Falinke rupan dungu taiñ amuldungun mu

Kake mapu mew, müley fütra trawün küla antü ngelu junio, julio ka agosto küyen mu, welu Chile mapu mew müley noviembre ka diciembre küyen. Ka fentren tripantu mu, mülekefuy fütra trawün küla antü ngekelu, enero ka febrero küyen mu kütu. ¿Chumngelu rupay tüfachi dungu? Epu dungu mew: ñi walüng ngen mu ka tati vakasion. Tati fütrake trawün küla antü ngekelu femngekey walüng mew, femngelu am fütrake estadio mew nienolu techo, ka fentren che allmalltukeyngün ñi vakasion mu amual ti fütra trawün mu. Feley, tüfachi epu dungu rupalay pukem mu Chile mapu mew. Feymu Taiñ Amuldungukeel septiembre küyen mu tripay kiñe trokiñ taiñ tukulpayal ti fütra trawün küla antü ngealu, welu kake mapu mew tripay abril küyen mew. Rupachi tripantu mu 107.785 che amuyngün ti fütra trawün mew. Kom iñchiñ üngümniefiyiñ tati fütra trawün tüfachi tripantu ñi müleal.