20-26 OCTUBRE
ECLESIASTÉS 9, 10
Ülcantun 30 ca ngillatun | Nütram amulcünual chi trahun (1 min.)
1. Rupan mu huesaque dungu, cüme raquiduam nieaiñ
(10 min.)
Rupaliyiñ huesaque dungu, feipilayaiñ “Jehová ayüucülelai iñchiñ mu” (Ec 9:11; w23.01 pag. 15 parr. 4).
Quimnieiñ taiñ rupayal norngechi dungu tüfachi mapu ñi ngünenieteu Huecüfü (Ec 10:7; w19.09 pag. 4 parr. 10).
Elantücünuaiñ taiñ ayüucüleal com cümeque dungu taiñ elueteu Jehová rupaliyiñ rume huesaque dungu (Ec 9:7, 10; w11 15/10 parr. 1, 2).
2. Cüme quintuafiyiñ falinque dungu Biblia meu
(10 min.)
Ec 9:5. ¿Chem dungu rupaquei lan mu quiñe che? (lff quimeltun 29 troquiñ 1).
Tami papeltufiel Biblia tüfachi semana, ¿chem quimeltun ayüafuimi tami feipial?
3. Papeltun Biblia
(4 min.) Ec 10:1-20 (th quimeltun 11).
4. Eluunge tami nütramcacheal
(3 min.) CHEU ÑI RUPAQUEN FENTRENQUE CHE. Nütramcafinge quiñe hueñancülechi che (lmd quimeltun 3 troquiñ 4).
5. Eluunge tami nütramcacheal
(4 min.) CHEU RUME MÜLELMI. Ti che feipieimu ñi fill raquiduamcülen plata dungu mu. Fei nütramcange quiñe dungu tripalu ti troquiñ “Ayühun mu quimeltuchequeiñ Biblia ñi rüf dungu”, mülelu ti folleto Piuqueyenquechi quimeltucheaiñ Cangelu quimeltun 1 (lmd quimeltun 4 troquiñ 4).
6. Quimeltufinge ti che ñi inayafiel ta Jesús
(5 min.) lff quimeltun 17 “Tami quimel”, “¿Chem piafuimi?”, ca “Tami femafel” (lmd quimeltun 12 troquiñ 3).
Ülcantun 47
7. Ruparumele huesaque dungu, Jehová quelluaimu
(15 min.) Ngüneduamngeal pu che engün.
Fill antü chaftuqueiñ huesaque dungu. Huelu matu ruparumele quiñe fütra huesa dungu quimlaiñ chem femal, fei ramtuuqueiñ “¿Nehuentulepeafun mai?”. Feimu rupaliyiñ huesaque dungu, ¿inei am quelluafeiñmu? ¿Chem chumafuiñ taiñ chaftuafiel?
Huesa rupaliyiñ rume, Jehová ‘ñi duam mu nieiñ cüme felen’ (Is 33:6). Maneluucüleliyiñ Jehová mu, ñom chengeaiñ (Pr 11:2). Rupaliyiñ quiñe fütra huesa dungu, elantücünuafuiñ taiñ cüme dullial chem chumal, taiñ quisutu cuidahual ca cuidayafiel quiñe taiñ poyen che, ca eluhuaiñ taiñ ngümayal fente taiñ hueñancün mu (Ec 4:6).
Fentren rupa Jehová adniequefi tañi pu che taiñ yafültucuaeteu, feimu eluhuaiñ taiñ quintual quellu ca inanieal taiñ feipingeel. Acordayaimi tüfa, tami pu peñi ca pu lamngen rume piuqueyequeimu, ca ayühunquechi quelluqueimu.
Papeltunge 2 Corintios 4:7-9. Fei hula ramtunge:
Cüdaungele rume, amuleaiñ taiñ trahuluhual, papeltuafiel Biblia ca amuldunguleal, ¿chumngelu?
Pengelnge ti VIDEO “Jewba fülmaniekefi kom pu weñangkülelu ñi piwke”. Fei hula ramtunge:
¿Chumngechi Jehová quellufi ti curehuen Septer?
¿Chumngechi pu peñi ca pu lamngen quellueyu engu?
¿Ca chem quimeltueiñmu ñi rupan ti curehuen Septer?
8. Chillcatun Biblia trahunche mu
(30 min.) lfb quimeltun 28, ñi ngüneduamngeal troquiñ 6 ca quimeltun 29.