¿Iney engün am femmekey Jewba ñi ayükeelchi dungu famülke mu?

1. ¿Chumül llituay taiñ chillkatuafiel ti papil Jewba ñi ayükeelchi dungu? Chillkatufiel mu, ¿chumngechi kelluaeiñmew?

¹ Tati Chillkatun Biblia Trawünche mu, 12 antü konle octubre küyen llituay ñi ngüneduamngeal tati papil ¿Iney engün am femmekey Jewba ñi ayükeelchi dungu famülke mu? Tüfachi papil entungey tati fütra trawün küla antü ngelu “Protejamos el corazón” ka wirintukungey ñi yenieafiel tati pu chillkatukelu Biblia Jewba ñi adkünuelchi trokiñche mew. Ngüneduamliyiñ tüfachi papil, doy falintunieafiyiñ taiñ koneltulen Jewba tañi trokiñche mu, tüfa kiñe yewün reke, ka kelluaeiñmu taiñ küme kimnieafiel tüfachi küme papil taiñ kelluaetew amuldungun mu (Sal. 48:13).

2. ¿Chumngechi chillkatungeay tüfachi papil ti trawünche mu?

² Chumngechi chillkatungeay. Tati pu adkünualu ti chillkatun müley ñi küme adkünual ñi tiempo ñi küme ngüneduamal fillke trokiñ. Ellakonal ti kimeltun müley ñi wüne papeltuafiel ti ramtun wenu mew wirintukulelu. Dew papeltukünungele ti wünen parrafo, ti adkünulelu entuay kiñe ramtun kidu ñi dewmael. Fey wüla, kom tati trokiñ llitulu kiñe kürülechi wirin mu, wichu papeltungeay, fey tati adkünulelu ramtuay chumngechi tüfachi trokiñ wiñoldungukey ti wenulechi ramtun. Ka mülele tiempo papeltungeay tati doy falinke texto. Kafey, ñi mülen mu fillke adentun, entungeafuy kiñeke nütram. Petu ñi inaduamngenon kakelu kimeltun, tati adkünulelu wiñoinaduamafi tati doy falinke dungu, feymu ramtuay nagaltu müleyechi dungu. Mülele kiñe wichulechi dungu “Tami doy kimal” pingelu, tati papeltulelu müley ñi papeltuafiel, ka tati pu trawüluwpalu feypiafuyngün chumngechi kiñe chillkatukelu Biblia kümelkayaeyew ñi inaniefiel tüfachi dungu. Mülewele tiempo tañi wiñoinaduamal kiñeke dungu afle ti chillkatun, fey wiño feypiay tati wenulechi ramtun. Chillkatufilmi ti Biblia kiñe che engu, duamfalngelay ñi femngechi yengeal ti chillkatun.

3. ¿Chumngechi doy kümelkangeaiñ taiñ chillkatun mu tüfachi papil?

³ Taiñ doy kümelkayaetew tüfachi trawün, müley taiñ küme pepikawküleal ka yafüluwal taiñ koneltuleal. Petu ngüneduamngele tati kimeltun, rakiduamaiñ chumngechi tüfachi dungu kelluafi tati pu chillkatukelu Biblia. Chillkatual tüfachi we papil pepikayaeiñmu taiñ kelluafiel kakelu che ñi femal Jewba ñi ayükeelchi dungu, ka tañi maneluwal ñi rumel mongen nieal (1 Juan 2:17).