu. Tiye mu mülerquei 12 huitrunco ca 70 palmera anümca. Tiye mu toltoupuingün. 10 Fei hula tripaingün Elim mu, toltoupuingün inafül Quelü lafquen mu. 11 Tripaingün Quelü lafquen mu, fei toltoupuingün Sin huellin mapu mu. 12 Tripaingün Sin huellin mapu mu, fei toltoupuingün Dofcá mu. 13 Fei hula tripaingün Dofcá mu, toltoupuingün Alús mu. 14 Tripaingün Alús mu, toltoupuingün Refidim mu, üye mu ngerquelafui co ñi pütocoal pu che. 15 Fei hula tripaingün Refidim mu, toltoupuingün Sinaí huellin mapu mu.

16 Tripaingün Sinaí huellin mapu mu, fei toltoupuingün Quibrot-Hataavá mu. 17 Tripaingün Quibrot-Hataavá mu, fei toltoupuingün Hazerot mu. 18 Fei hula tripaingün Hazerot mu, toltoupuingün Ritmá mu. 19 Fei hula tripaingün Ritmá mu, toltoupuingün Rimón-Pérez mu. 20 Tripaingün Rimón-Pérez mu, fei toltoupuingün Libná mu. 21 Tripaingün Libná mu, fei toltoupuingün Risá mu. 22 Fei hula tripaingün Risá mu, toltoupuingün Quehelatá mu. 23 Fei tripaingün Quehelatá mu, toltoupuingün Séfer huincul mu.

24 Fei hula tripaingün Séfer huincul mu, toltoupuingün Haradá mu. 25 Tripaingün Haradá mu, fei toltoupuingün Maquelot mu. 26 Tripaingün Maquelot mu, fei toltoupuingün Táhat mu. 27 Tripaingün Táhat mu, fei toltoupuingün Taré mu. 28 Tripaingün Taré mu, fei toltoupuingün Mitcá mu. 29 Fei hula tripaingün Mitcá mu, toltoupuingün Hasmoná mu. 30 Tripaingün Hasmoná mu, fei toltoupuingün Moserot mu. 31 Fei tripaingün Moserot mu, toltoupuingün Bene-Jaacán mu. 32 Tripaingün Bene-Jaacán mu, fei toltoupuingün Hor-Haguidgad mu. 33 Fei hula tripaingün Hor-Haguidgad mu, toltoupuingün Jotbatá mu. 34 Fei hula tripaingün Jotbatá mu, toltoupuingün Abroná mu. 35 Tripaingün Abroná mu, fei toltoupuingün Ezión-Guéber mu. 36 Tripaingün Ezión-Guéber mu, fei toltoupuingün Zin ñi huellin mapu mu, tüfa ta Cadés.

37 Fei hula tripaingün Cadés mu, toltoupuingün Hor huincul mu, cheu ñi puhun Edom mapu. 38 Ti hunen antü ti quechu cüyen mu tati 40 tripantu ñi tripan pu Israel che Egipto mapu meu, Chau Jehová ñi feipin mu ti sacerdote Aarón pürapui Hor huincul mu, fei üye mu lai. 39 Aarón nierquei 123 tripantu lalu Hor huincul mu.

40 Arad ñi lonco ülmen, ti Canaán huentru mülelu Négueb mu, Canaán mapu meu, quimürpui ñi acun pu Israel che.

41 Fei hula tripaingün Hor huincul mu, toltoupuingün Zalmoná mu. 42 Tripaingün Zalmoná mu, fei toltoupuingün Punón mapu mu. 43 Tripaingün Punón mapu mu, fei toltoupuingün Obot mu. 44 Tripaingün Obot mu, fei toltoupuingün Iyé-Abarim mu, cheu ñi puhun Moab mapu. 45 Fei hula tripaingün Iyim mu, toltoupuingün Dibón-Gad mu. 46 Fei tripaingün Dibón-Gad mu, toltoupuingün Almón-Diblataim mu. 47 Tripaingün Almón-Diblataim mu, fei toltoupuingün Abarim ñi mahuida mu itrotripa Nebo meu. 48 Tripaingün Abarim ñi mahuida mu, toltoupuingün ti laf mapu Moab ñi huellin mapu mu, inafül Jordán leufü mu itrotripa Jericó huaria mu. 49 Toltoupuingün inaltu Jordán leufü mu, Bet-Jesimot puulu Abel-Sitim mu, ti laf mapu Moab ñi huellin mapu mu.

50 Ti laf mapu Moab ñi huellin mapu meu inafül Jordán leufü itrotripa Jericó huaria mu, Chau Jehová dungufi ta Moisés, feipifi: 51 “Dungufinge pu Israel che, feipifinge: ‘Noaimün Jordán leufü mu, fei conpuaimün Canaán mapu meu. 52 Huemünentuafimün* com pu che mülelu tüfachi mapu mu. Apümcañmayafimün tañi adentun deumangelu cura cam pañillhue mu* ca teifücañmayafimün tañi yamfal mülehue.* 53 Nüafimün ti mapu ca müleaimün fei mu. Rüfcünu eluhuaiñ ti mapu tamün ngen-ngeal. 54 Sortiañmangeai* ti mapu ñi hudamelelngeal caque quiñeque familia. Doi eluafimün mapu feitichi pu troquiñche alün-ngelu, huelu doi pichin eluafimün feitichi pu troquiñche pichin-ngelu. Com llohuaimün tamün sortiañmangeelchi mapu. Feichi mapu ñi elungeel tamün troquiñche, fei mu llohuaimün mapu tamün ngen-ngeal.

55 Huelu huemünentunofilmün* pu che mülelu tüfachi mapu meu, pu mülehuelu dipontucunieaimünmeu* reque tamün nge ca chacai reque* feleaingün tamün cadi püle. Caiñetunieaimünmeu engün ti mapu mu cheu tamün müleal. 56 Fei chem ñi raquiduamün tañi femafiel engün, eimün ta femuhuaiñ’”.

34 Chau Jehová huiño dungufi ta Moisés, feipifi: 2 “Fei tüfa feipiafimi pu Israel che: ‘Conpulmün Canaán mapu mu, tüfachi mapu llohuaimün tamün ngen-ngeal: cheu ñi fentepuhun Canaán mapu.

3 Huaihuen püle* ti mapu puhuai Zin ñi huellin mapu mu,* tüfa inafülcülei Edom mapu meu. Ti mapu puulu huaihuen püle tuhuai nagaltu Cotrü lafquen mu* tripahue antü püle. 4 Cheu ñi puhun ti mapu cañpüle amuleai, huaihuen püle feitichi rüpü püralu Acrabim mu amuleai, fei amulerpuai Zin mu ca puhuai huaihuen püle Cadés-Barnea mu. Fei hula amuleai Hazar-Addar mu ca puhuai ta Azmón mu. 5 Azmón mu cañpüle amuleai cheu ñi fentepuhun ti mapu, puhuai Egipto ñi huitrunco mu,* fei fentepuhuai Lafquen mu.*

6 Conhue antü püle ti mapu puhuai inaltu Fütra lafquen.* Tüfa mu fentepuhuai ti mapu conhue antü püle.

7 Tüfa mu fentepuhuai ti mapu picun püle.* Fütra lafquen mu tuhuai, Hor huincul mu puhuai. 8 Cheu ñi fentepuhun ti mapu Hor huincul mu, amulerpuai Lebó-Hamat mu,* fei puhuai Zedad mu. 9 Cheu ñi fentepuhun ti mapu amulerpuai Zifrón mu, fei fentepuhuai Hazar-Enán mu. Tüfa mu puhuai ti mapu picun püle.

10 Tripahue antü püle cheu ñi puhun ti mapu tuhuai Hazar-Enán mu, fei puhuai Sefam mu. 11 Cheu ñi puhun ti mapu amuleai Sefam mu, puhuai Riblá mu, tripahue antü püle Ain mu. Fei hula nagai ca rupayai ti mahuida mu mülelu tripahue antü püle Kinéret lafquen mu.* 12 Amuleai Jordán leufü mu, fei fentepuhuai Cotrü lafquen mu. Tüfa tamün mapu ca cheu ñi fentepuhun’”.

13 Feimu Moisés elufi huercün dungu tati pu Israel che, feipifi engün: “Sortiañmangeai* tüfachi mapu tamün hudamelelngeal, chumngechi ñi feipicünun Chau Jehová tañi elungeal ti ailla troquiñche ca rangiñ. 14 Rubén ñi troquiñche, Gad ñi troquiñche ca Manasés ñi rangiñ troquiñche deu llohuingün ñi mapu tañi ngen-ngeal. 15 Tüfachi epu troquiñche ca rangiñ deu llohuingün ñi mapu tripahue antü püle Jordán leufü mu, inafülcülelu Jericó mu”.

16 Chau Jehová huiño dungufi ta Moisés, feipifi: 17 “Tüfachi epu huentru hudamelaimünmeu ti mapu tamün ngen-ngeal: ti sacerdote Eleazar ca Josué, Nun ñi fotüm. 18 Caque quiñeque troquiñche mu dulliaimün quiñe loncolelu, fei hudamcalelaimünmeu ti mapu tamün llohual. 19 Tüfa tañi üi engün: Judá ñi troquiñche mu dullingeai ta Caleb, Jefuné ñi fotüm. 20 Simeón ñi troquiñche mu dullingeai ta Semuel, Amihud ñi fotüm. 21 Benjamín ñi troquiñche mu dullingeai ta Elidad, Kislón ñi fotüm. 22 Dan ñi troquiñche mu dullingeai quiñe loncolelu, Buquí, Joglí ñi fotüm. 23 Manasés ñi troquiñche mu, José ñi fotüm, dullingeai quiñe loncolelu, Haniel, Efod ñi fotüm. 24 Ca Efraín ñi troquiñche mu, José ñi fotüm, dullingeai quiñe loncolelu, Quemuel, Siftán ñi fotüm. 25 Zabulón ñi troquiñche mu dullingeai quiñe loncolelu, Elizafán, Parnac ñi fotüm. 26 Isacar ñi troquiñche mu dullingeai quiñe loncolelu, Paltiel, Azán ñi fotüm. 27 Aser ñi troquiñche mu dullingeai quiñe loncolelu, Ahihud, Selomí ñi fotüm. 28 Ca Neftalí ñi troquiñche mu dullingeai quiñe loncolelu, Pedahel, Amihud ñi fotüm”. 29 Tüfachi pu huentru Chau Jehová huercüfi ñi hudamcalelafiel ti mapu pu Israel che Canaán mu.

35 Chau Jehová dunguniefi ta Moisés ti laf mapu Moab ñi huellin mapu meu* inafül Jordán leufü itrotripa Jericó huaria mu. Feipifi: 2 “Feipiafimi pu Israel che, chem tañi elungeal engün mülei ñi eluafiel pu Leví che fillque huaria ñi müleal engün. Cafei eluafingün pu Leví che ti lelfün ñi hualloñmanieteu feitichi huaria. 3 Pu Leví che müleaingün feitichi huaria mu, fei ütalafingün tañi ñomque culliñ tati lelfün meu. Tañi pu caquelu culliñ ca müleaingün fei meu. 4 Ti lelfün tami eluafiel pu Leví che huallpaleai ti huaria mu. Ti cura malal mu tuhuai, fei 445 metro* puhuai. 5 Huecun ti huaria mu tripahue antü püle mediaimün 890 metro,* huaihuen püle* mediaimün 890 metro,* conhue antü püle mediaimün 890 metro* ca picun püle* mediaimün 890 metro.* Ti huaria rangiñ mu müleai. Tüfa tati lelfün ñi nieal pu Leví che ñi huaria.

6 Feitichi pu huaria tamün eluafiel tati pu Leví che, cayu elcünuaimün ñi ellcahual* ti langümchelu. Cafei eluafimün caquelu 42 huaria. 7 Eluafimün pu Leví che 48 huaria ca tañi lelfün. 8 Pu Israel che ñi elungeel mu entuaimün huaria tamün eluafiel pu Leví che. Fütraque troquiñche mu doi fentren entuaimün, pichique troquiñche mu doi pichin entuaimün. Tunten ñi elungeel caque quiñeque troquiñche, eluafingün quiñeque huaria tati pu Leví che”.

9 Chau Jehová dunguniefi ta Moisés, feipifi: 10 “Dungufinge pu Israel che, feipiafimi engün: ‘Noaimün Jordán leufü mu, fei conpuaimün Canaán mapu meu. 11 Dulliaimün quiñeque huaria ñi ellcahual che, cüme adcünungepe ñi puhual. Üye mu lefmahuafui ti langümchelu tuntucun meu. 12 Tüfachi huaria mu ellcahuaimün tamün dinoaeteu ti langümngelu ñi pariente.* Femngechi ti langümchelu lalayai petu ñi juiciantucungenon pu juez* ñi adquiñ mu. 13 Tüfachi dungu mu elcünungeai cayu huaria ñi ellcahual che. 14 Tüfa püle Jordán leufü mu elcünuaimün cüla huaria ñi ellcahuam che. Canaán mapu mu ca elcünuaimün cüla. 15 Tüfachi cayu huaria mu ellcahuafui pu Israel che ca pu ca cüpanche mülelu pu Israel che mu. Femngechi inei rume langümchele tuntucun mu, lefmahuafui tiye mu.

16 Quiñe che hulelcayafui chi cangelu che quiñe pañillhue chemcün mu.* Fei larpule, quisu langümchefengei tati. Rüfcünu mülei ñi layal ti langümchefe. 17 Cam quiñe cura mu hulelcachele, fei larpule, langümchefengei tati. Rüfcünu mülei ñi layal ti langümchefe. 18 Cam quiñe mamüll mu hulelcafile ti che, fei larpule, langümchefengei tati. Rüfcünu mülei ñi layal ti langümchefe.

19 Ti langümngelu ñi pariente langümafi ti langümchelu. Pefile, langümafi. 20 Quiñe che layafui chi cangelu che ñi ültrentucueteu* üdehun mu cam ütrüftufile quiñe chemcün huesa duam mu. 21 Cam layafui chi quiñe che ñi hulelcangen cuhu mu üdehun meu. Feiti tañi hulelcaeteu rüfcünu mülei ñi layal. Langümchefengei tati. Ti langümngelu ñi pariente pefile ti langümchefe, langümafi.

22 Quiñe che ültrentucuafui chi* cangelu che cam ütrüftufi chi quiñe chemcün mu. Huesa duam mu femlafi ca ñi üdenofiel ti che. 23 Cam quiñe che ütrüfentuafui chi quiñe cura, fei ñi penofiel ti che, tañi lonco mu puhuafui. Quisu caiñetulafi, pilafui ñi huesalcayafiel. Huelu larpule ti che, 24 pu che* juiciantucuai ti dungu ñi nieel ti huesa femlu ca ti langümngelu ñi pariente. Inangeai tüfachi huercün dungu. 25 Fei ti pu che* montulafi ti langümchelu, femngechi ti langümngelu ñi pariente langümlayayu. Huiño yengetuai feichi huaria mu cheu ñi ellcauquen che, üye mu lefmahurquei ellaca mu. Mülenagai üye mu lale hula ti hunen lonco sacerdote, feiti dullingelu ti falin aceite mu.

26 Ti langümchelu puulu quiñe huaria cheu ñi ellcauquen pu che, tripale feitichi huaria ñi mapu meu, 27 ti langümngelu ñi pariente peafeyu ñi mülen huecun feiti huaria cheu ñi ellcauquen pu che, fei langümafeyu. Femle, culpaconlayai* ñi langümfiel mu. 28 Ti langümchelu mülecayai ti huaria cheu ñi ellcauquen che lale hula ti hunen lonco sacerdote. Fei lale ti hunen lonco sacerdote, huiñotuafui tañi ruca mu. 29 Fei tüfa rupale, inanieaimün tüfachi ley dungu tamün juzgayal. Cheu rume mülelmün, eimün ca tamün pu cüpanche femaimün tüfa.

30 Inei rume langümchele, allcüngeai ñi feipin quiñeque che quimlu ñi rupan, fei layai tañi langümchefengen mu. Huelu inei no rume lalayai quiñe che müten ñi feipin mu. 31 Feipicünungele ñi langümngeal ti langümchefe, lloulayaimün cullitu ñi montulngeal. Rüfcünu mülei tañi layal. 32 Inei rume lefmaule quiñe huaria cheu ñi ellcauquen che, lloulayafimün cullitu ñi huiñotual tañi mapu mu petu ñi lanon ti hunen lonco sacerdote.

33 Mülelai tamün podümafiel ti mapu cheu tamün mülen. Mollfüñ podümquefi ti mapu. Feiti che hutrulfilu* mollfüñ, quisu ñi mollfüñ mu müten liftungeafui ti mapu cheu ñi hutrulfiel mollfüñ. 34 Ngelai tamün podümafiel ti mapu cheu tamün mülen, iñche ca mülen tüfa mu. Iñche, Chau Jehová, mülen rangi pu Israel che mu’”.

36 Pu loncolelu Galaad ñi pu familia mu, tüfa Makir ñi fotüm, Manasés ñi fotüm, tuulu José ñi pu fotüm tañi pu familia mu, fülconpuingün,* fei dunguingün cheu ñi mülen Moisés ca pu loncolelu Israel che mu. 2 Feipingün: “Ñidol, Chau Jehová ñi feipin mu sortiañmayaimi* ti mapu tami hudamcünulelafiel pu Israel che, femngechi ñi ngen-ngeal engün. Ñidol, Chau Jehová feipieimu tami eluafiel Zelofehad ñi pu ñahue taiñ peñi yem ñi mapu. 3 Feitichi pu domo nieule quiñe huentru engu coneltulelu ca troquiñche Israel mu, tüfachi pu domo ñi mapu coneltuhuelayai taiñ pu chau ñi elungeel mu. Feiti troquiñche ñi conal ti domo ngen-ngeai ti mapu meu, fei coneltuhuelayai iñchiñ taiñ elungeel mu. 4 Israel mu puule ti Ayühun Tripantu, tüfachi pu domo ñi mapu coneltuleai feichi troquiñche ñi conal engün. Femngechi tañi mapu engün coneltuhuelayai chem ñi elungeel taiñ pu chau ñi troquiñche”.

5 Fei Chau Jehová ñi feipin meu Moisés feipifi pu Israel che: “Ñi chem pin José tañi troquiñche rüfngei llemai. 6 Tüfa ñi feipifiel Chau Jehová Zelofehad tañi pu ñahue: ‘Chem huentru engu rume niehuafuingün. Huelu mülei ñi coneltuleal tañi chau ñi troquiñche meu. 7 Chem ñi elungeel pu Israel che ngelai ñi eluafiel cangelu troquiñche Israel mu. Caque quiñeque Israel che niecayafi ti mapu ñi elungeel tañi cuifiqueche yem ñi troquiñche. 8 Chem ñahue rume ñi elungeel mapu quiñe troquiñche Israel mu, mülei ñi quintual huentru tañi chau ñi troquiñche meu. Femngechi pu Israel che niecayafi chem ñi elungeel tañi cuifiqueche yem. 9 Quiñe mapu no rume elungelayai cangelu troquiñche. Caque quiñeque troquiñche Israel mu niecayafi chem tañi elungeel’”.

10 Zelofehad tañi pu ñahue femingün chumngechi Chau Jehová feipicünufi ta Moisés. 11 Feimu Mahlá, Tirzá, Hoglá, Milcá ca Noá, Zelofehad tañi pu ñahue, niehuingün tañi malle ñi fotüm engün. 12 Tañi pu füta engün coneltulefui Manasés ñi pu familia mu, José tañi fotüm. Femngechi tañi chau ñi troquiñche niecayafi ti mapu.

13 Tüfachi huercün dungu ca ley dungu Chau Jehová elufi ta Moisés ñi eluafiel pu Israel che ti laf mapu Moab ñi huellin mapu mu* inafül Jordán leufü itrotripa Jericó huaria mu.