Layeluhun
Ti layeluulu, ¿turpu ngelai ñi hueñancüleal? ¿Chem che ñi rupan huirintuculei Biblia mu?
Gé 23:2; 24:67; 37:34, 35; 42:36; Jn 11:19, 31, 33-36
Ca inaduamfinge 2Sa 1:17-27; Hch 9:36-39.
¿Chumngechi quimafuiñ Chau Jehová ayülei ñi yafültucuafiel pu layeluulu?
¿Chumngelu (chemu) yafültucuqueiñmu taiñ quimfiel chumlequetun pu layelu?
Ec 9:5, 10; 1Te 4:13
Falinque nütram Biblia mu:
Lu 20:37, 38. Jesús nütramcai ñi rüf huiñomongetual pu layelu, feimu Chau Jehová mongelelu troquiniefi engün.
Jn 11:5, 6, 11-14. Lalu tañi hueni Lázaro, Jesús quimeltui pu layelu umaucüleingün reque.
Heb 2:14, 15. Apostol Pablo quimeltui taiñ llicanoafiel lan dungu.
Ti antü tañi choyüngen cam ti antü tañi lan quiñe che, ¿chuchi doi falin-ngei Jehová ñi adquiñ mu? ¿Chumngelu?
Pr 22:1; Ec 7:1, 2
Ti lan dungu, ¿chumngechi troquingequei Biblia mu? ¿Chumai cai Chau Dios?
¿Chumngelu maneluucüleiñ ti pu layelu ñi huiñomongetual?
Is 26:19; Jn 5:28, 29; Hch 24:15
Falinque nütram Biblia mu:
Biblia nütramcai pura che ñi huiñomongetun mapu mu ca nütramcai Jesús ñi huiñomongetun tañi amual huenu mu. Tüfa eluquefi yafüluhun ca maneluhun tati pu layeluulu.
1Re 17:17-24. Elías huiñomongeltufi quiñe lantu domo ñi püñeñ Sarepta mu Sidón mapu mülelu.
2Re 4:32-37. Sunem huaria mu Eliseo huiñomongeltufi quiñe pichi huentru, fei huiñoleltufi tañi chau ca ñuque.
2Re 13:20, 21. Quiñe huentru pichi rupalu ñi lan, tuntucufi Eliseo ñi foro, fei huiñomongetui.
Lu 7:11-15. Naín huaria mu Jesús huiñomongeltufi quiñe lantu domo ñi püñeñ petu nentumequengelu ñi rüngaltucungeal.
Lu 8:41, 42, 49-56. Jesús huiñomongeltufi Jairo ñi ñahue, feitichi huentru adniefi ti ngillatuhue ruca.
Jn 11:38-44. Jesús huiñomongeltufi tañi hueni Lázaro, fei huiñoleltufi tañi epu lamngen, Marta ca María.
Hch 9:36-42. Pedro huiñomongeltufi ta Dorcas, quiñe saquin lamngen quelluchequelu.
Hch 20:7-12. Pablo huiñomongeltufi quiñe hueche huentru Eutico pingelu, ütrüfnagürquei quiñe ventana mu.
Chau Jehová huiñomongeltufi ta Jesucristo quiñe püllüngeal, fei turpu ñi lanoal. Tüfa pengeli Chau Dios femai com tañi feipicünuel.
Jesús fei tati hunelu ñi huiñomongetun tañi müleal huenu mu ca turpu ñi lanoal. Huelu quisu müten no, pu 144.000 dullin cristiano ca femngechi maneluhun nieingün.