Chew ñi mülen trokiñke dungu

Taiñ kelluaetew ti kimün, müley taiñ inanieal taiñ kimürpuel. Welu taiñ femürpual tüfa, duamfalngey ñom piwkengeal. Tüfachi chillkatun mu, ngüneduamaiñ chumngechi ñom piwkengeafuiñ inayentufiliyiñ pu che nütramkangelu Biblia mu, fey engün amuldungulelfi itrokom che, ngillatufingün kakelu che mu, ka ñochi duam mu eluwingün ta Jewba ñi norümal ti dungu.

Famülke mu rupakeiñ fentren wedake dungu mu, fey müna weñangküleafuiñ ka yafüngewelayafuiñ, welu Jewba ka Jesus newentukukeeiñmu. Ka femngechi iñchiñ müley taiñ yafültukuafiel ta kakelu. Tüfachi chillkatun mu kimürpuaiñ chumngechi newentukuafiel ta kakelu piwkeyen mu.

Taiñ “ayüwün-ngechi Ngünechen” Jewba, ayüniey kom tañi pu poyekeetew tañi ayüwküleal. Welu famülke mu rupakeiñ fentren wedake dungu tüfachi Mapu mu, ¿chumngechi ayüwküleafuiñ? Jesus wewpilu ti fütra wingkul mu, kimeltukeeiñmu chumngechi taiñ ayüwküleal fewla ka rumel mu.

Famülke mu, pu che amuley tañi doy kidutu duamuwken. Welu, femngechi femkelay pu rüf kristiano, doy may rüf piwkeyeniefingün kakelu che. Pengelkey ñi piwkeyechen duamtukefilu ta kakelu che. Tüfachi epu chillkatun mu, ngüneduamaiñ chumngechi duamtukeeiñmu Jewba ka chumngechi inayentuafuiñ.