29 JULIO–4 AGOSTO
SALMO 69
Ülcantun 13 ca ngillatun | Nütram amulcünual chi trahun (1 min.)
1. Ti Salmo 69 feipicünui ñi chem rupayafel ta Jesús
(10 min.)
Jesús refalta üdengei (Sl 69:4; Jn 15:24, 25; w11-S 15/8 pag. 11 parr. 17).
Jesús piuquentucuniequefui tañi Chau ñi poyengeal (Sl 69:9; Jn 2:13-17; w10-S 15/12 pag. 8 parr. 7, 8).
Jesús rume hueñancülefui, ca elungei pulcu reyülei ütrum engu (Sl 69:20, 21; Mt 27:34; Lu 22:44; Jn 19:34; g95-S 22/10 pag. 31 parr. 4; it-2-S pag. 669).
RAQUIDUAMNGE: Tati Hebreo Huirintucun mu Jehová feipicünui chem ñi rupayal ta Jesús, ¿chumngelu cai?
2. Cüme quintuafiyiñ falinque dungu Biblia meu
(10 min.)
Sl 69:30, 31. Tüfachi texto, ¿chumngechi quelluqueiñmu ñi doi cüme entual taiñ llellipun? (w99-S 15/1 pag. 18 parr. 11).
Tami papeltufiel Biblia tüfachi semana, ¿chem quimeltun ayüafuimi tami feipial?
3. Papeltun Biblia
(4 min.) Sl 69:1-25 (th quimeltun 2).
4. Ñochi duam chengeaimi: Jesús ñi femün
(7 min.) Ngüneduamngeal pu che engün. Pengelnge ti VIDEO, ca ngüneduamnge ti folleto Piuqueyenquechi quimeltucheaiñ quimeltun 8 troquiñ 1, 2.
5. Ñochi duam chengeaimi: Inayentufinge ta Jesús
(8 min.) Ngüneduamngeal pu che engün ti folleto Piuqueyenquechi quimeltucheaiñ quimeltun 8 troquiñ 3-5 ca troquiñ “Ca inaduamfinge”.
Ülcantun 134
6. ¿Chem duamniei taiñ trahunche?
(5 min.)
7. ¿Chumngechi quiñentrür estudiayafuimün tamün familia?
(10 min.) Ngüneduamngeal pu che engün.
Cuifi niequefuiñ epu trahun rangiñ semana mu. Huelu 2009 tripantu, enero cüyen, elcünungei quiñe trahun müten. Femngechi quellungei pu familia ñi elcünual quiñe nagantü cam quiñe pun ñi quiñentrür estudiayal Biblia. Feula fentren familia doi fülconcüleingün Jehová mu ca doi quiñeucüleingün, feimu mañumcüleingün (Dt 6:6, 7).
Ngen familiangelmi, ¿chumafuimi ñi cüme tripayal tamün dungu?
Femcünuuquilmün. Elcünuaimün quiñe antü ca quiñe hora tamün estudiayal fill semana. Ruparumefule quiñe dungu, feipicünuhuaimün tamün chumal.
Pepicacünuaimi chem tamün ngüneduamal. Ramtuafuimi tami domo, ca quiñeque mu tami pu yall. Duamfalngelai tami elcünual fentren tiempo tami pepicayafiel caquerumechi quimeltun, doi mai tami familia ayühunquechi femle quiñeque dungu müten fill semana.
Cacünuafimi chem tamün inaduamal. Pichiqueche tremquei, feimu caletuafui chem ñi duamnieel engün. Chem rume pepicafilmi ñi inaduamngeal, huelu ti quimeltun quelluafi com ti familia ñi doi fülconcüleal Jehová mu.
Petu estudialmün, cüme duamcüleaimün ca tüngcüleaimün. Cüme antüngele, huecuntu estudiayafuimün. Petu estudiamequelmün, pichi cansatuafuimün, femngechi ürcülayaimün. Trahuluhun mu ti familia nütramcahuaimün cüdaungechi dungu tamün rupamequen, huelu cuñiutucuhuaimi tami illcutunoafiel cam norümtuafiel engün.
Caquerume dungu inaduamafuimün. Pepicahuafuimün quiñe troquiñ ti trahun, peafuimün quiñe video, adümcantuafuimün tamün amuldungual, com tüfa femafuimün quiñe antü mu. Müna cümei tamün trahuluhual, femngechi quiñentrür inaduamal quiñeque dungu Biblia mu mülelu. Cafei caque quiñeque eimün quisu estudiayafuimün ti Biblia.
Ramtunge:
¿Inaquefimi cai com feitachi ngülam?
8. Chillcatun Biblia Trahunche mu
(30 min.) bt cap. 13 parr. 8-16, huichulechi dungu pag. 105.