¿Quimquefuimi tüfa?

Tati pu israelita hulafuingün pu tortola cam pu pichon sacrificio mu. ¿Chumngelu fente cümefui tüfa?

TATI Ley ñi elungeel pu israelche feipiquefui quisu engün tañi hulafel tortola cam pichon sacrificio mu. Quiñe israelche nienofule quiñe tortola, hulafui quiñe pichon feipiquefui ti Ley (Lev. 1:14; 12:8; 14:30). ¿Chumngelu cümefui tüfa? Quiñeque mu tati pu israelita niequelafui tortola. ¿Chumngelu?

Pu tortola mülequei Israel mapu meu pehu ca hualüng meu müten. Octubre cüyen mu amuquei sur püle, cheu tañi mülen doi arengechi antü meu. Ca huiñoquetui Israel mapu mu aculu pehu (Cant. 2:11, 12; Jer. 8:7). Puquem mu, pu tortola ngequelai Israel mapu mu. Feimu pu israelita pepi hulquelaingün tortola sacrificio mu.

Huelu pu pichon, amuquelai cañpüle. Fill tripantu mülequei Israel mapu mu. Tati pu israelita ñi ruca mu cütu niequefi tati pu pichon (ca ngüneduamafuimi Juan 2:14, 16). Quiñe lifru nütramcaquelu culliñ ca fillque anümca feipingelu Biblia mu feipi: “Palestina mapu mu, com pu che niequefui tati pu pichon ñi ruca mu. Tati pu ngen ruca niequefui quiñe pichi lolo ponhuitu ruca mu, fei mu mülequefui pu pichon” (ca ngüneduamafuimi Isaías 60:8).

Feimu fill tripantu pu israelche hulafuingün tortola cam pichon sacrificio mu. Jehová llouquefui feitachi ofrenda, femngechi pengeli tañi piuqueyechefengen.