Doy küme adümuwnge tami amuldungual: kellufinge tati pu che papeltukelu taiñ chillka ñi doy duamal tañi chillkatukeel

Chumngelu falin-ngey. Fentren che ayükey ñi papeltuafiel taiñ chillka, welu küpa chillkatukelay ti Biblia iñchiñ engün. Tüfa engün ayüwküleyngün chi ñi religion mu, kam nielayngün chi antü ñi chillkatuam. Welu papeltukeyngün taiñ chillka, feymu amuleafuy ñi duamnieel engün Ngünechen ñi Dungu (1 Ped. 2:2). Kiñe dungu mülelu ti chillka mew puafuy chi ñi piwke mew, kam ñi rupan mu kangetuafuy tañi mongen. Feymu pichiñma mu pemekefiliyiñ tati che, fey kimürpuaiñ chem dungu ñi duamnieel ka chem dungu mu rakiduamküley, ka doy küme duamnagay iñchiñ mu. Fey mülen antü mu chi, fey engün chillkatuafuiñ tati Biblia.

Chumngechi ñi femngeal:

Fill küyen mu yelelfinge tati che ti we tripachi chillka La Atalaya ka ¡Despertad! Ka antü ti küyen mu pemeafuymi tami yafültukuafiel ñi papeltual kiñe dungu mülelu tami elkünulelfielchi chillka mew, kam elelafimi tati papil taiñ wülkeel feychi küyen mu. Müley tami küme wirintukual chem ñi duamnieel ñi wiñopemetuafiel ti che. (Ka papeltuafuymi ti papil Taiñ Amuldungukeel enero küyen 2014 mew, pagina 3.)
Küme pepikawnge petu tami pemenoafiel ti che. Elufemkifilnge ti chillka, nütramkafinge ka wenikawnge. Femngechi doy kümeay ñi duamal tati che ti rüf dungu mu.
Pewütuwkülenge tami llitual kiñe chillkatun Biblia tati che engu. Kiñe che tami elkünulelfiel ti chillka ramtuelmu chem pilen ti Biblia kiñe dungu mu, yelelfinge kiñe lifru tamu chillkatual Biblia ka ñi wiñoldungual tañi ramtun, ka trür ngüneduamafimu. Petu tami amutunon, feypiafimi kiñe ramtun dungu koneltulu tüfachi dungu mu, fey tami wiñoldungual ka antü mu pemefilmi. Adkünuwülmi tami rumel nütramkalelafiel ti che Chaw Ngünechen ñi dungu, ka pengelelfilmi ti Biblia kam kangelu lifru tamu chillkatual, fey llituymi kiñe chillkatun Biblia mu. ¿Elkünulelfimi tati papil Kümeke dungu ka pengelelfilmi chumngechi yenieal ti chillkatun Biblia pichiñma mu? Kafey pengeleafuymi tati video ¿Chumngelu am müley tami chillkatual ta Biblia? ka tati video Kiñe chillkatun Biblia mu, ¿chem dungu rupakey? Tati che pikenofule rume ñi chillkatual ti Biblia eymi engu, ñi rupan mu kangetuafuy chi tañi mongen. Feymu kümeafuy tami feypiafiel ka kiñe rupa tamu mür chillkatual Biblia.

Tüfachi küyen mu tami adümal:

Wirintukunge kiñe papel mu tunten che yelelafuymi ti chillka fill küyen mu. Elufinge ti we tripachi chillka, kafey feypifinge tami wiñoal elelafiel tripaleyechi chillka.