Kristo lay tami peñi ka lamngen ñi duam mu

Jesus lay kom pu che mu kulpafengelu ñi duam mu (Rom 5:8). Kom iñchiñ mañumtukefiyiñ ta Jesus taiñ piwkeyeetew ka ñi wülün tañi mongen. Welu ngoymalayaiñ kidu ñi lapan taiñ pu peñi ka lamngen ñi duam mu, tüfa engün ka kulpafengeyngün iñchiñ reke. Ngüneduamaiñ küla dungu taiñ kelluaetew ñi piwkeyeafiel taiñ pu peñi ka lamngen chumngechi Jesus ñi piwkeyefiel engün. Wüne, weniyeafiyiñ pu che kake tuwün-ngelu (Rom 15:7; 1 Pe 2:17). Epu, femlayaiñ ka feypilayaiñ chem dungu rume ñi weda duamelafiel taiñ pu peñi ka lamngen (Rom 14:13-15). Küla, kiñe che weda femeliyiñmu, eluwaiñ taiñ wiñoduamatuafiel (Lk 17:3, 4; 23:34). Femngechi inayentuafiyiñ ta Jesus, Jewba kümelkayaeiñmu ka taiñ trawünche kiñewküleay ka küme feleay.

PEFINGE TI VIDEO ¡DOY KÜME CHENGERPUAYMI! KA WIÑOLDUNGUNGE TI MÜLEYECHI RAMTUN:

• 

  We akulu Miki ti trawünche mu, ¿chum duamkülefuy?

• 

  Amulechi antü, ¿chumngenturpuy ti trawünche mu?

• 

  Jesus ñi femün, ¿chumngechi kellueyew ta Miki ñi küme elkünutual ñi rakiduam? (Mr 14:38).

• 

  Proverbios 19:11, ¿chumngechi kellukeeiñmu taiñ küme trokituafiel taiñ pu peñi ka lamngen?