26 AGOSTO–1 SEPTIEMBRE
SALMO 78
Ülcantun 97 ca ngillatun | Nütram amulcünual chi trahun (1 min.)
1. Inayentulafiyiñ pu Israel che ñi püntütripan Jehová mu
(10 min.)
Tati pu Israel che ngoimanentuquefingün com tañi femün ta Jehová quisu engün mu (Sl 78:11, 42; w96-S 1/12 pag. 29, 30).
Pu Israel che falintulafingün com tañi elueteu Jehová (Sl 78:19; w06-S 15/7 pag. 17 parr. 16).
Pu Israel che müchaique huesa femingün Jehová tañi adquiñ mu (Sl 78:40, 41, 56, 57; w11-S 1/7 pag. 10 parr. 3, 4).
RAQUIDUAMNGE: ¿Chem quelluaiñmu taiñ püntütripanoal Jehová mu?
2. Cüme quintuafiyiñ falinque dungu Biblia meu
(10 min.)
Sl 78:14, 52, 53. Ñi cüme duamcüleal ca ñi llicanoal pu Israel che, ¿chumi Jehová? (w18.09 pag. 24 parr. 11, 12).
Tami papeltufiel Biblia tüfachi semana, ¿chem quimeltun ayüafuimi tami feipial?
3. Papeltun Biblia
(4 min.) Sl 78:1-22 (th quimeltun 5).
4. Eluunge tami nütramcacheal
(3 min.) FILL RUCA MU. Feipiafimi ti che tami enseñalelafiel Biblia (lmd quimeltun 5 troquiñ 5).
5. Eluunge tami nütramcacheal
(3 min.) FILL RUCA MU. Pengelelafimi ti che quiñe tratado, fei tamu nütramcahual. Feipiafimi ti che tami enseñalelafiel Biblia (lmd quimeltun 5 troquiñ 4).
6. Eluunge tami nütramcacheal
(1 min.) FILL RUCA MU. Tati che feipieimu pichiñma müten nütramcayal. Feipiafimi ti che tami enseñalelafiel Biblia (lmd quimeltun 2 troquiñ 5).
7. Eluunge tami nütramcacheal
(4 min.) CHEU RUME MÜLELMI. Nütramcalayafimi ti che Biblia mu, quintuaimi chumngechi feipiafiel tami Dunguquelu Ineingen Jehová ngen. Feipiafimi ti che tami quimelelafiel Biblia (lmd quimeltun 2 troquiñ 4).
Ülcantun 96
8. ¿Chem quimeltueiñmu ñi femün ta Felipe tati amuldunguquelu?
(15 min.) Ngüneduamngeal pu che engün.
Biblia mülei fentren che cüme femlu ca huesa femlu. Elcünuaiñ tiempo taiñ cüme inaduamal tañi chumün engün. Re papeltulayaiñ müten ñi femün engün, raquiduamaiñ chem taiñ quimeltueteu, fei norümtuaiñ taiñ raquiduam.
Felipe ti amuldunguquelu quimniengequefui tañi quimün ca tañi nien Chau Ngünechen ñi nehuen (Hch 6:3, 5). ¿Chem quimeltueiñmu ñi femün ta Felipe?
Pengelnge ti VIDEO Inayentufimün ñi femün: Felipe tati amuldunguquelu. Fei hula ramtunge:
Calerumetulu tañi mongen ta Felipe, ¿chem quimeltueiñmu ñi femün? (Hch 8:1, 4, 5).
Felipe eluucülefui ñi amuldungual cheu tañi duamniengen ta quellu, fei cüme tripai ñi femün ¿chem quimeltueiñmu? (Hch 8:6-8, 26-31, 34-40).
Felipe ca tañi pu che rume quellueyu ñi cüme llouquefiel pu peñi, pu lamngen, ¿chem quimeltueiñmu? (Hch 21:8-10).
Feitachi pu familia tripalu video mu ayühueleyu ñi inafiel Felipe ñi femün, ¿chem quimeltueiñmu?
9. Chillcatun Biblia Trahunche mu
(30 min.) bt cap. 14 parr. 11-20.