¿Quimquefuimi tüfa?
Chalintucungelu culliñ altar mu hunen siglo mu, ¿chumngequefui ti mollfüñ?
FILL tripantu Israel mu, pu sacerdote chalintucuquefui fentren culliñ templo mu. Quiñe historiador hunen siglo mu Josefo pingelu feipi Pascua mu langümngequefui doi 250 mil cordero, feimu rume fentren mollfüñ hutrulngequefui altar mu (Lev. 1:10, 11; Núm. 28:16, 19). ¿Chem chumngequefui tüfachi mollfüñ?
Pu arqueologo ngüneduami engün cheu püle ñi hutrutripan ti mollfüñ ti templo Herodes ñi deumael. Feimu pei engün cheu ñi conquen ti mollfüñ ca cheu ñi tripan templo mu.
Peaiñ epu dungu ñi mülen templo mu:
Miñche altar mülequefui quiñeque lolo: Quiñe cuifi lifru huiriconcülelu pu judio ñi ley ca huimtun feipi ñi mülen epu lolo ti altar ñi esquina mu. Ti mollfüñ ca ti co naglu ti lolo mu, amuquefui quiñe hutrunco meu, fei puuquefui Cedrón pingechi laf mapu mu. Quiñe doi hue lifru pengeli pu arqueologo famülque mu ngüneduamingün ñi rüfngen tüfa. Peingün lolo cheu ñi hutrutripaquefel peno ti co ca ti mollfüñ.
Ti templo yelelngequefui fentren co: Pu sacerdote duamniequefui fentren co ñi liftuafiel ti altar ca cheu ñi rumequen chi mollfüñ. ¿Cheu entuquefui co engün? Tati huaria mu. Niequefui canal, fei mu acuquefui ti co ca nieingün cheu ñi ngülümal co engün. Quiñe arqueologo Joseph Patrich feipi tüfachi templo trürlai caquelu meu, fente cüme pepicaucülelu ñi cüpalal co ca ñi liftuafiel.