5-11 MAYO

PROVERBIOS 12

Ülcantun 101 ca ngillatun | Nütram amulcünual chi trahun (1 min.)

BIBLIA ÑI FALIN DUNGU

1. Taiñ cüdaufengen cümelcaqueiñmu

(10 min.)

Ngünamcalayaiñ taiñ tiempo falinochi dungu mu (Pr 12:11).

Yafüluucüleaiñ taiñ cüme cüdaufengeal (Pr 12:24; w16.06-S pag. 30 parr. 6).

Cüdaufengeliyiñ, llohuaiñ cümeque dungu (Pr 12:14).

Fillque adentun: Quiñe peñi cüdauquei gasfiter reque ca cüme poyequefi ta Jehová. 1. Ti peñi trecalei tañi duamyepeel cüdau mu. 2. Fei pünequei llafe tañi cüdahual quiñe fütra tuberia mu. 3. Fei amui trahun tañi familia engu. Fei huitrapürami ñi cuhu tañi ñahue engu ñi huiñoldungual trahun mu. 4. Fei pünefi quiñe pichi papel tañi amuldungulelafiel quiñe huentru bencinera mu.

TAMI FEMAFEL: Rume ayüucüleaiñ raquiduamliyiñ chumngechi taiñ cüdau mu quelluafiyiñ ta caquelu (Hch 20:35; w15-S 1/2 pag. 5 parr. 4-6).

2. Cüme quintuafiyiñ falinque dungu Biblia meu

(10 min.)

Pr 12:25. ¿Chumngechi yafültucuafuiñ caquelu che taiñ dungun mu? (w24.09 pag. 28 parr. 10).

Huiñoldungun
Tami papeltufiel Biblia tüfachi semana, ¿chem quimeltun ayüafuimi tami feipial?

Huiñoldungun

3. Papeltun Biblia

(4 min.) Pr 12:1-20 (th quimeltun 5).

CÜME QUIMELTUCHEFENGEAIÑ

4. Eluunge tami nütramcacheal

(2 min.) FILL RUCA MU. (lmd quimeltun 1 troquiñ 4).

5. Eluunge tami nütramcacheal

(3 min.) FILL RUCA MU. Feipiafimi ti che tami enseñalelafiel Biblia (lmd quimeltun 5 troquiñ 4).

6. Huiño pemetufinge ti che

(3 min.) CHEU RUME MÜLELMI. Pengelelfinge ti che nielu pichiqueche taiñ pagina internet mu (lmd quimeltun 9 troquiñ 3).

7. Quimfalcünunge tami feyentuqueel

(3 min.) Pengelngemequei ti nütram. ijwfq articulo 3. Dungu: ¿Raquiduamquepeimi mai tami coneltulen rüfngechi religion mu? (lmd quimeltun 4 troquiñ 3).

TAIÑ CRISTIANO MONGEN

Ülcantun 21

8. Jehová quelluaiñmu taiñ nieal chem taiñ duamnieel

(15 min.) Ngüneduamngeal pu che engün.

Fill raquiduamelafeimu chi peal cam ñamümal cüdau, nienolmi cüdau tami mongeluhuam feula cam füchalelmi. Chem ñi rupamequen mapu mu calerumetuquei, nierumeafuiñ pichin plata taiñ mongeluhuam. Huelu Jehová feipicünui doyümfiliyiñ tañi dungu, fei rumel quelluaiñmu nieal chem taiñ duamnieel (Sl 46:1-3; 127:2; Mt 6:31-33).

Quiñe adentun tripalu ti video “Jehová turpu quisucünuquelaeiñmeu”. Ti peñi Alvarado nüfi tañi domo ñi cuhu ñi llellipual tañi familia engün.

Pengelnge ti VIDEO Jehová turpu quisucünuquelaeiñmeu. Fei hula ramtunge:

¿Chem quimeltueiñmu ñi rupan taiñ peñi Alvarado?

Huiñoldungun

Papeltunge 1 Timoteo 5:8. Fei hula ramtunge:

Ñi feipin tüfachi texto, ¿chumngechi doi maneluhuafuimi Jehová tami eluaeteu chem tami duamnieel?

Huiñoldungun

Cüdautulmi nieal tami duamnieel, quelluafeimu ngüneduamal inalechi ngülam:

Doyümlayafimi nieal fentren fillem. Ngillaquilnge chem tami duamtunon. Ca duamfalngenole, defequilnge (Mt 6:22).
Eluhulmi tami cüdahual cam estudiayal, doyümafimi cüdahuelafiel ta Jehová (Flp 1:9-11).
Ñom piuquengeaimi, ca dungu mu cüdahuafuimi. Nienolmi cüdau, eluucülenge tami femal caquerumechi cüdau, ayüfalngenole rume. Femngechi eluafuimi tami familia chem tañi duamnieel (Pr 14:23).
Misahuafuimi tami nieel caquelu che engün, pichi rume niefulmi (Heb 13:16).

9. Chillcatun Biblia trahunche mu

(30 min.) bt cap. 26 parr. 1-8, huichulechi dungu pag. 204, 208.