Doy küme adümuwnge tami amuldungual: Amuldungucheaiñ kiñe camara kam kiñe sitofono mew

CHUMNGELU FALIN-NGEY: Fantepu mew fill püle miyawkey weñefe, feymu tati pu che llükaleyngün kam ayükelayngün ñi tripayal tañi ruka mu. Welu mülen mu kay fentren tecnologia, fewla tati pu che niey camara ka sitofono. Amuldunguyawlu femngechi ruka mew, pu che adkintunieafeiñmu, welu iñchiñ pekelafiyiñ feymu yewentukuwafuiñ. Küpalechi ngülam kelluaeiñmu taiñ yewentukuwnoal amuldunguyawlu femngechi ruka mew. Kafey tüfachi ngülam kelluafeiñmu amuldungun mu telefono mew.

CHUMNGECHI ÑI FEMNGEAL:

• Küme rakiduamaniefinge tati che. Fentren che niefuy rume kiñe camara kam sitofono tañi ruka mu, welu eluwkülekey ñi nütramkayal.

• Longkontukunienge: kiñeke camara grabamekey petu tami pütafnon rume ti sitofono, fey ti ngen ruka wünelu mew peafeymu petu tami nütramkanofiel.

• Wiñoldunguelmu ti ngen ruka, amuldungulelfinge traf angewkülen reke. Chumngechi tami nütramkaken, nütramkafinge. Mülele camara, rume fülkonlayaymi.

• Dew amuldungulmi kuñiwtukuwküleaymi tami feypial. Ti ngen ruka petu allkütunieafeymu.