Femal taiñ feipingeel, feyentual
¿Chumngelu (chemu) mülei ñi femal taiñ feipingeel?
Éx 19:5; Dt 10:12, 13; Ec 12:13; Snt 1:22
Falinque nütram Biblia mu:
1Sa 15:17-23. Saúl femlai chem ñi feipieteu Chau Jehová, feimu Samuel norümtueyu ca feipi chumngelu falin-ngei femal taiñ feipingeel.
Heb 5:7-10. Jesús afquentu allcütuquefui tañi Chau, huelu mülepalu mapu mu cutrancahui, fei quimürpui ñi allcütuafiel tañi Chau cüdaungefule rume.
Ti autoridad feipieliyiñmu taiñ allcütunoafiel ta Chau Dios, ¿chem mülei taiñ femal?
Falinque nütram Biblia mu:
Da 3:13-18. Nabucodonosor deumai quiñe adentun ñi poyengeal, huelu cüla hebreo hueche ñi allcütufiel ta Chau Jehová pochongnaglaingün tañi adquiñ mu, cuñihun-ngefulu rume.
Mt 22:15-22. Jesús quimeltufi tañi pu discipulo femaimün pu autoridad ñi feipin chaftunofile Chau Dios ñi feipin.
Hch 4:18-31. Pu autoridad ayünolu rume, pu apostol fentecünulaingün ñi amuldunguchequen.
¿Chem mülei taiñ femal taiñ allcütunieafiel Chau Jehová?
Dt 6:1-5; Sl 112:1; 1Jn 5:2, 3
Ca inaduamfinge Sl 119:11, 112; Ro 6:17.
Falinque nütram Biblia mu:
Esd 7:7-10. Ti sacerdote Esdras pepicahui ñi piuque ñi inayafiel Chau Dios ñi ley ca ñi quimeltucheal, femngechi caquelu che inayentuafeyu.
Jn 14:31. Jesús quimeltui chumngelu femquefui chem ñi feipieteu tañi Chau.
¿Chumngelu allcütuafiyiñ ta Chau Jehová ca Jesús?
Femliyiñ taiñ feipieteu Chau Jehová, ¿chumngelu pengelaiñ taiñ feyentulen?
Ro 1:5; 10:16, 17; Snt 2:20-23
Ca inaduamfinge Dt 9:23.
Falinque nütram Biblia mu:
Gé 6:9-22; Heb 11:7. Noé deumai ti fütra huampo ruca chumngechi ñi feipieteu Chau Jehová, femngechi pengeli ñi feyentulen.
Heb 11:8, 9, 17. Abrahán allcütufi ta Chau Jehová tripalu Ur huaria mu ca eluulu ñi chalintucuafiel tañi fotüm, femngechi pengeli ñi feyentulen.
Chau Jehová, ¿chumngechi cümelcaquefi tañi pu allcütuqueteu?
Falinque nütram Biblia mu:
Le 26:3-6. Cümelcayafiñ ca cuñiutucuafiñ tañi pu allcütuqueteu feipicünui Chau Jehová.
Nú 13:30, 31; 14:22-24. Caleb femi chem ñi feipieteu Chau Jehová, feimu cümelcaeyu.
Femnoliyiñ taiñ feipieteu Chau Dios, ¿chem rupayafuiñ?
Falinque nütram Biblia mu:
Gé 2:16, 17; 3:17-19. Adán ca Eva allcütunofilu ta Chau Jehová, culpafengetuingu, fei nielaingu rumel mongen mapu mu.
Dt 18:18, 19; Hch 3:12, 18, 22, 23. Chau Jehová feipicünui ñi cüpayal quiñe huentru doicülelu Moisés mu ca feipi inei rume allcütunofile, rume cutrancahuai.
Jud 6, 7. Pu püllü elcünulu ti huenu ca ti pu che mülelu Sodoma ca Gomorra huaria mu inalaingün Chau Jehová ñi feipin, feimu illculcafingün.
¿Chumngelu mülei taiñ allcütuafiel ta Jesucristo?
Falinque nütram Biblia mu:
Jn 12:46-48; 14:24. Jesús feipi ñi juiciantucungeal pu che ñi allcütuquenoeteu.
¿Chumngelu allcütuafiyiñ pu loncolelu ti trahunche mu?
¿Chumngelu pu domo eluucüleai ñi ngünenieaeteu tañi füta?
¿Chumngelu pu yall mülei ñi allcütuafiel tañi chau ca tañi ñuque?
Falinque nütram Biblia mu:
Gé 37:3, 4, 8, 11-13, 18. Hueche huentrungelu José, allcütufi tañi chau, fei pemefi tañi pu peñi ñi üdeeteu rume.
Lu 2:51. José ca María culpan chengefuingu, huelu Jesús amulei ñi feyentuniefiel engu.