¿Chem ayükeelchi dungu niey ta Chaw Ngünechen?

Ngünechen ayükey taiñ ayüwün afnoachi mongen nieal tüngkülen mu kiñe küme rumel mülewe Mapu mew.

Welu eymi ta rakiduamkeymi chi: “¿Chumngechi femafuy tüfa?”. Biblia ta rüf feypi Ngünechen ñi Ngünenien femürpuay (bempoay). Ka kidu ayükey ta kom che mülelu Mapu mew tañi kimal engün tüfachi Ngünenien ka tañi duamel kom inchiñ mew (Salmo 37:11, 29; Isaías 9:7).

Ngünechen ayüy taiñ kümelkaleal.

Kiñe küme chaw reke ayükelu tañi doy kümelkaleal tañi pu pichikeche, ka femngechi taiñ Wenu Chaw ayükey taiñ ayüwküleal afnoachi mongen mu (Isaías 48:17, 18). Kidu feypikünuy “tati femkelu Ngünechen ñi ayüelchi dungu, [afnoachi] mongen nieay” (1 Juan 2:17).

Ngünechen ayüy taiñ trekaleal ñi rüpü mew.

Biblia feypi taiñ Dewmaetew küpa kimeltukeeiñmew “tañi rüpü” ka taiñ trekaleal reke “tañi rüpü mew” (Isaías 2:2, 3). Kidu pepikay “kiñe trokiñche kidu tañi üy ngealu”, feymew kimelmangekey ñi duam kom wall Mapu mew (Hecho 15:14, Traducción del Nuevo Mundo, TNM).

Ngünechen ayüy taiñ kiñewün poyeafiel.

Tati rüf religion wüdamentukelafi ta che, welu kiñewkünufi rüf poyewün mu (Juan 13:35). ¿Iney engün am petu kimeltumekefi tati pu wentru ka domo wall Mapu mülelu, tañi kiñewün küdawal ta Ngünechen mu? Mangeluwaiñ ta inaduamal ti wiñoldungun tüfachi wirintukun mew.