10. Feyentufalchi Chengeaimi

¿CHEM AM CHI?

Feyentufalngechi che yamquefi com norngechi dungu. Huechunentuquei tañi feipicünuel, rumel rüf dunguquei. Femngechi chengen mu manelqueyu tañi pu chau, hueni ca tañi cüdau meu.

¿CHUMNGELU FENTE FALIN-NGEI?

Feyentufalngechi chengelmi, doi elungeaimi femal tami ayüqueelchi dungu.

Sarahi feipi: “Mülele tami pu chau cam quisulelmi rume, mülei tami cüme femal ca nor chengeal, femngechi manelngeaimi”.

BIBLIA ÑI NGÜLAM: “Cüme miyauqueaimün mapu mülechi pu che meu” (1 Pedro 2:12).

¿CHEM CHUMAFUIMI?

Cüpalechi ngülamtun quelluaimu tami doi feyentufalngechi chengeal.

Rüfngechi dungu feipiqueaimi. Femnolmi, pürüm feyentungehuelayaimi. Huelu rüf dungulmi huelulcaufulmi rume, feyentungeaimi.

Caiman feipi: “Cümelcalen mu, cüdaungelai tami feipial rüf dungu. Huelulcahulmi, doi cüdautuafuimi tami rüf dungual. Huelu femülmi, doi yamniengeaimi”.

BIBLIA ÑI NGÜLAM: “Ayünieiñ taiñ nor chengeal com dungu mu” (Hebreos 13:18).

Nor chengeaimi. Quiñe empresario duamle quiñe cüdaufe, ¿inei doyümafi ñi eluafiel chi cüdau? Feiti nor chengelu llemai. Tami nor chengen quelluaimu feula ca cüpalechi antü mu.

Sarah feipi: “Quisu duam cümeque dungu femli, tañi chau, tañi ñuque ngüneduamaingu. Doi cüme femli, doi maneluhuaingu iñche mu”.

BIBLIA ÑI NGÜLAM: “Rüf maneluucülen tami femal tüfa. Quimnien tami doi femürpual iñche tañi feipin mu” (Filemón 21).

Ñochi duamngeaimi. Quiñe che caletule ñi ad, com ngüneduamqueingün. Huelu doi cüme raquiduam nietule, pürüm ngüneduamngelayafui.

Brandon feipi: “Tami pu chau pürüm manel-layafeimu. Huelu rüf nor chengelmi, ñochiquechi maneluhurpuai eimi mu”.

BIBLIA ÑI NGÜLAM: “Ñochi duamngeaimün” (Colosenses 3:12).