Kiñe ramtun adümfalngenolu

PU CHE feypikey fillke dungu ti mongen ka tati lan dungu mu. Kiñeke che rakiduamkey lan mu ti che amulekey ñi mongelen kañpüle kam kake kuerpu mu. Kakelu che trokikey ñi wiño choyüngetual tañi nietual kiñe we mongen. Welu kakelu che feypikey: “Lan mew fentepuy ti mongen”.

Chumngechi tami tremümngen kam chew tami mülen mu, femngechi feyentupelayaymi ti lan dungu mu. Feymew feypingelu am fillke dungu chem ñi rupan lan mu, ¿mülepeafuy may manelfalchi wiñoldungun tüfachi adümfalngenochi ramtun mu?

Fentren tripantu mu, pu longkolechi religioso kimeltukeyngün pu che ñi nieel kiñe lakenochi am. Pu che koneltulelu pu kristiano, indu, judio, musulman, ka kakelu doy kimngekeelchi religion mu, kimeltukey taiñ nieel kiñe lakenochi am, fey lale ti kuerpu amuley ñi mongelen chew ñi mülen pu püllü. Ka femngechi pu budista feyentukey pu che ñi wiño choyüngeketun fentren rupa, fey tañi pepiluwün ñi rakiduam mu kellueyew ñi diturpual kiñe trürümfalnochi küme felen.

Kom tüfachi kimeltun mu, fentren che wall Mapu püle rakiduamkey ñi müleputual kañpüle lale engün. Feymu llemay kiñeke che trokikey ñi duamfalngen taiñ layal ñi wechurpual taiñ mongen, fey rakiduamkeyngün taiñ Fütra Chaw ñi ayükeel taiñ layal. Welu, ¿chem kimeltukey Biblia tüfachi dungu mu? Eluwnge tami papeltual ti inalechi trokiñ. Ñi wiñoldungun afmatulelafeymu.