6. Quimelngequei Biblia huall Mapu meu
“Tüfachi cümeque dungu [...] quimelngeai ta com Mapu meu” (MATEO 24:14, Traducción del Nuevo Mundo, [TNM]).
● Vaiatea pingei quiñe domo, quisu mülei quiñe pichi huapi mu, rangiñ lafquen meu mülelu. Cüdaungei tañi puhual üyeu meu. Alü camapulefulu rume, pu Dunguquelu Ineingen Jehová puhuingün tüfachi domo meu. ¿Chumngelu fente alü camapu puhuingün? Ayünieingün ñi quimelelafiel tati pu che Chau Dios tañi dungu, alü camapulefule rume tati pu che.
¿CHEM QUIMNGEQUEI? Chau Dios ñi dungu itrocom Mapu mu quimelngequei. 2010 tripantu mu, pu Dunguquelu Ineingen Jehová rume fentren hora amuldunguingün, 236 pais mu. Cafei rume fentren revista ca lifru hulingün, femngechi ñi quimeltucheal Biblia ñi dungu.
QUIÑEQUE CHE ÑI FEIPIQUEEL. Huarancaquechi tripantu ñi amuldungungequen Biblia ñi dungu.
¿CÜMEPEI MAI ÑI FEIPIQUEEL TA CHE? Fentren che eluuqueingün ñi quimeltual Biblia, huelu epe com engün pürüm afeluuqueingün ca puuquelaingün fentren che meu. ¿Pu Dunguquelu Ineingen Jehová cai? Fütra caiñetungequelu rume engün, fentecünuquelaingün ñi amuldungual huall Mapu meu (Marcos 13:13).a Cafei hulqueingün lifru, revista, ca cofraquelafingün ta che.
¿CHEM PIMI CAI? ¿Huall Mapu mu quimelngepei mai Biblia ñi feipin? Femtripalu cai tüfa, ¿maneluhuafuimi tami doi cüme feletual?
[Quimngeal dungu]
a Doi cüpa quimülmi, peaimi tüfachi cüla video huincadungun meu: “Fieles ante las pruebas”, “Los triángulos púrpuras” ca “Los testigos de Jehová se mantienen firmes ante el ataque nazi”. Tüfachi video entuingün pu Dunguquelu Ineingen Jehová.
[Feipin]
“Jehová petu feipinole ‘fentecünumün tamün amuldungun’, iñchiñ fillque dungu femaiñ taiñ amuldungulelafiel ta che tati cümeque dungu” (ANUARIO DE LOS TESTIGOS DE JEHOVÁ 2010).