Ti papel Fill antü ngüneduamaiñ tati Biblia, ¿chumngechi kümelkayafeymu?

Tami poyeafiel ta Jewba fill antü, ¿papeltupeymi may ti texto ka ti parrafo mülelu ti papel Fill antü ngüneduamaiñ tati Biblia? Femülmi, kümey tami femün. Welu petu wimtunolmi, eluwkülenge tami femal. Fentren che puliwen mu ngüneduamkefi tüfachi papel, femngechi kom antü rakiduamtukunieyngün tañi papeltuel mu (Jos 1:⁠8; Sl 119:⁠97). Papeltual ti texto kümelkakeeymu, fey ¿chumafuymi tami doy kümelkayaetew? Papeltuafuymi kom ti trokiñ Biblia ñi nüwkülen feychi texto mew, femngechi tami küme adümafiel. Fey ramtuwafuymi: “¿Chem ngülam entuafun tüfachi texto mu? ¿Chem nütram Biblia mew nüwküley feychi ngülam mu? ¿Chumngechi inayafun tüfa tañi mongen mu?”. Eluwülmi tami inayal Biblia ñi ngülam fill antü, Chaw Dios adnieaeymu tami mongen, fey kümelkaleaymi llemay (Sl 119:⁠105).

Wall Mapu mu, kiñe familia reke kom pu Betel che puliwen mu kiñentrür ngüneduamkey ti papel Fill antü ngüneduamaiñ tati Biblia, fey tüfa mu entungekey kiñe wewpin ngüneduamkelu ti texto. Peafuymi kiñeke wewpin ti sitio JW Broadcasting^® mu, mülelu ti trokiñ SAKIN ADNIEELCHI DUNGU. ¿Tukulpaymi nga chumül pefimi kiñeke tüfachi wewpin? Kakerumey chem ñi ngüneduamkeel tati fillke wewpin ñi mülen, fey pefilmi tüfachi wewpin, “feyta tañi duamnieel”, piafuymi chi. Kiñe wewpin tami ngüneduamafel fey tati nütramkalu Lot ñi rupan mu, tüfa ¿chumngechi kelluafeymu tami küme dullial chem chumal?

PEFINGE TI VIDEO PIWKEYELAYAFIYIÑ TA TÜFACHI MAPU (1JN 2:⁠15), KA WIÑOLDUNGUNGE TI MÜLEYECHI RAMTUN:

• Tüfachi wewpin, ¿chem ngülam Biblia mew tuwi?

• Rume kuñiwün-ngey piwkeyeafiel ta tüfachi Mapu ka tati dungu mülelu fey mu, ¿chumngechi kimeltueiñmu tüfa Lot ñi nütram? (Gé 13:⁠12; 14:⁠12; 19:⁠3, 12, 13, 24-26).

• Piwkeyekelafiyiñ tüfachi Mapu ka chem no rume mülelu fey mu, welu may piwkeyekefiyiñ ta Chaw Jewba, ¿chumngechi pengelkeiñ tüfa?