HUNEN PAGINA ÑI PENGELNIEEL | QUIÑEQUE COILA PÜNTÜNENTUQUEIÑMU CHAU DIOS
¿Poyeafuiñ ta Chau Dios?
Jesús feipi: “‘Piuqueyefinge tami Ñidol Ngünechen com tami piuque meu, com tami mongen meu, ca com tami quimün meu’. Fei tüfa tati hunen huercün dungu ca doi falilu com huercün dungu meu”.a
Quiñeque che cüdautuquefi ñi poyeafiel ta Chau Dios. Raquiduamqueingün: “Chau Dios duamtuquelafi ta pu che, doi mai castigaquefi”. Peafiyiñ chem pingün quiñeque che.
Marco mülelu Italia mapu, feipi: “Llellipufiñ ta Chau Dios, huelu raquiduamün ñi allcütunoaeteu. ‘Chau Dios poyequelafi ta pu che’ piquefun”.
Rosa, Guatemala mu mülelu feipi: “Iñche cüpa serfiquefun ta Chau Dios, huelu puunoalu quisu mu troquiuquen. Castigaquefi tati pu che troquiuquen. Raquiduamquen ñi poyenofiel ta pu che”.
Raimunda, Canadá mülelu feipi: “Pichi domo ngelu iñche, raquiduamquen Chau Dios leliniequefi taiñ huelulcan müten taiñ castigayaeteu. Rupalu pütrün tripantu, raquiduamfun Chau Dios ñi poyenofiel tati pu che. Quiñe presidente reque troquiquefiñ ta Chau Dios. Ngüneniefi ta pu che, huelu rüf poyequelafi”.
Eimi, ¿chem pimi? ¿Poyeafuiñ ta Chau Dios? Pütrünque mu ramtuuqueingün pu che tüfachi ramtun. Cuifi mu cristiano ngefulu rume, quiñeque che ngillatuquelafingün ta Chau Dios. ¿Chumngelu? Llicaquefuingün. Quiñe historiador Will Durant pingelu, feipi: “Puque che raquiduamquefuingün ñi llican-ngen ta Chau Dios, feimu llicaquefingün tañi ngillatuafiel”.
¿Chumngelu femngechi raquiduamqueingün puque che? ¿Chem quimeltuquei ti Biblia? Cüme quimfiliyiñ ta Chau Dios, ¿cüdautungelayafui ñi poyeafiel? Peafiyiñ.