Watchtower INTERNET MÜLEYECHI LIFRU
Watchtower
INTERNET MÜLEYECHI LIFRU
mapudungun
ü
  • ñ
  • Ñ
  • ü
  • Ü
  • BIBLIA
  • FILLQUE PUBLICACION
  • FILLQUE TRAHUN
  • jl quimeltun 11
  • ¿Chumngelu trawüluwkeiñ fütrake trawün mew?

Ngelai video tüfachi troquiñ meu.

Müna huesa, pepi pengelngelai ti video.

  • ¿Chumngelu trawüluwkeiñ fütrake trawün mew?
  • ¿Iney engün am femmekey Jewba ñi ayükeelchi dungu famülke mu?
¿Iney engün am femmekey Jewba ñi ayükeelchi dungu famülke mu?
jl quimeltun 11

KIMELTUN 11

¿Chumngelu trawüluwkeiñ fütrake trawün mew?

Pu Dungukelu Iney Ngen Jewba ñi Fütra Trawün küla antü ngekelu, Mexico pingechi mapu

Mexico

Kiñe Fütra Trawün ngekelu, Alemania mapu mew, chew ñi tukulpangen mu kiñe papil

Alemania

Pu Dungukelu Iney Ngen Jewba kiñe fütra trawün küla antü ngekelu, Botsuana pingechi mapu

Botsuana

Kiñe weche wentru fawtisawmekey Nicaragua mapu mew

Nicaragua

Kiñe pengelun dungu, kiñe Fütra Trawün mew, Italia mapu mu

Italia

¿Chumngelu am (chemu) fente ayüwküley tüfachi pu che? Mülepayngün am taiñ fütra trawün mew. Alün che ayüwünkechi trawükeiñ iñchiñ, Ngünechen ñi kuyfike kona reke. Fey engün werküngeyngün ñi trawüluwal fill tripantu küla rupa mu (Deuteronomio 16:16). Feymu iñchiñ niekeiñ küla fütra trawün: epu kiñe antü ngekelu, ka kiñe küla antü ngekelu. ¿Chem kümelkan elukeeiñmew?

Newen-ngeay taiñ peñiwen ka lamngenwen. Tati pu israelche müna ayüwkülekefuy ñi sakiafiel ta Jewba “fütrake trawün mew”, ka iñchiñ müna ayüwkeiñ taiñ kiñentrür poyeafiel ta Jewba falinke trawün mu (Salmo 26:12, nota; 111:1). Tüfa mu trawüluwkeiñ pu peñi ka lamngen fillke trawünche tuwün-ngelu, ka kake mapu mülelu. Rangiantü entukeiñ iyael, fey kiñentrür yafütual chew taiñ trawüluwkülen, feymu doy trempuy taiñ weniwen, mülepulu kay iñchiñ tüfachi fütra trawün mew (Hecho 2:42). Tüfa mu rüf pekeiñ ti piwkeyewün ñi kiñewküleal taiñ “feyentulechi [mupitulechi] pu che” mülelu kom wall Mapu mu (1 Pedro 2:17).

Kellukeeiñmew küme amuleal tati rüf dungu mu. Pu israelche kümelkaeyew “kimtukulu engün chi dungun” mülelu Wirin Chillka mew tañi kimeltuetew (Nehemías 8:8, 12). Iñchiñ müna falintuniekefiyiñ kom tati kimeltun taiñ elungekeel fütrake trawün mew. Kom tüfachi trawün Biblia ñi dungu mu tuwi. Ngüneduamfalchi wewpitun ka pengelün dungu mu kimeltungeiñ chumngechi femal Ngünechen ñi ayükeelchi dungu. Kafey yafüluwkeeiñmew tati nütramkan pengelkelu chumngechi taiñ pu peñi ka lamngen wewingün wedake dungu nieyelu kristianongen tüfachi küdawngechi antü mu. Ka tati fütra trawün küla antü ngekelu müley pengelün nütram, femngechi takuwün yeniekefel pu kuyfike che, fey doy mupituafuiñ kom tüfachi nütram Biblia mu tuwlu, ka fentren kümeke kimeltun elukeeiñmu. Ka kom tüfachi fütrake trawün mu, tati pu che küpa pengelkelu ñi wülal ñi mongen ta Ngünechen mew, fawtisangekey.

  • ¿Chumngelu am (chemu) fente ayüwküleiñ taiñ fütrake trawün mu?

  • ¿Chumngechi kümelkayaeymu amulmi kiñe fütra trawün mew?

TAMI DOY KIMAL

Ayülmi doy küme kimal taiñ peñiwen ka lamngenwen-ngen, mangeluwaiñ tami amual taiñ küpalechi fütra trawün mew. Tami kimelfe pengelafeymu kiñe adkünungechi dungu, femngechi ngüneduamaymi chem dungu nütramelngeay tüfa mu. Wirintukukünuafimi tami rakiñ tripantuwe mew chumül ka chew femngeay ti küpalechi fütra trawün, ka pepikawnge tami amual.

    Fillque chillca mapudungun mu (1993-2025)
    Tripayaimi
    Conaimi
    • mapudungun
    • Huercülelngeal
    • Chumcünuafimi ti pagina
    • Copyright © 2025 Watch Tower Bible and Tract Society of Pennsylvania
    • Términos y Condiciones de Uso
    • Política de privacidad
    • Configuraciones de privacidad
    • JW.ORG
    • Conaimi
    Huercülelngeal