28 ABRIL–4 MAYO
PROVERBIOS 11
Ülcantun 90 ca ngillatun | Nütram amulcünual chi trahun (1 min.)
1. ¡Feipiquilnge!
(10 min.)
Chem pilayafimi rume tami huesa duamelafiel tami chafche (Pr 11:9; w02-S 15/5 pag. 26 parr. 4).
Chem pilayafimi rume tami püntülcachenoal(Pr 11:11; w02-S 15/5 pag. 27 parr. 2, 3).
Nütramcangelmi quiñe dungu, feipilayafimi ta caquelu (Pr 11:12, 13; w20.03 pag. 22 parr. 12, 13).
RAQUIDUAMNGE: Ñi feipiel Jesús Lucas 6:45, ¿chem quelluaiñmu taiñ huesa duamelnoafiel caquelu che taiñ feipin mu?
2. Cüme quintuafiyiñ falinque dungu Biblia meu
(10 min.)
Pr 11:17. Quiñe cüme piuquengechi che, ¿chumngechi quisutu cümelcauquei? (g20.1 pag. 11, huichulechi dungu).
Tami papeltufiel Biblia tüfachi semana, ¿chem quimeltun ayüafuimi tami feipial?
3. Papeltun Biblia
(4 min.) Pr 11:1-20 (th quimeltun 5).
4. Eluunge tami nütramcacheal
(4 min.) CHEU RUME MÜLELMI. Eluunge tami nütramcayafiel ti che quiñe falin dungu tami quimürpuel trahun mu (lmd quimeltun 2 troquiñ 4).
5. Huiño pemetufinge ti che
(4 min.) CHEU RUME MÜLELMI. Ngüneduamnge ti che engu quiñe video mülelu ti fillque quellu taiñ quimeltucheal, huelu pengelquefilnge (lmd quimeltun 8 troquiñ 3).
6. Quimeltufinge ti che ñi inayafiel ta Jesús
(4 min.) CHEU ÑI RUPAQUEN FENTRENQUE CHE. Feipiafimi ti che tami enseñalelafiel ta Biblia ca pengelelafimi chumngechi tañi femngequen (lmd quimeltun 10 troquiñ 3).
Ülcantun 157
7. Taiñ feipin mu püntülcalayafiyiñ ti trahunche
(15 min.) Ngüneduamngeal pu che engün.
Culpafengelu am ta iñchiñ, feimu quiñeque mu feipiafuiñ quiñeque dungu taiñ feipinoafel (Snt 3:8). Huelu raquiduamliyiñ chem rupayafui taiñ huesaque pin mu, doi cuñiutucuhuaiñ taiñ dungun mu. Peafiyiñ quiñeque dungun ñi püntülcayafel ti trahunche:
Mallmahun. Quisu saquiuliyiñ, notucahuafuiñ caquelu pu peñi lamngen mu ca ütriruhuafuiñ (Pr 27:2).
Ngünenca dungun. Coilatulayaiñ müten, cafei huelucünulayafiyiñ quiñe dungu tañi hueluraquiduamnoal caquelu che. Pichi ngünenca dunguliyiñ rume, pu che maneluuhuelayafui iñchiñ mu ca huesa dunguyengeafuiñ (Ec 10:1).
Dunguyechen. Mülei taiñ huesa dunguyenoafiel caquelu che. Cacünutulayafiyiñ ti rüf dungu ca feipiyaulayaiñ caquelu che taiñ nütramcaeteu (1Ti 5:13). Feita quehualcacheafui ca püntülcayafui ti trahunche.
Huesa pihun. Lladcülcaeliyiñmu quiñe che, huesa pilayafiyiñ (Ef 4:26). Feita müna huesalcayafui (Pr 29:22).
Pengelnge ti VIDEO Famentuafiyiñ chi dungu catrütuafeteu tati tüngcülen (pichi troquiñ). Fei hula ramtunge:
Ñi quiñeucüleal ti trahunche, ¿chumngelu cuñiutucuhuaiñ taiñ dungun mu?
Tami peal chumngechi cümelcautui tüfachi pu lamngen, quintunge ti video ‘Quintuafiyiñ ta tüngün-ngechi dungu ca inayafiyiñ’.
8. Chillcatun Biblia trahunche mu
(30 min.) bt cap. 25 parr. 14-21.