Pu Dunguquelu Ineingen Jehová, ¿quiñe religion evangelica ngepeingün mai?
Femlai llemai. Pu Dunguquelu Ineingen Jehová inaniequefiyiñ ta Jesús, huelu quiñe religion evangelica ngelaiñ.
Fentren pu che raquiduamquei: com tati troquiñche famentuquefilu ti feyentun ñi nieel ti Iglesia Catolica Romana, fei quiñe religion evangelica tati. Rüfngei taiñ famentuquefiel fentren dungu ñi feyentuqueel tati Iglesia Catolica, huelu quiñe religion evangelica ngelaiñ. Peafiyiñ epu dungu pengelquelu tüfa:
Fentren feyentun ñi nieel pu religion evangelica chaftuquefi Biblia ñi quimeltun. Quiñe dungu, ti Biblia quimeltuquelai ta Chau Ngünechen ñi coneltuqueel Trinidad mu, huelu mai feipiquei “quiñelei müten ta Ngünechen” (1 Timoteo 2:5; Juan 14:28). Cafei tati Biblia quimeltuquelai Chau Ngünechen ñi cutrancamequefiel tati huesaque che quiñe cütral mapu meu no rume, huelu mai apümcayafi fei tañi huiñomongetunoal engün (Salmo 37:9; 2 Tesalonicenses 1:9).
Iñchiñ ayüquelaiñ norümafiel ti religion Catolica cam caque religion no rume. Huelu mai doyümqueiñ amuldungual tati cümeque dungu cüpalu Chau Ngünechen ñi Gobierno mu ca yafültucuquefiyiñ tati pu che ñi maneluucüleal feichi cümeque dungu mu (Mateo 24:14; 28:19, 20). Ayüquelaiñ norümafiel quiñe religion no rume, huelu mai quimeltulelafiel tati pu che cüme piuquengelu tati rüf dungu Biblia mu ca Ngünechen meu (Colosenses 1:9, 10; 2 Timoteo 2:24, 25).