Pu Dunguquelu Ineingen Jehová, ¿eluuqueingün am ñi lahuentungeal?

Mai, pu Dunguquelu Ineingen Jehová eluuqueiñ taiñ lahuentungeal ca putuqueiñ lahuen. Cafei cuñiutucuuqueiñ taiñ cutran-noal, huelu quiñeque mu duamnieiñ quiñe medico (Lucas 5:31). Tati cristiano Lucas mülerquefulu hunen siglo mu, fei reque fachantü quiñeque Dunguquelu Ineingen Jehová lahuentuchefengeingün (Colosenses 4:14).

Pu Dunguquelu Ineingen Jehová quiñepülecünufingün com ti lahuentun ñi chaftuquefiel Biblia ñi dungu. Quiñe dungu, tati Biblia huercüeiñmeu taiñ ngüneucüleal mollfüñ dungu mu, feimu tuculelngequelaiñ mollfüñ (Hechos 15:20, Traducción del Nuevo Mundo). Cafei tati Biblia eluñmaquelaeiñmeu taiñ lahuentungeal calcu dungu mu nüucülelu (Gálatas 5:19-21).

Epe com tati lahuentun dungu chaftuquelafi Biblia ñi dungu. Feimu quisutu dulliafuiñ chumngechi taiñ lahuentungeal. Fei quiñe Dunguquelu dulliafui quiñe lahuentun dungu caquelu ñi llouquenoel (Gálatas 6:5).