Kom pu che “dungukerkefuy kiñe rume kewün müten”

11:⁠1-4, 6-8, 9

Babel mew, Chaw Jewba elufi kakerume kewün ñi dungual pu feyentulenochi che, fey ñi kiñewkülenoal engün. Welu famülke mu, Jewba trawülmekefi “fentren pu che kom trokiñke mapu tuwlu, kakerume tuwün-ngelu, kakerume dungun nielu”, fey elufi ñi dungual engün kiñe rume dungun, tati lifngechi dungun, femngechi ñi püramyeafiel engün Jewba tañi üy ka ñi kiñewkülen mu küdawelafiel (Ap 7:⁠9; Sof 3:⁠9). ¿Chem am tüfachi lifngechi dungun? Tüfa tati rüf dungu Chaw Jewba mu ka tañi ayükeel ta kidu, kom tüfa müley Biblia mu.

Rakiduamnge: taiñ kimürpual kiñe we kewün dungu, duamfali taiñ longkontukual kake kiñeke dungun. Welu fey ka müten no, ka duamfali taiñ we rakiduam nietual, fey taiñ kimal chumngechi rakiduamkey pu che dungulu feychi kewün mu. Ka femngechi, kimürpulu iñchiñ tati lifngechi dungun, we rakiduam nieketuiñ (Rom 12:⁠2). Newentuleliyiñ taiñ femürpual tüfa, kelluntukuaiñ ñi fente küme kiñewküleal Jewba tañi pu che (1Ko 1:⁠10).