19-25 MAYO
PROVERBIOS 14
Ülcantun 89 ca ngillatun | Nütram amulcünual chi trahun (1 min.)
1. Cüme raquiduamaimi chem chumal rupale quiñe fütra huesa dungu
(10 min.)
‘Com tami feipingeel’, feyentulayaimi (Pr 14:15; w23.02 pag. 23 parr. 10-12).
Maneluulayaimi quisu tami raquiduam ca tami cuifique rupan mu (Pr 14:12).
Allcütulayafimi tati pu famentuquefilu Jehová tañi troquiñche ñi ngülam (Pr 14:7).
RAQUIDUAMNGE: Pu loncolelu, ¿pepicaucüleimün tamün maneluhual Chau Jehová mu ca inayafiel ñi feipin rupale quiñe fütra huesa dungu? (w24.07 pag. 5 parr. 11).
2. Cüme quintuafiyiñ falinque dungu Biblia meu
(10 min.)
Pr 14:29. ¿Chumngechi cümelcaqueiñmu taiñ ñochi duamngen? (w23.08 pag. 25 parr. 16).
Tami papeltufiel Biblia tüfachi semana, ¿chem quimeltun ayüafuimi tami feipial?
3. Papeltun Biblia
(4 min.) Pr 14:1-21 (th quimeltun 11).
4. Eluunge tami nütramcacheal
(3 min.) CHEU ÑI RUPAQUEN FENTRENQUE CHE. Feipinge quiñe dungu Biblia mu ta quiñe che fill raquiduamcülelu plata dungu mu (lmd quimeltun 3 troquiñ 3).
5. Huiño pemetufinge ti che
(4 min.) FILL RUCA MU. Rupachi antü tami nütramcafiel ti che, ayüfui ñi doi quimal quiñe dungu. Feula yelelfinge quiñe revista dungulu feichi dungu mu (lmd quimeltun 9 troquiñ 4).
6. Quimeltufinge ti che ñi inayafiel ta Jesús
(5 min.) Yafültucufinge quiñe estudiaquelu ñi papeltuafiel Biblia fill antü ca quimeltufinge chumngechi ñi femürpual (th quimeltun 19).
Ülcantun 126
7. Pepicaunge petu ñi rupanon huesaque dungu
(15 min.) Ngüneduamngeal pu che engün.
Quiñe loncolelu hueupiai. Mülele quiñeque ngülam ñi hulel Betel cam ti troquiñ loncolelu trahunche mu, feipiaimi.
Pichiñma mu afai mapu müleyechi dungu, fei doi amulerpuai ti huesaque dungu (2Ti 3:1). Rupan mu quiñe fütra huesa dungu Jehová ñi troquiñche quimeltuqueiñmu chem chumal taiñ montual. Nehuencülele taiñ feyentun feula ca cüme pepicauliyiñ, montutripayaiñ cüpalechi antü mu (Pr 14:6, 8).
Doi hueniyefinge ta Jehová: Fill antü papeltufinge Biblia ca cüme estudiafinge. Caquerumepe tami amuldunguchequen. Llicalayaimi mülenolmi tami pu peñi ca pu lamngen mu (Pr 14:30). Jehová ca Jesús turpu quisucünulayaimu (od-S 175, 176 parr. 15-17).
Cüme pepicaucülenge: Com mülei taiñ nieal quiñe mochila. Cafei quisuque taiñ ruca mu mülei taiñ nieal iyael, co, lahuen ca caquelu duamnieelchi dungu rupale quiñe fütra huesa dungu. Fei duamfalngele, mülenagafuimi tami ruca mu quiñeque antü (Pr 22:3; g17.5-S pag. 4).
Pengelnge ti VIDEO Petu ñi rupanon quiñe fütra huesa dungu, ¿chumngechi pepicaucüleaiñ? Fei hula ramtunge:
¿Chumngechi quelluqueiñmu Jehová rupan mu huesaque dungu?
¿Chumngechi pepicaucüleafuiñ?
¿Chumngechi quelluafuiñ pu huesa rupalelu?
8. Chillcatun Biblia trahunche mu
(30 min.) bt cap. 26 parr. 18-22, huichulechi dungu pag. 209.