Pu Dunguquelu Ineingen Jehová, ¿chumngelu pemequefingün ta che deu nielu ñi religion?

Ngüneduamqueiñ fentren che deu nielu ñi religion ayüqueingün ñi nütramcayal Biblia ñi dungu. Iñchiñ yamniequefiyiñ ta che ñi nieel quisu tañi feyentun, feimu dicümtucuquelafiyiñ ta che taiñ allcütueteu ti huercün dungu.

Nütramcaquefiliyiñ ta che religion ñi dungu mu, inaniequeiñ Biblia ñi cüme ngülam ñi nütramcayal “ñom piuque mu”, ca pengelqueiñ “ñi müna yamnieafiel ta che” (1 Pedro 3:15, TNM). Quimtucunieiñ ñi mülen che ayünolu ñi allcütual taiñ huercün dungu (Mateo 10:14). Huelu nütramcanofiliyiñ ta che, quimlayafuiñ chem taiñ feipiaeteu. Ca quimtucunieiñ fillque dungu rupayafule ta che, fei ayüafui chi ñi allcütual.

Raquiduamnge tüfa, quiñe antü ti che rume niei duam, feimu allcütulayafeiñmeu, huelu ca antü ayüafui ñi allcütual. Ca tati pu che chaftule huesaque dungu eluhuafui ñi quintual Biblia ñi quellun. Feimu lle fillque rupa mu nehuentuqueaiñ taiñ pemetuafiel ta che.