BIBLIA ÑI FALIN DUNGU | LEVÍTICO 1-3
¿Chem adentulefuy tati fillke ofrenda?
Tati Ley ñi feypin mu, pu israelche mülefuy ñi chalintukulelafiel ta Jewba fillke ofrenda. Tüfa rume ayüwülkefuy ta Jewba. Kafey adentulefuy Jesus ñi lapan iñchiñ mu ka fente taiñ kümelkakeetew tañi femün (Eb 8:3-5; 9:9; 10:5-10). Welu ¿chumngelu feypiafuiñ tüfa ñi nüwkülen Jesus ñi lan mew? Peafiyiñ.
Tati enkañngenochi kulliñ müten mülefuy ñi chalintukulelngeal ta Jewba. Ka femngechi Jesus culpan chengelafuy, fey wülkünupay ñi mongen (1Pe 1:18, 19).
Kiñeke ofrenda kom lüpümngekefuy. Ka femngechi Jesus chalintukulelfi reke ta Jewba kom ñi mongen.
Kuyfi mu, pu israelche wülkefuy kiñeke ofrenda ñi pengelal ñi küme weniyewün Chaw Dios engu. Ka femngechi pu peñi ka pu lamngen ikelu ka putukelu ti trawün mu Jesus tañi lan ñi acordangeal, pengelkeyngün ñi küme weniyewkülen Jewba engu.