Chumngechi puwaiñ tati pu chillkatukelu ñi piwke mew
1. Tati pu allkütukulu Jesu ñi kimeltukeel, ¿chum duamkületuy ñi piwke engün?
1 Jesu puwi tañi pu allkütukeetew ñi piwke mew. Feymu kiñe rupa Jesu kimfalkünulu tati Wirin Chillka, tañi pu inanieetew feypi engün ‘ñi rume ayüwkülen tañi piwke’ engün (Luka 24:32). Tati pu che ñi piwke mu tuwi ñi feyentual ta Ngünechen, feymu ¿chumngechi iñchiñ puwafuiñ pu che ñi piwke mu taiñ kimeltukeel, femngechi ñi pürüm doy küme elkünutual ñi mongen engün? (Rom. 6:17.)
2. Kuñiwtukun mu dungulmi ka küme ngüneduamülmi, ¿chumngechi kelluaeymu tüfa tami puwal ti che ñi piwke mu?
2 Kuñiwtukun mu dungunge ka küme ngüneduamnge: Kiñe che re feypifilmi chem dungu ta kümey kam kümelay, tati che inalayafuy chi tami feypiel. Eymi fentren versikulo Biblia mew pengelelfilmi tati pu che ñi welulkalen tañi feyentuel, tati che chillkatuwelayafuy. Feymu tami yafüluwafiel ti che, wüne müley tami rakiduamal chumngelu femngechi feyentuley ka chumngelu femkey. Küme dulliaymi tami ramtual ka kuñiwtukun mu femaymi, femngechi tati che entudunguay chem ñi mülen kidu ñi piwke mu (Prov. 20:5). Fey mu müten dulliafuymi kiñeke versikulo Biblia mu ñi puwal kidu tañi piwke mew. Feymu müley tami ngenoafeluwün-ngeal ka pengelal tami duamtuniefiel ti che (Prov. 25:15). Tukulpange, tati pu che kiduke amulerpuafuy ñi tremkülen tañi mupiltun. Feymu üngümkülenge, Jewba tañi newen kelluafi tati che tañi küme rakiduamnieal ka kümeke dungu femal (Mar. 4:26-29).
3. ¿Chumngechi kelluafuymi tati chillkatukelu ñi pengelal kümeke chumngen?
3 Kellufinge tati che ñi kümeke chumngen pengelal: Tami kelluafiel ti che ñi pengelal kümeke chumngen, papeltulelafuymi kiñeke versikulo Biblia mu, pengelkelu Jewba tañi fürenechen ka ñi piwkeyechen. Papeltulelafuymi Salmos 139:1-4 kam Luka 12:6, 7 ñi pengelal Jewba tañi duamniefiel itrokom pu che. Tati che piwke mu mañuntule Jewba tañi fürenechen, doy piwkeyenieafi ka yamnieafi (Rom. 5:6-8; 1 Juan 4:19). Ka kimle engün chum duamkey Jewba tañi femkeel engün, fey tati che küpa femay Jewba tañi ayükeel ñi püramyengeal (Sal. 78:40, 41; Prov. 23:15).
4. Kimeltuliyiñ ti che amuldungun mew, ¿chumngechi kelluafuiñ ñi dullial kidu ñi ngüneduam mu?
4 Jewba dikümtukukelafi tati pu che ñi feyentual tañi werkün dungu. Kidu ta pengelelfi fente ñi kimün-ngen tañi inanieel ñi ngülam, femngechi puwi pu che ñi piwke mew (Is. 48:17, 18). Feymu inanieafiyiñ ta Jewba taiñ kimeltulelafiel pu che, kidu ñi ngüneduam mu kimürpual. Tati che küme kimle chumngelu fente duamfalngey ñi küme yenieal tañi mongen, püntüwlayafuy (Rom. 12:2). Ka fülmawküleay Jewba mu, “tati ngüneduamkelu pu piwke” (Prov. 17:3).